"؛قىزىل جالاۋ كوتەردى"؛: يران ساۋد ارابياسىنا شابۋىل جاساماقشى

ساۋد ارابياسىنىڭ بيلىگى يراننىڭ ىقتيمالدى شابۋىلى تۋرالى بارلاۋ قىزمەتتەرىنىڭ اقپاراتىن اقش-قا تاپسىردى. ؛ ەندى ؛تاياۋ شىعىستاعى امەريكالىق جانە باسقا دا كۇشتەر شابۋىلدى تويتارۋعا دايىندالىپ جاتىر, دەپ حابارلادى ؛the wall street journal.ھ باسىلىمى.

ساۋد ارابياسى بيلىگىنىڭ حابارلاۋىنشا, يران بيلىگى ەلدە بولىپ جاتقان جاپپاي نارازىلىقتاردان نازاردى باسقا جاققا اۋدارۋ ءۇشىن وسىنداي ارەكەتكە بارماق. ؛قىركۇيەك ايىندا مەملەكەتتىك كيىم ۇلگىسىن بۇزعان 22 جاستاعى يراندىق بويجەتكەن ماحسا اميني پوليسيا ازاپتاۋىنان قازا تاپقان. بۇل ەل ىشىندە حالىق نارازىلىعىن تۋدىرعان. نارازىلىقتى باسۋ كەزىندە يران پوليسياسى قارۋ قولدانىپ, 200-دەن استام ادام قازا بولعان, مىڭنان استام ادام ۇستالعان.

ال يران بيلىگى بۇعان دەيىن ساۋد ارابياسى, اقش جانە ءيزرايلدى بۇقارالىق اقپارات قۇرالدارى ارقىلى نارازىلىق تۋدىرۋعا جانە ەل ساياساتىنا ارالاستى دەپ اشىق تۇردە ايىپتاعان بولاتىن. ؛

"بۇل ءبىزدىڭ سوڭعى ەسكەرتۋىمىز, ويتكەنى سەندەر ءبىزدىڭ ىشكى ىسىمىزگە باق ارقىلى ارالاسىپ وتىرسىڭدار" دەگەن يراننىڭ كورپۋس قولباسشىسى, گەنەرال-مايور حوسسەين سالامي.

"قازىر ساۋد ارابياسى, اقش جانە تاعى بىرنەشە كورشىلەس مەملەكەتتەر قارۋلى كۇشتەرىنىڭ دايىندىعىن ارتتىردى. ؛ساۋد ارابياسى مەن اقش شەنەۋنىكتەرىنىڭ مالىمدەمەلەرى بويىنشا, يران تەك ساۋد ارابياسىنا عانا ەمەس, يراكتىڭ ەربيل قالاسىنا دا شابۋىل جاساۋعا دايىندالىپ جاتىر", دەپ جازعان باسىلىم. ؛

يران بيلىگى قۇم قالاسىنداعى مەشىتتىڭ ۇستىنە قىزىل جالاۋ كوتەردى. بۇل كەكتىڭ, جازانىڭ بەلگىسى بولىپ سانالادى. ؛قىزىل جالاۋ سوڭعى رەت 2020 جىلى يراننىڭ باس قولباسشىسى ؛ كاسەم سۇلەيمانيدىڭ قازاسى كەزىندە كوتەرىلگەن. ؛