الماتىداعى قاتتى جەر سىلكىنىسى: توتەنشەلىكتەر نە ءۇشىن جازالاندى؟

"يا, قىزمەتتىك تەرگەۋ جۇرگىزىلدى, كوپتەگەن قىزمەتكەر, سونىڭ ىشىندە لاۋازىمدى تۇلعالار جازالاندى", دەدى باۋىرجان ءسىزدىقوۆ.

بىراق ول قاي قىزمەتكەر جازالعانىن, ولارعا قانداي جازا قولدانىلعانىن ناقتى ايتا المادى.

"ەندى ول ارادا ءارتۇرلى جازا بار, سوندىقتان رەسمي تۇردە حابارلاسساڭىزدار, ءبىز كەيىنىرەك ناقتىلاپ بەرەمىز", ؛ دەدى ۆيسە-مينيستر.

سىزدىقوۆ الماتىداعى جەر سىلكىنىسى تۋرالى الدىن الا قۇلاقتاندىرۋ جۇيەسىنە بولىنگەن ءىرى قاراجات ماسەلەسىنە قاتىستى تۇسىنىكتەمە بەرە المايتىنىن جەتكىزدى. ويتكەنى اتالعان ماسەلەمەن بۇگىندەرى پروكۋراتۋرا جانە سىبايلاس جەمقورلىققا قارسى قىزمەت اينالىسىپ جاتقان كورىنەدى.

"بۇل ارادا مىنانى ايتا كەتكەن ءجون, قۇلاقتاندىرۋ جۇيەسى, ەگەر الدىن الا حابارلاندىرۋ جۇيەسىن الاتىن بولساق, وندا ەكى جىل ىشىندە, ايتالىق, 28 داچيك قويىلدى. جالپى, الماتى بۇگىندە 100%-عا قامتىلعان, دابىل, قۇلاقتاندىرۋ قوندىرعىلارىمەن 100% قامتۋ ءجۇرىپ جاتىر. ءقازىردىڭ وزىندە بۇل جۇيە جۇمىس ىستەپ تۇرعانىنا وزدەرىڭىزدەر كۋاسىزدەر", دەدى ول.

ول ساتىپ الىنعان 28 داچيك ءقازىر سىناق رەجيمىندە جۇمىس ىستەپ تۇرعانىن ايتادى.

"ولاردىڭ بارلىعى ماماندار بەلگىلەگەن ورىندارعا ورناتىلىپ, ءقازىر سىناقتان ءوتىپ جاتىر. ال تەستىلەۋ مەرزىمى ءبىر جىلعا سوزىلادى. ياعني, ءبىز ولاردى ءبىر جىلدان كەيىن عانا وندىرىسكە شىعارامىز... 2022-2023 جىلدار بارىسىندا ەكى جىلدا ساتىپ الىندى, ءبىرىنشى جىل, مەنىڭ ويىمشا, 11, ەكىنشى جىلى 17 داچيك الىندى", دەدى باۋىرجان سىزدىقوۆ.