شقو-دا مەديسينا قىزمەتكەرلەرىنە قۇرمەت كورسەتىلدى

مەديسينا قىزمەتكەرلەرى كۇنى قارساڭىندا وسكەمەندە سالتاناتتى ءىس-شارا ءوتتى. وبلىستىق ءماسليحاتتىڭ حاتشىسى دەنيس رىپاكوۆ پەن وبلىس اكىمىنىڭ ورىنباسارى شاكارىم بۇقتۇعۇتوۆ شىعىس قازاقستاننىڭ ۇزدىك مەديسينا قىزمەتكەرلەرىن ماراپاتتاۋ راسىمىنە قاتىستى.

قازاقستان رەسپۋبليكاسىندا ماۋسىم ايىنىڭ ءۇشىنشى جەكسەنبىسىندە مەديسينا قىزمەتكەرلەرى كۇنى اتاپ وتىلەدى. ءتول مەرەكەلەرى كۇنى جوعارى كاسىبيلىگىمەن جانە ادامي قاسيەتتەرىمەن ەرەكشەلەنەتىن دارىگەرلەرگە, فەلدشەرلەرگە, مەدبيكەلەرگە, سانيتارلارعا, جەدەل جاردەم قىزمەتكەرلەرى ەرەكشە العىسقا بولەنەرى انىق. بارلىق مەديسينا قىزمەتكەرلەرىن شقو ءماسليحاتىنىڭ حاتشىسى دەنيس رىپاكوۆتا قۇتتىقتادى.

"جۇرەكتىڭ پارمەنىمەن ءوزىن يگىلىكتى مەديسينالىق ىسكە ارناعان بارلىق مەديسينا قىزمەتكەرلەرىن شىن جۇرەكتەن قۇتتىقتايمىن. سىزدەردىڭ سەنىمدى قولدارىڭىزدا ەڭ قۇندى نارسە - ادامداردىڭ ءومىرى مەن دەنساۋلىعى. كوپ جىلدار بويى ادامدارعا قىزمەت ەتىپ كەلە جاتقان دەنساۋلىق ساقتاۋ ارداگەرلەرىنە ەرەكشە العىسىمدى بىلدىرەمىن" دەدى وبلىستىق ءماسليحات حاتشىسى.

وبلىستىڭ دەنساۋلىق ساقتاۋ سالاسىنىڭ ۇزدىك ماماندارى كوپ جىلعى ەڭبەگى ءۇشىن مەدالدارمەن, قۇرمەت گراموتالارىمەن, بەلگىلەرمەن جانە العىس حاتتارمەن ماراپاتتالدى.

"ەڭبەك ارداگەرى" توسبەلگىسىمەن گلۋبوكوە اۋدانىنىڭ ورتالىق اۋرۋحاناسىنىڭ پەرزەنتحانا ءبولىمىنىڭ مەڭگەرۋشىسى ليۋدميلا لوگەيكو, وبلىستىق فتيزيوپۋلمونولوگيا ورتالىعىنىڭ حيرۋرگ دارىگەرى ساعي قوجاباەۆ, ريددەر قالالىق اۋرۋحاناسىنىڭ وتولارينگولوگى سەرىك جامانتاەۆ, سونداي-اق "دەنساۋلىق ساقتاۋ ءىسىنىڭ ۇزدىگى" جانە "دەنساۋلىق ساقتاۋ ىسىنە قوسقان ۇلەسى ءۇشىن" بەلگىلەرىمەن وسكەمەن قالاسىنىڭ №2 ەمحاناسىنىڭ پۋلمونولوگ دارىگەرى ولگا گوۆورۋحين, بورودۋليحا اۋدانى اۋرۋحاناسىنىڭ وتولارينگولوگى ولگا موكروۋسوۆا, مامانداندىرىلعان بالالار ءۇيىنىڭ مەدبيكەسى مايرا سۋلەيمەنوۆا, كوكپەكتى اۋداندىق اۋرۋحاناسىنىڭ مەدبيكەسى الماش ماماباەۆا, سەمەي قالاسىنىڭ جۇقپالى اۋرۋلار اۋرۋحاناسىنىڭ ءبولىم مەڭگەرۋشىسى داۋلەت سەكەرباەۆ ماراپاتتالدى.

ايتا كەتۋ كەرەك, وبلىس اكىمى دانيال احمەتوۆ دەنساۋلىق ساقتاۋ سالاسىن دامىتۋعا ەرەكشە كوڭىل ءبولىپ كەلەدى. ماسەلەن, وبلىس اكىمىنىڭ باستاماسى بويىنشا 5 جىل ىشىندە حالىقارالىق ستاندارتتارعا سايكەس كەلەتىن 36 ملرد.تەڭگەگە 3 مىڭنان استام زاماناۋي جابدىق ساتىپ الىندى, بۇل جوعارى تەحنولوگيالىق مەديسينالىق تەحنيكا كولەمىن 2,5 ەسەگە ۇلعايتۋعا مۇمكىندىك بەردى. الايدا, ءتىپتى ەڭ زاماناۋي جابدىقتار مەن جاڭا تەحنولوگيالار دارىگەرلەردىڭ قاتىسۋىنسىز پايدا اكەلمەيدى, ويتكەنى مەديسيناداعى ەڭ ماڭىزدىسى, كەز - كەلگەن باسقا ماماندىق سياقتى, قۇزىرەتتى ءبىلىمى بار جانە تەرەڭ جاۋاپكەرشىلىك سەزىمى بار ادامدار. "مەرەكە قارساڭىندا بارلىق مەديسينا قىزمەتكەرلەرىنە مىقتى دەنساۋلىق, قيىندا, ءبىراق يگىلىكتى ەڭبەكتە تابىس تىلەيمىن. سونداي - اق, ۇيىمداستىرۋشىلارعا بۇگىن, پاندەميادان كەيىن ەكى جىل وتكەن سوڭ, ءبارىمىزدى جيناپ, وسىنداي ەرەكشە مەرەكە ۇيىمداستىرعانى ءۇشىن العىس ايتامىن" دەدى №4 قالالىق اۋرۋحانانىڭ باس دارىگەرى سەرگەي پوپوۆ.

سونىمەن قاتار, مەديسينا قىزمەتكەرلەرى كۇنىنە وراي وبلىستىق دەنساۋلىق ساقتاۋ باسقارماسى 5 نوميناسيادان تۇراتىن بايقاۋ جاريالادى, وعان شىعىس قازاقستاننىڭ بارلىق مەديسينالىق ۇيىمدارى قاتىستى. "جاس مامان رەتىندە مەن بۇگىن " جاستىق شاق. جاڭاشىلدىق. تالانت" اتالىمى بويىنشا جەڭىمپاز اتانعانىما وتە قۋانىشتىمىن. بۇل مەن ءۇشىن ۇلكەن موتيۆاسيا بولىپ تابىلادى" دەپ تولىقتىردى وبلىستىق كوپبەيىندى ونكولوگيا جانە حيرۋرگيا ورتالىعىنىڭ انەستەزيولوگ-رەانيماتولوگ دارىگەرى بوتاگوز توقتاربەكقىزى.

ەستەرىڭىزگە سالا كەتەيىك, 5 جىل ىشىندە وبلىس بويىنشا 5,5 مىڭنان استام مامان بىلىكتىلىگىن ارتتىرۋدان ءوتتى, ونىڭ ىشىندە 341 دارىگەر شەتەلدە ءوزىنىڭ كاسىبي دەڭگەيىن ارتتىردى. وسى باعدارلامانى جالعاستىرا وتىرىپ, اعىمداعى جىلى حالىقارالىق ورتالىقتارعا تاعى دا 100-دەن استام ادام وقۋعا جىبەرىلەتىن بولادى.

مۇنىڭ ءبارى وبلىستا ءار ادام ساپالى جانە جوعارى تەحنولوگيالىق مەديسينالىق كومەك الا الاتىن ءوڭىر ەتەدى. ###