پۋتين مەن توقاەۆ اسكەري جاتتىعۋدى بىرگە تاماشالاۋى مۇمكىن

رەسەي قارۋلى كۇشتەرىنىڭ "ورتالىق 2019" ستراتەگيالىق كوماندالىق-شتابتىق جاتتىعۋلارى 16 جانە 21 قىركۇيەك ارالىعىندا وتەدى ؛دەپ حابارلايدى qamshy.kz اقپارات اگەنتتىگى ؛sputniknews.kz ؛سايتىنا سىلتەمە جاساپ. ؛

رف قورعانىس مينيسترلىگى بۇدان بۇرىن حابارلاعانداي, جاتتىعۋلارعا قازاقستان, قىرعىزستان, تاجىكستان جانە وزبەكستان اسكەريلەرى دە قاتىسادى.

رەسەي پرەزيدەنتىنىڭ ءباسپاسوز حاتشىسى دميتريي پەسكوۆ ؛حابارلاعانداي, ۆلاديمير پۋتين وسى ەلدەردىڭ مەملەكەت باسشىلارىنىڭ بىرىمەن جاتتىعۋدى بىرگە تاماشالاۋى مۇمكىن. ولاردىڭ اراسىندا قازاقستان پرەزيدەنتى قاسىم-جومارت توقاەۆ تا بار.

"جوققا شىعارا المايمىز", - دەدى دميتريي پەسكوۆ سۇراققا جاۋاپ بەرىپ.

"رف-نىڭ ەۋروپالىق بولىگىندەگى دونگۋز, توسكيي, اداناك پوليگوندارىندا  ؛12 950 ادام جاتتىعۋدان وتەدى (ولاردىڭ ىشىندە رف اسكەريلەرىنىڭ سانى - 10 700-گە دەيىن, شەتەلدىك اسكەريلەر - 2 250 ادامعا دەيىن). سونداي-اق 250-دەي تانك, 450-گە جۋىق جاۋىنگەرلىك كولىك پەن برونەترانسپپورتەر, 200-گە تارتا ارتيللەريالىق جۇيە مەن دۇركىندەتىپ اتۋ رەاكتيۆتى جۇيەسى قولدنانىلادى", - دەلىنگەن رەسەي قورعانىس مينيسترلىگىنىڭ حابارلاماسىندا.

بۇعان دەيىن رەسەي مەن بەلارۋس پرەزيدەنتتەرى ۆلاديمير پۋتين مەن الەكساندر لۋكاشەنكو ەكى ەل اۋماعىندا ءداستۇرلى وتكىزىلىپ جۇرگەن "باتىس" ستراتەگيالىق جاتتىعۋلارىن كورۋگە بارعان ەدى.