فوتو: ۆيدەودان سكرينشوت
پوليسيا قاڭتار ايىنداعى وقيعالار بويىنشا بارلىعى 4642 قىلمىستىق ءىس قوزعاعان. ونىڭ 2 جارىم مىڭنان استامى &ndash؛ ۇرلىق دەرەكتەرى, 708 ءىس قارۋدى ۇرلاۋ نەمەسە ساقتاۋ فاكتىسى بويىنشا, 418 ءىس بۇزاقىلىق, 199 ءىس مۇلىكتى جويۋ فاكتىسى, 26 ءىس قاراقشىلىق جانە توناۋ دەرەكتەرى بويىنشا قوزعالعان. ؛بۇل تۋرالى ورتالىق كوممۋنيكاسيالار قىزمەتىندەگى بريفينگتە ىشكى ىستەر مينسترلىگى تەرگەۋ دەپارتامەنتىنىڭ باستىعىنىڭ ورىنباسارى قوجاەۆ مۇحتار جۇمابايۇلى ءمالىم ەتتى.
وسى قىلمىستىق ىستەر اياسىندا پوليسيا تەرگەۋشىلەرى 15 مىڭعا جۋىق ادامنان جاۋاپ العان. 35 مىڭنان استام تەرگەۋ ارەكەتتەر جانە 2 جارىم مىڭداي ساراپتاما جۇرگىزگەن. 1731 ازامات جابىرەنۋشى بولىپ تانىلعان.
"343 ملن تەڭگەدەن استام سوماعا شىعىندى وتەۋ قامتاماسىز ەتىلدى. 969 ءىستى تەرگەۋ اياقتالدى. ونىڭ ىشىندە 594 ايىپتالۋشىعا قاتىستى ىستەر سوتتارعا جولداندى. سوتتا 500 ادامعا ۇكىم شىقتى. 398 ادامنىڭ باس بوستاندىعى شەكتەلدى. ال اۋىر جانە اسا اۋىر قىلمىس جاساعانى ءۇشىن 92 ادام باس بوستاندىعىنان ايىرىلدى. ءقازىر پوليسيا تەرگەۋشىلەرىنىڭ وندىرىسىندە 289 قىلمىستىق ءىس بار. ونىڭ ىشىندە 20-سى بويىنشا 27 كۇدىكتى انىقتالعان. ولاردىڭ 6-ۋى كۇزەتپەن قاماۋدا ۇستالۋدا" دەدى ؛مۇحتار جۇمابايۇلى.
سونىمەن قاتار ول تەرگەۋ ساتىسىندا جاعىمدى مىنەزدەلگەن جانە جابىرەنۋشىلەرگە كەلتىرگەن شىعىندى وتەگەن كۇدىكتىلەردىڭ بۇلتارتپاۋ شارالارى قوعامنان وقشاۋلاۋعا بايلانىستى ەمەس بولىپ وزگەرتىلگەنىن اتاپ ءوتتى.
وسى بويىنشا 255 كۇدىكتى قاماۋدان بوساتىلعان. ورتاشا, ونشا ەمەس اۋىر قىلمىس جاساعان 35 كۇدىكتىگە قاتىستى قىلمىستىق ىستەر سوتقا جەتكىزىلمەي تاراپتاردىڭ تاتۋلاسۋىنا بايلانىستى قىسقارتىلسا, ءدال وسىنداي نەگىزدەرمەن 13 سوتتالۋشىعا قاتىستى ىستەر سوت تاراپىنان قىسقارتىلعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر