14 قاراشا, 2022 news
فوتو: anadolu اقپارات اگەنتتىگى
تۇركيا ىشكى ىستەر ءمينيسترى سۇلەيمان سويلۋ ستامبۋلدىڭ ؛بەيوگلۋ اۋدانى ؛يستيكليال كوشەسىندەگى جارىلىسقا قاتىسى بولۋى مۇمكىن دەگەن كۇدىكپەن تاعى 21 ادام ۇستالعانىن حابارلادى.
"بىزدىڭ باعالاۋىمىزشا, بۇيرىق كوبانيدەن (سيريا قالاسى) تۇسكەن. ال ورىنداۋشى افريننان (سيريا قالاسى) كەلگەن" دەگەن ؛سويلۋ سوزدەرىن ؛anadolu اگەنتتىگى كەلتىرگەن.
ول ءىستىڭ ءىزى سيرياعا كەلىپ تىرەلەتىن ايعاقتار بار دەپ وتىر. ايتۋىنشا, ايعاقتار جارىلىستى pyd ۇيىمى ۇيىمداستىرعانىنا مەڭزەيدى.
كەشە ستامبۋلدىڭ تۋريستەر كوپ جۇرەتىن ؛يستيكليال كوشەسىندە جارىلىس بولىپ, 6 ادام قازا تاپقان. 81 ادام جارالانعان.
تۇركيا دەنساۋلىق ساقتاۋ مينيسترلىگىنىڭ مالىمەتىنشە, 81 ادامنىڭ 39-ى ۇيىنە شىعارىلعانىن, 5 ادام جانساقتاۋ بولىمىندە جاتىر, ونىڭ ەكەۋىنىڭ جاعدايى اۋىر.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر