بالاسى جەمقور ادام ماجىلىسكە لايىق پا؟

بۇل تاقىرىپتى بۇعان دەيىن قوزعاماي كەلۋىمىزدىڭ ءوز سەبەبى بار. ويتكەنى اتىشۋلى قۋاندىق بيشىمباەۆتىڭ ىسىنە سوڭعى نۇكتە قويىلماعان ەدى. كەشە سوت ۇكىمى جاريا بولدى, «؛بايتەرەك development»؛ اق توپ-مەنەدجەرلەرى ءتۇرلى مەرزىمگە باس بوستاندىقتارىنان ايرىلدى. ونىڭ ىشىندە ءماجىلىس دەپۋتاتى قابيبوللا جاقىپوۆتىڭ ۇلى &ndash؛ اسلان جاقىپوۆ تا بار. دەمەك دەپۋتاتتىڭ بالاسىنىڭ ارام اقشاعا قىزىعىپ, اردان اتتاعانى تولىعىمەن دالەلدەندى دەگەن ءسوز. ەندەشە ونداي بالانى تاربيەلەگەن اكەنىڭ ماجىلىستە شالقايىپ وتىرۋى قانشالىقتى قيسىندى؟

ادەتتە دەپۋتاتتار وزدەرىن «؛حالىق قالاۋلىسى»؛ دەپ اتاعاندى ۇناتادى. بالكىم وزدەرىن ىشتەي سولاي سەزىنۋى دە مۇمكىن. ءبىراق قانداي كىسىنىڭ دەپۋتات بولا الاتىنى, ماجىلىسكە كىمدەردىڭ باراتىنى بىلايعى جۇرتقا اسا قۇپيا ەمەس. الايدا سونىڭ وزىندە, حالىقتىڭ ەسەبىنەن قوماقتى جالاقى الىپ, ماجىلىستە قونجيىپ وتىرعاننان كەيىن ءار دەپۋتات كوپكە ۇلگى بولاتىنداي دەڭگەيدەن تومەندەمەۋى كەرەك قوي, جۇرت ءۇشىن وت پەن سۋعا ءتۇسىپ جاتپاسا دا.

ونىڭ ۇستىنە قابيبوللا جاقىپوۆ ەكى دەپۋتاتتىڭ ءبىرى ەمەس. ءماجىلىس تاريحىنا ەنگەن ساناۋلى ءتوراعانىڭ ساناتىنداعى كىسى. كەزىندە ماجىلىسكە باس-كوز بولىپ جۇرگەنىندە ۇكىمەتتىڭ ەكى اياعىن ءبىر ەتىككە تىقپاسا دا, شەندىلەردىڭ كەتەۋى كەتكەن تىرلىگىن اندا-ساندا سىناپ تۇراتىن. ونىسى ءتوراعا رەتىندە وزىنە جاراسۋشى ەدى. بۇگىنگى كۇنى دە سونداي مىنەز تانىتام دەسە, قۇقى بار. ويتكەنى &ndash؛ دەپۋتات.

بىراق ەندىگى جەردە قابيبوللا جاقىپوۆتىڭ «؛قاھارىنا مىنەتىنىنە»؛ كۇمان كوپ. ويتكەنى ءوز بالاسى ارانىن تيا الماي, سوتتالىپ جاتقان دەپۋتاتتىڭ وزگەگە بىردەمە ايتاتىنداي ءجونى بار ما؟ ەگەر ايتاتىن جەردە ايتىپ, دەيتىن جەردە دەمەسە, ونداي ادام ماجىلىسكە نە ءۇشىن كەرەك؟ مىناداي جاعدايدان كەيىن «؛حالىق قالاۋلىسى»؛ بولىپ جۇرگەن كىسى حالىقتىڭ بەتىنە قاراي الا ما؟

راس, اسلان جاقىپوۆتىڭ جازاسى وزگە جەمقورلاردان جەڭىلدەۋ. ماسەلەن ق.بيشىمباەۆ 10 جىلعا سوتتالدى. سۋديا كەزىندە ءوز كىناسىن مويىنداپ, بۇرىنعى باستىعىنا قارسى كۋالىك ەتكەنىن ەسكەردى مە, الدە وزگە سەبەپتەرى بولدى ما, ايتەۋىر ا.جاقىپوۆتى 2,5 جىلعا باس بوستاندىعىنان ايىردى. بىلاي قاراساڭىز, تاۋىق ۇرلاعان ادامنىڭ ءوزى 3-4 جىلعا سوتتالىپ جاتقاندا, 2,5 جىل دەگەنىڭىز تۇك تە ەمەس. ايتسەدە بۇل ەلگە بەلگىلى دەپۋتاتتى «؛جەمقوردىڭ اكەسى»؛ دەگەن اتتان قۇتقارا المايدى عوي.

بىر قىزىعى, ينتەرنەتكە ۇڭىلسەڭىز, قابيبوللا جاقىپوۆ تۋرالى دەرەكتەر تەك 2015 جىلدان ارى قاراي عانا «؛سويلەيدى»؛. ودان بەرگى ۋاقىتتا بۇل كىسىنىڭ نە ىستەپ, نە قويعانى باق نازارىنا ىلىكپەگەن. ىلىككەنى &ndash؛ كىشى جاقىپوۆتىڭ ىسىمەن بايلانىستى تۇستارى عانا. پارلامەنتتەن كەتىپ تىندى ما دەيىن دەسەك, التىنشى سايلانىمداعى ءماجىلىس دەپۋتاتتارىنىڭ تىزىمىندە ءالى ءجۇر. سوعان قاراعاندا, ۇلكەن جاقىپوۆ ۇيرەنگەن جەرىندە «؛باسبۇعىپ»؛ جاتقانعا ۇقسايدى.

ارينە, قابەكەڭدى دە تۇسىنۋگە بولادى. ىلگەرىدە ءبىر ەمەس, ەكى بىردەي ۇلىنىڭ ەسىمى «؛پاناما قۇجاتتارى»؛ بازاسىنان جىلتىڭ ەتىپ كورىنگەن. سوندا جۇرت ويشا بولسا دا, جاقىپوۆتاردى ەلىمىزدەگى ەڭ داۋلەتتى وتباسىلاردىڭ قاتارىنا قوسىپ قويعان ەدى. انەكي, سول بالانىڭ ءبىرى باسقا جەر تاپپاي قالعانداي, «؛نۇرلى جولدىڭ»؛ قارجىسىنا اۋىز سالام دەپ تۇتىلىپ وتىر. ءارى اكەنىڭ دە ابىرويىنا وشپەستەي ەتىپ داق ءتۇسىردى. بۇل وڭاي ما؟ ارينە, اۋىر.

بىراق «؛ا كومۋ چاس لەگكو؟»؛ دەپ ورىس اعايىندار ايتپاقشى, ءقازىر كىمگە جەڭىل بوپ جاتىر دەيسىز؟! ىشتەن شىققان شۇبار جىلاننىڭ «؛باسىنا اق تامىزىپ»؛, تۋرا جولعا سالا الماعان ادامنىڭ حالىققا قالاۋلى بولىپ ماجىلىستە وتىرعانى قاراشاعا جەڭىل دەپ, كانە, قايسىسىڭىز ايتا الاسىز؟! ؛

سانسىزباي نۇربابا