ەكولوگيا ءمينيسترى شىعىسقازاقستاندىقتاردى تابيعي بايلىقتارعا ۇقىپتى قاراۋعا شاقىردى

شىعىس قازاقستان ءوزىنىڭ تابيعي بايلىقتارىمەن جانە تابيعاتى كوز تارتار شۇرايلى جەرلەرىمەن, دەمالاتىن تۋريستىك ايماقتارىمەن ايگىلى ولكە. الايدا, ستيحيالىق قوقىستار مەن تابيعي رەسۋرستارعا ۇقىپسىز قاراۋ ماسەلەسى وسى كۇنگە دەيىن وزەكتى بولىپ, قورشاعان ورتاعا كەرى اسەرىن تيگىزۋدە.

«؛قۇرمەتتى كەزدەسۋگە قاتىسۋشىلار, وسى الاڭدى پايدالانا وتىرىپ, كەلەسىنى ايتقىم كەلەدى. ءسىزدىڭ ءوڭىرىڭىز تابيعي بايلىقتارىمەن, اسەم جەرلەرىمەن ايگىلى. بۇل كاتونقاراعاي ۇلتتىق پاركى, مارقاكول كولى جانە باسقا دا جەرلەر. وسىناۋ سۇلۋلىقتى كورۋگە سىزدەرگە كوپتەگەن تۋريستەر كەلەتىنىن جاقسى بىلەمىز. ءبىزدىڭ بىرەگەي تابيعي بايلىقتارىمىزعا ۇقىپتى قاراۋعا, قوقىس تاستاماۋعا, ءورت قاۋىپسىزدىگىن ساقتاۋعا شاقىرامىن. بولاشاق ۇرپاق ءۇشىن تابيعي سۇلۋلىقتى قۇرمەتتەپ, ساقتاۋ كەرەك»؛ دەدى ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ شقو جۇرتشىلىعىمەن كەزدەسۋ بارىسىندا.

مينيستر ءوڭىردىڭ تابيعي رەسۋرستارى تۋرالى ايتا كەلە, سۋ شارۋاشىلىعى وبەكتىلەرىنىڭ توزۋى جانە سۋدىڭ ۇلكەن شىعىنى جايلى سوزگە تيەك ەتتى. اتالعان ماسەلەگە  ؛بايلانىستى, ءقازىر سۋ ينفراقۇرىلىمىن قايتا جاڭارتۋ, سۋارۋ ارنالارىن سيفرلاندىرۋ جۇرگىزىلۋدە.

«؛2017 جىلدىڭ باسىندا ەلىمىزدە 41 اۆاريالىق سۋ قويماسى بولدى. سوڭعى 5 جىلدا (2017-2021) 16-سى جوندەلدى.  ؛بيىل تاعى 6 قۇرىلىس قالپىنا كەلتىرىلەدى, ال 2025 جىلعا دەيىن تاعى 19 سۋ قويماسىن جاڭارتۋ جوسپارلانۋدا, ونىڭ ىشىندە 2023 جىلدىڭ سوڭىنا دەيىن شىعىس قازاقستان وبلىسىنداعى 2 اپاتتى سۋ قويماسىن جوندەۋ جوسپارلانۋدا. ؛بۇل زايسان اۋدانىنداعى «؛ۇيدەنە»؛ سۋ قويماسىن سالۋ جانە تارباعاتاي اۋدانىنداعى قارعىبا وزەنىندەگى بوگەتتى قايتا جوندەۋ جۇمىستارى. ناتيجەسىندە 3 ەلدى مەكەندى سۋ باسۋ ءقاۋپى تومەندەيدى جانە سۋارمالى جەرلەردىڭ اۋدانى 13 مىڭ گەكتارعا ۇلعايادى. مەملەكەت باسشىسىنىڭ تاپسىرماسى بويىنشا سۋ زاڭناماسىن جەتىلدىرۋ بويىنشا جۇمىس جۇرگىزىپ جاتىرمىز. جاڭا سۋ كودەكسىنىڭ جانە ىلەسپە زاڭ جوباسىنىڭ تۇجىرىمدامالارى ازىرلەندى, ولار تالقىلاۋ ءۇشىن اشىق نقا پورتالىندا ورنالاستىرىلعان. سۋ زاڭناماسىن جەتىلدىرۋ بويىنشا ۇسىنىستارىڭىز بار ما, ولاردى بىزگە جىبەرە الاسىز", - دەپ تولىقتىردى مينيستر.