• usd 468.43

  • eur 485.43

  • rub 7.67

  • cny 65.35

30 قاراشا, 00:05:59
الماتى
-1°

فوتو: الماتى قالاسى اكىمىنىڭ ءباسپاسوز قىزمەتى

الماتى قالاسىنىڭ سىبايلاس جەمقورلىققا قارسى قىزمەتى ەكولوگيا سالاسىنداعى سىبايلاس جەمقورلىق تاۋەكەلدەرىن انىقتاۋ بويىنشا اۋقىمدى جۇمىستى باستادى.

بۇگىنگى تاڭدا ەكولوگيا سالاسى مەگاپوليستىڭ سىبايلاس جەمقورلىق تاۋەكەلدەرىنىڭ كارتاسىندا كورىنىس تاپقان جانە قالا تۇرعىندارىن تولعاندىراتىن نەگىزگى سالالاردىڭ ءبىرى بولىپ تابىلادى.

قالانىڭ نەگىزگى ەكولوگيالىق ماسەلەلەرى اۋانىڭ لاستانۋى, قاتتى تۇرمىستىق قالدىقتاردى كادەگە جاراتۋ, كوگالداندىرۋ ماسەلەلەرى جانە ويلاستىرىلماعان قۇرىلىس بولىپ تابىلادى.

فوتو: الماتى قالاسى اكىمىنىڭ ءباسپاسوز قىزمەتى

وسى ولقىلىقتاردى جويۋ ماقساتىندا قالالىق سىبايلاس جەمقورلىققا قارسى كۇرەس ۆەدومستۆوسىنىڭ باستاماسى بويىنشا ەكولوگيا سالاسىنداعى ۋاكىلەتتى ورگانداردىڭ جانە قوعامدىق بىرلەستىكتەر وكىلدەرىنىڭ قاتىسۋىمەن كوشپەلى كەزدەسۋ وتكىزىلدى.

"سىبايلاس جەمقورلىققا قارسى قىزمەتتىڭ الدىڭعى قاتارىندا ازاماتتاردىڭ الەۋمەتتىك كوڭىل-كۇيىن جاقسارتۋعا الىپ كەلەتىن حالىقتىڭ پروبلەمالىق ماسەلەلەرىن شەشۋ تۇر. بۇگىنگى كەزدەسۋ پروسەستەردىڭ اشىق ەمەستىگى مەن اكىمشىلىك كەدەرگىلەردىڭ بولۋىنا بايلانىستى شەشىمىن تاپپايتىن وزەكتى ماسەلەلەردىڭ تىزبەسىن انىقتاۋ جانە جويۋ ءۇشىن ءوزىنىڭ وڭ ناتيجەسىن بەرەدى دەپ ويلايمىن",-دەپ الماتى قالاسىنىڭ سىبايلاس جەمقورلىققا قارسى قىزمەتىندە اتاپ ءوتىلدى.

دەپارتامەنت وكىلدەرى اتاپ وتكەندەي, قالانىڭ ەكولوگيالىق جاعدايىن جاقسارتۋ بويىنشا ماسەلەلەردى جەدەل شەشۋ ماقساتىندا جۇمىس توبى قۇرىلىپ, telegram مەسسەندجەرىندە ەكولوگيا سالاسىنداعى ۇسىنىستار مەن شاعىمدارمەن الماسۋ ءۇشىن "almaty&؛ecology" چات قۇرىلدى.

كەزدەسۋ بارىسىندا قاتىسۋشىلار سىبايلاس جەمقورلىق تاۋەكەلدەرىن ودان ءارى ىسكە اسىرۋ جانە جويۋ ءۇشىن ءبىرقاتار ۇسىنىستار بەردى.

 ؛"وكىنىشكە وراي, الماتى قالاسىندا كوپتەگەن جىلدار بويى ەكولوگيالىق جاعداي كۇردەلەنىپ كەلەدى. ءاربىر قالا تۇرعىنى قانداي ەكولوگيالىق جاعدايدا ءومىر سۇرەتىنىن بىلۋگە قۇقىلى دەپ سانايمىز, ويتكەنى قالانىڭ بولاشاعى وسىعان بايلانىستى. ءبىزدى قولايلى قورشاعان ورتاعا دەگەن قۇقىعىمىزعا اسەر ەتەتىن كوپتەگەن ماسەلەلەر الاڭداتادى. قازىرگى تاڭدا حالىق اراسىندا ەكولوگيالىق سانانى قالىپتاستىرۋ وتە ماڭىزدى. ول ءۇشىن ءبارىمىز بۇل جۇمىستى ەڭ الدىمەن ءوز بالالارىمىزدى تاربيەلەۋدەن, وتباسىدان باستاۋىمىز كەرەك", - دەپ قر پرەزيدەنتى جانىنداعى ۇلتتىق قۇرىلتاي مۇشەسى اينۇر سابيتوۆا ءوز ويىمەن ءبولىستى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر