قازاقستاندا اي-92 بەنزينىنە ليميت ەنگىزىلمەك

وتاندىق جانارماي بەكەتتەرىندەگى ساتىلاتىن بەنزين مەن ديزەلدىڭ شەكتى باعاسى تۋرالى بۇيرىققا تۇزەتۋلەردى ەنەرگەتيكا مينيسترلىگى دايىندادى. قۇجاتقا سايكەس, تومەندەگى باعامەن ساتپاقشى:

اي-80 ءليترى &mdash؛ 89 تەڭگە ؛
اي-92 جانە اي-93 ءليترى &mdash؛ 245 تەڭگە, ال قازاقستاندا بەرىلگەن جۇرگىزۋشى كۋالىگىن كورسەتكەندە, تاۋلىگىنە 100 ليترگە دەيىن ءليترىن 205 تەڭگەگە الۋعا بولادى.

ارنايى كولىك, جۇك كولىگى جانە اۆتوبۋس جۇرگىزۋشىلەرى قازاقستاننىڭ جۇرگىزۋشى كۋالىگىن جانە تەحپاسپورتىن كورسەتكەن جاعدايدا تاۋلىگىنە 300 ليترگە دەيىن قۇيۋعا رۇقسات بەرىپ, بەنزيننىڭ ءبىر ءليترىن 205 تەڭگەدەن ساتپاقشى.

وسىنداي شەكتەۋلەر ديزەلدى كولىكتەرگە دە قاتىستى. شەتەلدىكتەرگە جازعى جانە ماۋسىمارالىق ديزەلدى 315 تەڭگەدەن, ال جەرگىلىكتى حالىققا 295 تەڭگەدەن, ءبىراق جەڭىل كولىك ءۇشىن كۇنىنە 100 ليتر ليميت, ارنايى كولىك, جۇك كولىگى مەن اۆتوبۋس ءۇشىن كۇنىنە 300 ليتر ساتۋ ۇسىنىلادى.

ەل ازاماتتارى ءۇشىن اي-92 ماركالى بەنزين مەن ديزەل وتىنىنىڭ باعاسى ءبىر جىل بۇرىن ۇكىمەت بەكىتكەندەي وزگەرىسسىز قالادى, ءبىراق شەتەلدەن كەلەتىن تاسىمالداۋشىلار ءۇشىن بەنزين قىمباتتايدى. ديزەل كەرىسىنشە ارزاندايدى: 450 تەڭگەدەن 315 تەڭگەگە.

كەيبىر مالىمەتكە سايكەس, رەسەيدىڭ كەيبىر مۇناي وڭدەۋ زاۋىتتارىنا دروندار شابۋىل جاساپ, رەسەيدە بەنزين مەن ديزەل تاپشى بولۋ ءقاۋپى تونگەن سوڭ, قازاقستان بيلىگى سولتۇستىك كورشىلەرىمىزگە جانارماي تاسىمالداۋدان قۇتىلعىسى كەلەدى. وسىنىڭ اياسىندا رەسەي ورتالىق ازياعا جانار-جاعارماي ماتەريالدارىن جەتكىزۋدەن دە باس تارتتى.