اتىراۋ قالاسىندا بىرنەشە كۇن ىشىندە 100 شاقىرىمنان استام قورعانىس بوگەتتەرى سالىندى

وبلىس ورتالىعىندا جايىق وزەنىندەگى سۋ دەڭگەيىنىڭ كوتەرىلۋىنە جانە يريكلين سۋ قويماسىنان سۋ اعىنىنىڭ ۇلعايۋىنا بايلانىستى جاعالاۋدى نىعايتۋ جۇمىستارى قارقىندى جۇرگىزىلىپ جاتىر. ؛

سوڭعى التى كۇندە (13 ءساۋىر كۇنى تاڭەرتەڭگى مالىمەت بويىنشا) جوسپارلانعان 215,1 ؛ شاقىرىمنىڭ 101,2 شاقىرىمىنا جاعالاۋدى نىعايتۋ بوگەتتەرى سالىندى. ايتا كەتۋ كەرەك, باستاپقىدا كارتوگرافيالىق دەرەكتەر بويىنشا ۇزىندىعى 105 شاقىرىم بوگەت قۇرىلىسى جوسپارلانعان.

بۇگىنگى تاڭدا اتىراۋ قالاسىنىڭ ماڭىندا ورنالاسقان, جايىق وزەنى مەن كاسپيي تەڭىزى اراسىنداعى ماڭىزدى ارتەريا - سوكولوك كانالىن تەرەڭدەتۋ جانە كەڭەيتۋ جۇمىسى قارقىندى جۇرگىزىلۋدە, ونىڭ ۇزىندىعى - 24 شاقىرىم. ارنا كەڭەيتىلىپ, ؛ قالعان توپىراق بوگەتتەردى نىعايتۋعا قولدانىلادى. سونداي-اق, قازىرگى سوكولوك كانالىنىڭ جانىنان قوسىمشا كانال سالىنىپ جاتىر. سوكولوك كانالىنان سۋ تاسىپ كەتكەن جاعدايدا ەكىنشى كانال رەزەرۆتىك گيدروتەحنيكالىق قۇرىلىس قىزمەتىن اتقارادى. ءقازىر 12 شاقىرىمىنىڭ جۇمىسى اياقتالدى.

تەك اتىراۋ قالاسى بويىنشا جاعالاۋدى نىعايتۋ بوگەتتەرىن سالۋعا 1 مىڭعا جۋىق ارنايى تەحنيكا, 3,2 مىڭ ءتۇرلى مەكەمەلەردىڭ قىزمەتكەرى جانە 3,5 مىڭنان استام ەرىكتى جۇمىلدىرىلدى.

جەرگىلىكتى ءتورت كومپانيانىڭ كۇشىمەن قاراوزەك كانالىنىڭ جاعالاۋىن بەكىتۋ جۇمىستارى جۇرگىزىلۋدە. ونىڭ ۇزىندىعى 35 شاقىرىمنان استام - اتىراۋ-ورال تاس جولىنان ەركىنقالا اۋىلدىق وكرۋگىنە دەيىن. بۇل كانال جايىقتىڭ ءبىر سالاسى بولعاندىقتان وزەن ءۇشىن ەرەكشە ماڭىزدى. مۇندا بوگەتتەردى نىعايتۋ (قوسىمشا 1,5-2 مەترگە كوتەرىلەدى), ارنانى, كوپىر وتكەلدەرى مەن شليۋزدەردى تازارتۋ جۇمىستارى جۇرگىزىلۋدە. سونىمەن قاتار, سوڭعى جىلدارى شارۋا قوجالىقتارىنىڭ قوجايىندارى كانال ارقىلى قۇبىرلار مەن توپىراقتان وتكەلدەر جۇرگىزگەن, ولار ءقازىر سۋدىڭ ءوتۋىن جاقسارتۋ ماقساتىندا اشىلىپ جاتىر.

قاراوزەك كانالىنىڭ جاعالاۋىن بەكىتۋ جۇمىستارىنا ءتورت كومپانيادان 350 ادام, 50-80 جەرگىلىكتى تۇرعىن مەن ەرىكتىلەر, سونداي-اق 70-تەن استام ارنايى تەحنيكا جۇمىلدىرىلعان. ايتا كەتەتىن جايت, جوسپارلانعان جۇمىستار اياقتالعاننان كەيىن بۇل كومپانيالار مول سۋدىڭ كەلۋى كەزىندە باقىلاۋدى جالعاستىرادى. ال قاجەت بولعان جاعدايدا قيىن ايماقتارعا تارتىلادى.

جالپى, قالا ىرگەلەس اۋىلدىق وكرۋگتەرىمەن بىرگە ؛ 107 ۋچاسكەگە ءبولىنىپ, ءارقايسىسىنا جاۋاپتى تۇلعا بەكىتىلىپ, اتقارىلعان جۇمىستار تۋرالى اقپارات كۇن سايىن جاڭارتىلىپ وتىرادى. سۋ تاسقىنىنا دايىندىق جۇمىستارىنا ىشكى ىستەر مينيسترلىگى مەن قورعانىس مينيسترلىگىنىڭ ۇلتتىق ۇلان بولىمشەلەرى جۇمىلدىرىلدى, باسقا وڭىرلەردەن تەحنيكالار كەلىپ جاتىر, وڭىردەگى ءىرى مۇناي كومپانيالارىنىڭ كۇشتەرى مەن قۇرالدارى دا جۇمىلدىرىلدى. سونىمەن قاتار, مەملەكەت باسشىسىنىڭ تاپسىرمالارىن ورىنداۋ اياسىندا جەرگىلىكتى كاسىپكەرلىك سۋبەكتىلەرى بەلسەندى اتسالىسۋدا.

اتىراۋ وبلىسىنىڭ تج جونىندەگى جەدەل شتابى