وسۆەنسيم – اجال قاقپاسى: بۇگىن كونسلاگەر تۇتقىندارىن ازات ەتۋ كۇنى

1945 جىلى ءساۋىردىڭ 11 كۇنى, بۋحەنۆالد لاگەرىنە اقش اسكەرى جاقىن قالعان كەزدە, "اجال لاگەرىندەگى" تۇتقىندار كوتەرىلىس ۇيىمداستىرىپ, بۋحەنۆالد كونسلاگەرىن باقىلاۋعا الدى. سەبەبى ءبىر كۇن بۇرىن باسشىلىق تاراپىنان بارلىق تۇتقىندى ءولتىرۋ تۋرالى بۇيرىق بەرىلگەن بولاتىن. وسى وقيعاعا بايلانىستى كەيىن 11 ءساۋىر ؛ حالىقارالىق فاشيستىك كونسلاگەر تۇتقىندارىن ازات ەتۋ كۇنى بولىپ بەلگىلەنگەن.

ەكىنشى دۇنيەجۇزىلىك سوعىس كەزىندە 14 000 فاشيستىك كونسلاگەرگە 20 ميلليون ادام باردى. مۇندا بوستاندىققا قول جەتكىزە الماعان 11 ميلليوننان استام ادام كوز جۇمدى. بۇلاردىڭ اراسىندا ەڭ قورقىنىشتىسى &ndash؛ وسۆەنسيم كونسلاگەرى.

وسۆەنسيمدەگى 1,6 ميلليون ادام قازا تاپقان اجال قاقپاسىندا "ەڭبەك بوستاندىققا جەتكىزەدى" دەگەن جازۋ جازىلعان.

كونسلاگەردە ءار 20 مىڭ ادامعا 16 دارەتحانا مەن 2 جۋىناتىن ورىننان بەرىپ, جۋىنۋىنا 40 سەكۋند ۋاقىت بولگەن. ازاپقا شىداماي قازا تاپقان تۇتقىنداردى كرەماتورييدە ورتەگەن. ءبىر پەشكە ەكى ەرەسەك ادامدى سىيعىزىپ, وتىن بوسقا جانباۋ ءۇشىن ايەلدەر مەن بالالاردى تەزەك رەتىندە قالاعان. ؛ ؛

تۇتقىندار ۇيىقتايتىن ءۇش يارۋستىق باراكتىڭ ءار يارۋسىندا 6-8 ادامنان جاتقان. بۇل تۋرالى "ازاپ لاگەرىنەن" امان شىققان ايگىلى پسيحوتەراپەۆت ۆيكتور فرانكل "باراكتا ورىن جەتۋى ءۇشىن قىرىمىزدان ۇيىقتايتىنبىز. تۇتقىندار تاڭەرتەڭ قاسىندا جاتقان ادامنىڭ ءولىپ قالعانىن كورگەندە ەش تاڭعالماستان ونىڭ ۇستىندەگى ءتاۋىر كيىمدەرىنە تالاساتىن. ال تۇندە تىشقاندار باراكتاعى ادامداردىڭ دەنە مۇشەلەرىن جەپ كەتەتىن"&ndash؛ دەپ جازادى.

فاشيستتەر ەڭبەككە جاراماي قالعان تۇتقىنداردى ءوندىرىلۋى ەڭ ارزان سيكلون ب گازىمەن ولتىرگەن. تۇتقىندار 20 مينۋت بويى اۋزى-مۇرنىنان قان كەتىپ, ازاپتالىپ ولگەن. جوعارىداعى سۋرەتتە ءولىم الدىنداعى تۇتقىنداردىڭ قابىرعانى تىرنالاعاننان قالعان ىزدەرى. ؛

كەڭەس اسكەرلەرى فاشيستتەر كۇتكەننەن ەكى كۇن ەرتە كەلىپ قويىپ, جويىلماي قالعان ايعاقتار اراسىندا 110 مىڭ جۇپ اياق كيىم, 40 كەلى كوزىلدىرىك, مىڭداعان بالداق پەن نەكە جۇزىكتەرى تابىلعان. ؛

فاشيستتەر كونسلاگەرگە تۇسكەن ايەلدەردىڭ شاشىن تاقىرلاپ الىپ تاستاپ, جينالعان ايەل شاشتارىنان نەمىستىڭ سۇڭگۋىر قايىقتارىنا ارناپ ماتراس تىككەن. سوعىس اياقتالعاندا فاشيستتەر جويىپ ۇلگەرمەگەن ايعاقتار اراسىندا 40 مىڭ توننا ايەل شاشى دا بار. ؛

 ؛

 ؛

 ؛