فوتو: اشىق دەرەككوز
كورەياداعى ينچحون اۋەجايىنان قاشىپ كەتكەن ەكى قازاقستاندىقتىڭ ارەكەتى رەزونانس تۋدىرىپ, 23 ادام قازاقستاندىق بولعانى ءۇشىن جۇمىستان شىعارىلعان, دەپ حابارلادى "korea_komek" instagram پاراقشاسى. ؛
"تۇركىستان قالاسىنىڭ 2 ازاماتى 25 ناۋرىزدا وزبەكستان حالىقارالىق اۋەجايى ارقىلى كورەياعا كەلگەن. قۇجاتتارىنىڭ دۇرىس بولماعاندىعىنا بايلانىستى كەدەندىك باقىلاۋ قىزمەتكەرى ولاردى ەلگە كىرگىزۋدەن باس تارتىپ, دەپورتاسيالىق ۇشاق كۇتۋ بولمەسىنە جىبەرگەن. ءبىراق ولار كۇتۋ بولمەسىنىڭ تەرەزەسىن سىندىرىپ, بيىكتىگى 3,6 مەتر بولاتىن قورشاۋدان سەكىرىپ قاشىپ كەتكەن", دەپ جازىلعان پاراقشادا. ؛
قاشىپ شىققان ءۇميجان نارزۋللاەۆتى پوليسەيلەر سول كۇنى تەدجون قالاسىنان ۇستادى. ال 18 جاستاعى نۇرسۇلتان يريسباەۆ 3 كۇننەن كەيىن ءوز ەركىمەن پوليسياعا بەرىلدى.
"ەكى ازامات تا قىلمىستارىن مويىنداپ, تەرگەۋ كەزىندە قازاقستاندا كۇنكورىس قيىن ەكەنىن, وتباسىن اسىراۋ ءۇشىن كونتراباندالىق جولمەن كورەياعا ءوتىپ, جۇمىس ىستەمەك بولعاندارىن ايتقان. پوليسيا ولاردى وزگە ەلدىڭ شەكاراسىنا زاڭسىز ءوتىپ, قاشىپ كەتكەنى ءۇشىن تەررورلىق ارەكەت جاسادى دەپ ايىپتاپ جاتىر. كازىرگى تاڭدا ەكى ازامات تا قاماۋعا الىنعان. ءبىرىنشى ۇستالعان ءۇميجان نارزۋللاەۆ قازاقستانعا دەپورتاسيالانادى. ال 3 كۇن بويى پوليسيادان قاشقان نۇرسۇلتان يريسباەۆ 3 ايعا كورەيا تۇرمەسىنە قامالۋى مۇمكىن. ؛ كورەيا زاڭدارى بويىنشا پروكۋرور بۇنداي قىلمىس ءۇشىن 15 جىل باس بوستاندىعىنان ايىرۋدى سۇراعان. الايدا نۇرسۇلتاننىڭ ءوز ەركىمەن بەرىلگەندىگى ەسەپكە الىندى", دەلىنگەن حابارلامادا. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر