نۇرلان نوعاەۆ الەۋمەتتىك نىسانداردىڭ قۇرىلىسىن باقىلاۋدى كۇشەيتۋدى تاپسىردى

1 اقپاندا نۇرلان نوعاەۆ جۇمىس ساپارىمەن بورانقۇل جانە ەسەت اۋىلدارىنا باردى. اۋىلداعى الەۋمەتتىك نىسانداردىڭ جۇمىسىمەن تانىسىپ, تۇرعىندارمەن كەزدەستى, - دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

ەڭ الدىمەن بورانقۇل اۋىلىنداعى 610 بالا وقيتىن ورتا مەكتەپكە باردى. مەكتەپتە 96 ءمۇعالىم جۇمىس ىستەيدى. اۋىلدا بارلىعى 1 814 وقۋشى بولسا, وعان 270-تەن استام ءمۇعالىم ءبىلىم بەرەدى.
قازىرگى تاڭدا بورانقۇل اۋىلىندا 7800-گە جۋىق حالىق تۇرادى. 240 ورىندىق اۋىلدىق كلۋبى مەن 17 600 كىتابى بار كىتاپحانا اۋىل تۇرعىندارى ءۇشىن قىزمەت ەتۋدە. اۋىل شارۋاشىلىعى سالاسى دا قارقىندى دامىپ جاتىر. جالپى اۋىلدا 49 شارۋا قوجالىعى بولسا, ونىڭ ء3-ى - جىلىجاي كەشەنى, ال قالعاندارى مال شارۋاشىلىعىمەن اينالىسادى.

ايماق باسشىسى الەۋمەتتىك نىساندارمەن تانىسقاننان سوڭ اۋىل تۇرعىندارىمەن كەزدەستى. كەزدەسۋ ەركىن فورماتتا ءوتتى. اۋىل تۇرعىندارى جۇمىسپەن قامتۋ, جول مەن ويىن الاڭدارىن سالۋ, اۋىلدىق ساياباق سالۋ, كوشەلەردى جارىقتاندىرۋ, مەديسينالىق مەكەمەلەردى كادرلارمەن قامتاماسىز ەتۋ, ۇيالى جانە ينتەرنەت بايلانىسىنىڭ ساپاسىزدىعى, تۇرمىستىق, قۇرىلىس قالدىقتارىن شىعارۋ جانە كادەگە جاراتۋ, سونداي-اق اۋدانداعى اتقارىلىپ جاتقان جۇمىستارعا قاتىستى ساۋالدارىن قويدى.

وبلىس اكىمى اۋىلداردى دامىتۋ جوسپارىنىڭ جانە مەملەكەتتىك باعدارلامالاردىڭ ۋاقىتىلى ورىندالۋىنا باقىلاۋ جۇرگىزۋدى تىلگە تيەك ەتتى. سونىمەن قاتار «؛تىڭداۋشى مەملەكەت»؛ قاعيداسىنا سايكەس, ازاماتتاردىڭ وتىنىشتەرىنە جەدەل جاۋاپ بەرەتىن «؛ماڭعىستاۋ وبلىسىنىڭ اكىمدىگى»؛ ارنايى تەلەگرامم چاتى ىسكە قوسىلعانىن اتاپ ءوتتى (https://t.me /mangystauakimat). مۇندا ەڭ شالعاي ورنالاسقان ەلدى مەكەندەردىڭ تۇرعىندارى ءوز ساۋالدارى مەن وتىنىشتەرىن جولداپ, ارىز-شاعىمدارىن جازىپ, وتىنىشتەرىنە جاۋاپ الا الادى.

&ndash؛ وبلىس اكىمدىگىنىڭ ارنايى تەلەگرامم چاتى تۋرالى ءبىلۋىڭىز كەرەك, وعان ءار سالاداعى جۇمىستارعا قاتىستى سۇراقتارىڭىزدى, ۇسىنىستارىڭىزدى, وتىنىشتەرىڭىزدى جانە شاعىمدارىڭىزدى جولداۋعا بولادى. چاتقا كەلىپ تۇسەتىن سۇراقتاردى جەكە ءوزىم, مەنىڭ ورىنباسارلارىم, بارلىق باسقارما مەن ءبولىمنىڭ باسشىلارى قاداعالاپ, تالداپ وتىرامىز. ءاربىر مەملەكەتتىك ورگان ءوز باعىتىنا جاۋاپتى بولادى. بۇگىنگى تاڭدا چاتتا 14 مىڭعا جۋىق ادام بار. بۇل ءوز كەزەگىندە وسال تۇستى تەز انىقتاۋعا, وتىنىشتەرىڭىزگە جاۋاپ بەرۋگە مۇمكىندىك بەرەدى, &ndash؛ دەدى نۇرلان نوعاەۆ.

جۇمىس ساپارى بارىسىندا ايماق باسشىسى بورانقۇل اۋىلىنداعى سپورت نىسانىنىڭ قۇرىلىس جۇمىسىن سىنعا الدى. سپورت نىسانىنىڭ قۇرىلىسى بىلتىر اياقتالۋى ءتيىس بولاتىن. الايدا قازىرگى تاڭدا جالپى جۇمىستىڭ 30 پايىزى عانا ورىندالعان.

&ndash؛ كەلىسىم بويىنشا العان مىندەتتەمەلەردى نەگە ورىندامايسىز؟ جۇمىستىڭ ورىندالۋى, ساپاسى مەن مەرزىمىنىڭ ساقتالۋى ءسىزدىڭ جاۋاپكەرشىلىگىڭىزدە ەكەنىن ۇمىتپاڭىز. قانداي تاۋەكەلدەر بولاتىنىن ءبىلىپ, كەلىسىم-شارتقا وتىرىپ, جاعدايدى ءوز قولىڭىزدا ۇستادىڭىز. ال ەندى قۇرىلىس ماتەريالدارىنىڭ قىمباتتاۋىنا بايلانىستى جۇمىستى ۋاقىتىلى ءبىتىرىپ ۇلگەرمەدىم دەيسىز. كۇتپەگەن جاعدايلاردا ارنايى ءىس-قيمىل جوسپارى بولۋى كەرەك ەدى. ەگەر ءسىز ءار كەزەڭدى ءوز ۋاقىتىندا اياقتاعان بولساڭىز, ءقازىر مۇنداي پروبلەمالار بولماس ەدى. قىسقا مەرزىمنىڭ ىشىندە بارلىعىن تۇزەتىپ, كەستەگە ساي جۇمىس ىستەۋىڭىز كەرەك. ولاي بولماسا, كەلىسىمشارتتى بۇزۋ جانە باسقا مەردىگەردى ىزدەۋ باستالادى. وسى رەتتە مەملەكەتتىك ورگاندار حالىققا قاجەتتى الەۋمەتتىك نىسانداردىڭ قۇرىلىسىن باقىلاۋدى كۇشەيتۋى كەرەك. نىسان قۇرىلىسى ساپالى جانە مەرزىمىندە اياقتالۋى ءتيىس, - دەدى نۇرلان نوعاەۆ.

تۇستەن كەيىن نۇرلان نوعاەۆتىڭ جۇمىس ساپارى ەسەت اۋىلىندا جالعاستى. ءوڭىر باسشىسى ورتا مەكتەپتىڭ جاي-كۇيىمەن تانىسىپ, اۋىل تۇرعىندارىنىڭ ساۋالدارىنا جاۋاپ بەردى. كەزدەسۋدە ەسەت اۋىلىنىڭ تۇرعىندارى جاڭا مەكتەپ سالۋ قاجەتتىگىن العا تارتتى.

&ndash؛ مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ەلدە «؛جايلى مەكتەپ»؛ ۇلتتىق جوباسى جۇزەگە اسۋدا. وسى جوبا اياسىندا ەسەت اۋىلى تۇرعىندارىنىڭ تىلەگى ەسكەرىلىپ, اۋداننىڭ دامۋ جوسپارىنا زاماناۋي تالاپتارعا ساي كەلەتىن جاڭا, كەڭ مەكتەپ سالۋ ەنگىزىلدى. اۋىلدا ساپالى ءبىلىم الۋعا باعىتتالعان جۇمىستاردى جالعاستىرامىز, - دەدى نۇرلان نوعاەۆ.

سودان سوڭ نۇرلان نوعاەۆ بەينەۋ اۋىلىنداعى سۋ تازارتۋ قوندىرعىسىنىڭ جۇمىسىمەن تانىستى. سۋ تازارتۋ قوندىرعىسى 2017 جىلى ىسكە قوسىلدى. ستانسيا تاۋلىگىنە 12 مىڭ تەكشە مەتر اۋىز سۋ وڭدەۋگە قاۋقارلى.

سيستەرنالاردىڭ سىيىمدىلىعى - 45 مىڭ تەكشە مەتر. كاسىپورىندا 162 ادام جۇمىس ىستەيدى.

ايماق باسشىسى جارتى مىڭنان استام ادام كاسىبي ءبىلىم الىپ جاتقان بەينەۋ پوليتەحنيكالىق كوللەدجىندە دە بولدى. كەشەن 5 عيماراتتان تۇرادى. كوللەدج پراكتيكالىق ساباقتارعا ارنالعان زاماناۋي جابدىقتارمەن, سمارت-سىنىپتارمەن, ينتەراكتيۆتى تاقتالارمەن جابدىقتالعان. روبوتوتەحنيكا, تەحنيكالىق مودەلدەۋ, تەحنولوگيا جانە بەينەلەۋ كابينەتتەرى بار.