تاراز قالاسىندا اۋىل ايەلدەرىنىڭ وبلىستىق فورۋمى ءوتتى

تاراز قالاسىندا اۋىل ايەلدەرىنىڭ وبلىستىق فورۋمى ءوتتى, &ndash؛ ؛دەپ جازادى qamshy.kz اقپارات اگەنتتىگى. ؛

جامبىل وبلىسىنىڭ اكىمدىگى, جاسىل ەكونوميكانى قولداۋ جانە g-global-دى دامىتۋ كواليسياسىنىڭ ۇيىمداستىرۋىمەن قولعا الىنعان جيىنعا اۋىل ايەلدەرى, كاسىپكەرلەر, اۋىلدىق وكرۋگتەردىڭ اكىمدەرى مەن وزگە دە مەيماندار قاتىسىپ جاتىر. ايتا كەتەر جايت, فورۋمنىڭ وتۋىنە ايەلدەر ىستەرى جانە وتباسىلىق-دەموگرافيالىق ساياسات جونىندەگى قازاقستان رەسپۋبليكاسى پرەزيدەنتى جانىنداعى ۇلتتىق كوميسسيا, حالىقارالىق «؛coca cola»؛ قورى مەن «؛expo&؛women»؛ حالىقارالىق ۇيىمى قولداۋ بىلدىرگەن.

فورۋم جۇمىسى باستالماس بۇرىن قازاقستان رەسپۋبليكاسى پارلامەنتى سەناتىنىڭ دەپۋتاتى, ايەلدەر ىستەرى جانە وتباسىلىق-دەموگرافيالىق ساياسات جونىندەگى قازاقستان رەسپۋبليكاسى پرەزيدەنتى جانىنداعى ۇلتتىق كوميسسيا ءتوراعاسىنىڭ ورىنباسارى ءلاززات سۇلەيمەن, قازاقستان رەسپۋبليكاسى پارلامەنتى ءماجىلىسىنىڭ دەپۋتاتى مايرا ايسينا جانە جاسىل ەكونوميكانى قولداۋ جانە g-global-دى دامىتۋ كواليسياسىنىڭ باسقارما ءتوراعاسى, قازاقستان رەسپۋبليكاسى پرەزيدەنتى جانىنداعى «؛جاسىل ەكونوميكاعا»؛ كوشۋ جونىندەگى كەڭەس مۇشەسى سالتانات راقىمبەكوۆا ءباسپاسوز كونفەرەنسياسىن وتكىزدى. بريفينگ بارىسىندا ولار فورۋمنىڭ نەگىزگى ماقساتى مەن جالپى اۋىل ايەلدەرىنە قولداۋ كورسەتۋدىڭ ماڭىزدىلىعىنا توقتالدى.

فورۋم جۇمىسىن جامبىل وبلىسى اكىمىنىڭ ورىنباسارى مۇراتحان شۇكەەۆ العى سوزىمەن اشىپ, دالا مادەنيەتىندە ايەل بالاسىنىڭ ءرولى ءارقاشان ەرەكشە بولعانىنا توقتالدى.

&ndash؛ قازاقى ورتادا ءوز مۇددەسىنەن وتباسى مۇددەسىنىڭ ارتىق بولۋى ايەلدەردىڭ قوعامدىق-الەۋمەتتىك بەلسەندىلىگىنە ەش كەدەرگى بولعان ەمەس. سول سەبەپتى, قازاق دالاسىندا اتى جالپاق جۇرقا ءمالىم ءانشى, اقىندار مەن داۋلەسكەر كۇيشى, پاراساتىمەن ۇلگى بولعان دانالار مەن ەرلىگىمەن ەرەكشەلەنگەن باتىر انالارىمىز بولدى.

قازىر دە ايەلدەردىڭ قوعامدىق ومىرىمىزدە الاتىن ورنى ەرەكشە. بۇگىندە جامبىل وبلىسىندا 1 ميلليوننان استام حالىق بولسا, ونىڭ 60 پايىزى اۋىلدا تۇرادى. ونىڭ ىشىندە تەڭ جارتىسى ايەلدەر. ولاردىڭ ءبىر پاراسى الەۋمەتتىك سالالاردا, شاعىن جانە ورتا كاسىپتە, قىزمەتتىڭ ءتۇرلى سالالارىندا ەڭبەك ەتۋدە. مەملەكەتتىك, باسشىلىق قىزمەتتە جۇرگەندەرى دە جەتەرلىك.

اۋىل &ndash؛ حالقىمىزدىڭ بىرەگەيلىگى مەن بىرلىگىنىڭ, تاريحى مەن مادەنيەتىنىڭ قاينار كوزى. سوندىقتان, اۋىلدى دامىتۋ &ndash؛ بىزگە باستى ماقسات. ونىڭ ىشىندە قاي سالادا بولماسىن باتىل قادام جاساپ, كاسىبي كەمەلدىكتىڭ, جاۋاپكەرشىلىك پەن تاباندىلىقتىڭ وزىق ۇلگىسىن كورسەتىپ كەلە جاتقان ايەلدەر قاۋىمىنا قولداۋ ءارقاشان جوعارى بولماق, &ndash؛ دەدى م. شۇكەەۆ.

سونان سوڭ, قازاقستان رەسپۋبليكاسى پارلامەنتى سەناتىنىڭ دەپۋتاتى, ايەلدەر ىستەرى جانە وتباسىلىق-دەموگرافيالىق ساياسات جونىندەگى قازاقستان رەسپۋبليكاسى پرەزيدەنتى جانىنداعى ۇلتتىق كوميسسيا ءتوراعاسىنىڭ ورىنباسارى ءلاززات سۇلەيمەن, قازاقستان رەسپۋبليكاسى پارلامەنتى ءماجىلىسىنىڭ دەپۋتاتى مايرا ايسينا جانە جاسىل ەكونوميكانى قولداۋ جانە g-global-دى دامىتۋ كواليسياسىنىڭ باسقارما ءتوراعاسى, قازاقستان رەسپۋبليكاسى پرەزيدەنتى جانىنداعى «؛جاسىل ەكونوميكاعا»؛ كوشۋ جونىندەگى كەڭەس مۇشەسى سالتانات راقىمبەكوۆالار بايانداما جاساپ, ەلىمىزدەگى ايەلدەردىڭ احۋالى, ولاردىڭ كاسىپكەرلىك پەن مەملەكەتتىك قىزمەتتەگى ورىندارى تۋرالى ءسوز قوزعادى.

كەشكە دەيىن سوزىلعان فورۋم جۇمىسى بۇدان ءارى پلەنارلىق وتىرىستارمەن جالعاستى. وندا كاسىپكەر كەلىنشەكتەرگە كورسەتىلىپ وتىرعان قولداۋلار, الەۋمەتتىك ماسەلەلەردى شەشۋ ارقىلى اۋىلداعى ءومىر ءسۇرۋ ساپاسىن جاقسارتۋ, اگروتۋريزمدى دامىتۋداعى ايەلدەردىڭ ءرولى, اۋىل ايەلدەرى اراسىندا كوشباسشىلاردى شىعارۋ, جۇمىسسىز ايەلدەردى قولداۋ جونىندەگى شارالار, وتباسى قۇندىلىقتارى مەن قازىرگى زامانعى گەندەرلىك ساياسات, اۋىل شارۋاشىلىعىمەن اينالىساتىن ايەلدەرگە نەسيە بەرۋ ماسەلەلەرى كوتەرىلدى.

سونداي-اق, جيىن بارىسىندا اۋىل ايەلدەرىنىڭ رەسپۋبليكالىق فورۋمىنا دەلەگاتتار سايلانىپ, كاسىپكەر كەلىنشەكتەر وندىرەتىن تاۋارلاردىڭ كورمەسى دە ءوتتى.

 ؛