• usd 470.9

  • eur 496.94

  • rub 8.83

  • cny 70.33

25 ماۋسىم, 10:44:54
الماتى
+21°

ەل كونستيتۋسياسىنا ەنگىزىلگەلى جاتقان وزگەرىستەر مەن تولىقتىرۋلار بويىنشا وتەتىن رەفەرەندۋمعا تۋرا 10 كۇن قالدى.

رەفەرەندۋم بارىسىندا ەلدەگى باستى قۇجاتتىڭ 33 بابىنا جاسالاتىن 56 وزگەرىسكە حالىقتىڭ پىكىرى ءبىر عانا سۇراقپەن انىقتالماق. "قازاقستان رەسپۋب­؛لي­؛كاسى زاڭىنىڭ جوباسىندا باياندالعان قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتى­؛رۋلاردى قابىلدايسىز با؟" دەگەن سۇراققا ء"يا" نەمەسە "جوق" دەپ قانا جاۋاپ بەرۋگە بولادى. 56 وزگەرىستىڭ ءبىرىن قولداپ, بىرىنە قارسى بولساڭ دا تاڭدايتىن باسقا نۇسقا جوق. مۇنىڭ سالدارىنان ازاماتتار جاۋاپ بەرۋگە قينالىپ, ولاردىڭ پىكىرىن وبەكتيۆتى تۇردە باعالاۋ قيىنعا سوعۋى مۇمكىن. الايدا بيلىكتى ازاماتتاردىڭ پىكىرى قىزىقتىراتىنى شامالى سياقتى. ويتكەنى 56 تۇزەتۋدى جاساۋعا قوعام وكىلدەرى, تاۋەلسىز ساراپشىلار قاتىستىرىلمادى. بيلىكتىڭ ءوز ەكسپەرتتەرى ازىرلەپ, دايىن كۇيىندە ۇسىندى.

ادىلەت ۆيسە-مينيسترى الما مۇقانوۆا 56 تۇزەتۋدىڭ ءارقايسىسىن رەفەرەندۋمعا شىعارۋ ارتىق شىعىندى قاجەت ەتەدى دەيدى. ول 56 وزگەرىستى 12 تارماققا بولۋگە بولاتىنىن ايتادى.

  1. پرەزيدەنتتىڭ لاۋازىمىنا بايلانىستى شەكتەۋلەر؛
  2. تۇڭعىش پرەزيدەنت مارتەبەسىنە بايلانىستى بارلىق نورمالاردى الىپ تاستاۋ؛
  3. جەردى, ونىڭ قويناۋىن, سۋدى, وسىمدىكتەر مەن جانۋارلار دۇنيەسىن, باسقا دا تابيعي رەسۋرستاردى حالىق مەنشىگى دەپ جاريالاۋ؛
  4. كەيبىر ادامداردىڭ لاۋازىمدا بولۋىنا بايلانىستى شەكتەۋلەر؛
  5. ولىم جازاسىن ءجويۋ؛
  6. ماجىلىس الدىندا جىلىنا ەكى رەت رەسپۋبليكالىق بيۋدجەتتىڭ اتقارىلۋى تۋرالى ەسەپ بەرەتىن جوعارى اۋديتورلىق پالاتا قۇرۋ؛
  7. قۇقىق قورعاۋ ينستيتۋتتارىن كۇشەيتۋ؛
  8. كونستيتۋسيالىق سوت قۇرۋ؛
  9. پارلامەنتتىڭ قالىپتاسۋ مودەلىن جانە جالپى سايلاۋ جۇيەسىن وزگەرتۋ؛
  10. زاڭداردى قابىلداۋ جۇيەسىن وزگەرتۋ؛
  11. ماجبۇرلى ەڭبەكتى قولدانۋ مۇمكىندىگى؛
  12. وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ اكىمدەرىن تاعايىنداۋ ءتارتىبىن وزگەرتۋ.

بيلىك وسى 12 تارماقتان تۇراتىن وزگەرىستەر پاكەتىنە "جاڭا قازاقستاندى" قۇرۋعا باعىتتالعان ساياسي رەفورما, پرەزيدەنتتىڭ قۇزىرەتىن شەكتەپ, پارلامەنتتى كۇشەيتەتىن قادام دەگەن مازمۇندا باعا بەرىپ جاتىر. الايدا مۇنداي مالىمدەمەلەرگە قارسى ۋاجدەرىن ايتىپ جاتقان ساراپشىلار از ەمەس. ءتىپتى تۇزەتۋ ماتىنىنە قاراپ-اق, پرەزيدەنت قۇزىرەتىن شەكتەيتىن باپتار كوپ ەمەستىگىن, باسىم فۋنكسياسى وزگەرىسسىز قالىپ, ءتىپتى كەي تۇستا كۇشەيەتىنىن اڭعارۋعا بولادى.

43-باپتىڭ 4-تارماعىنداعى "قازاقستان رەسپۋبليكاسى پرەزيدەنتىنىڭ جاقىن تۋىستارى مەملەكەتتىك ساياسي قىزمەتشىلەردىڭ, كۆازيمەملەكەتتىك سەكتور سۋبەكتىلەرى باسشىلارىنىڭ قىزمەتتەرىن اتقارۋعا حاقىسى جوق" دەگەن جاڭا وزگەرىستە پرەزيدەنت تۋىستارىنا بايلانىستى ناقتى شەكتەۋ بار. سول باپتىڭ 3-تارماعىنداعى "قازاقستان رەسپۋبليكاسىنىڭ پرەزيدەنتى ءوز وكىلەتتىكتەرىن جۇزەگە اسىرۋ كەزەڭىندە ساياسي پارتيادا بولماۋعا ءتيىس" دەگەن وزگەرىس تە مۇددە قايشىلىعىن تۋدىرماس ءۇشىن دۇرىس سياقتى. الايدا قازاقستاندا پرەزيدەنت سايلاۋىنا كانديداتتار تەك ساياسي پارتيا نەمەسە ۇيىم اتىنان عانا ۇسىنىلاتىندىقتان, پرەزيدەنتتىڭ پارتيادا بولماۋى, ءوزىنىڭ بيلىككە كەلۋىنە جاعداي جاساعان پارتيادان, توپتان تولىقتاي قول ۇزەتىنىن بىلدىرەدى دەگەنگە سەنۋ قيىن.

ال 44-باپتىڭ 4-تارماعى ءتىپتى پرەزيدەنتتىڭ قۇزىرەتىن كەڭەيتە تۇسەدى. وعان ساي, پرەزيدەنت سەنات كەلىسىمىن الىپ, كونستيتۋسيالىق سوتتىڭ ءتوراعاسىن, ۇلتتىق بان­؛ك, جوعارى سوت كەڭەسىنىڭ ءتوراعالارىن, باس پروكۋروردى, ۇلتتىق قاۋىپسىزدىك كومي­؛تەتىنىڭ ءتوراعاسىن تاعايىنداۋ, ورنىنان الۋ قۇزىرەتىن يەلەنەدى. اتالعان تارماقتىڭ بۇرىنعى رەداكسياسىندا پرەزيدەنتتە ؛كونستيتۋسيالىق سوت (بۇرىنعى كەڭەس - رەد) پەن ؛جوعارى سوت كەڭەسىنىڭ ءتوراعاسىن تاعايىنداۋ, ورنىنان الۋ قۇزىرەتى بولماعان.

سونداي-اق پرەزيدەنت ؛ورتالىق سايلاۋ كوميسسياسىنىڭ ءتوراعاسى مەن ەكى مۇشەسىن, جوعارى اۋديتورلىق پالاتانىڭ (بۇرىنعى ەسەپ كوميتەتى) ءتوراعاسى مەن ءۇش مۇشەسىن تاعايىنداۋ (44-باپتىڭ 7-تارماعى), مەملەكەتتىك كەڭەسشىنى تاعايىنداۋ (44-باپتىڭ 19-تارماقشاسى), وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ اكىمىن تاعايىنداۋ (87-باپتىڭ 4-تارماعى) ؛قۇزىرەتتەرىن ساقتاپ قالعالى وتىر.

رەفەرەندۋمداعى انىق, ايقىن, باسى اشىپ ماسەلە بولسا, ول ؛&ndash؛ ەكس-پرەزيدەنتكە ەرەكشە قۇزىرەت بەرگەن نورمالاردى كونستيتۋسيادان الىپ تاستاۋ. ماسەلەن, اتا زاڭنىڭ 44-بابى 5-تارماعى ؛&ndash؛ ء"بىر ادام قاتارىنان ەكى رەتتەن ارتىق ؛رەسپۋبليكا پرەزيدەنتى بولىپ سايلانا المايدى. بۇل شەكتەۋ قازاقستان رەسپۋبليكاسىنىڭ تۇڭعىش پرەزيدەنتىنە قولدانىلمايدى" دەگەندەگى سوڭعى سويلەم الىنىپ تاستالادى.

بۇدان بولەك, "قازاقستاننىڭ تۇڭعىش پرەزيدەنتىنىڭ مارتەبەسى مەن وكىلەتتىگى رەسپۋبليكا كونستيتۋسياسىمەن جانە كونستيتۋسيالىق زاڭمەن ايقىندالادى" دەگەن ؛46-باپتىڭ 4-تارماعى كونستيتۋسيانىڭ جاڭا رەداكسياسىندا مۇلدە جوق.

الايدا پرەزيدەنت ءوز قۇزىرەتىن تولىق ساقتاپ تۇرعاندا كونستيتۋسياداعى ەلباسى تۋرالى نورمالاردان باس تارتۋ ؛بيلىك ايتىپ جاتقان رەفورمانىڭ وزەگى ؛&ndash؛ سۋپەرپرەزيدەنتتىك جۇيەدەن, مىقتى پارلامەنت جۇيەسىنە ءوتۋ ءۇشىن جەتكىلىكسىز.

كونستيتۋسيانى وزگەرتۋگە باعىتتالعان 56 وزگەرتۋ مەن تولىقتىرۋدىڭ تولىق نۇسقاسى تومەندەگىدەي:

 ؛

 ؛كوللاج ؛24.kz سايتىنان الىنعان

"قامشى" سىلتەيدى
ىلمەك سوزدەر: رەفەرەندۋم

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر