تەلەفون بالانىڭ سويلەۋىنە قالاي زيانىن تيگىزىپ جاتىر؟ لوگوپەدپەن اڭگىمە

ۇلجان قىدىرباەۆا &ndash؛ الماتى وبلىسى پانفيلوۆ اۋدانى تۇربان اۋىلى ساتاي باتىر اتىنداعى ورتا مەكتەپتە 3 جىلدان بەرى لوگوپەد بولىپ جۇمىس ىستەيدى. مامان ەرەكشە بالالارعا ءبىلىم بەرۋ ءتاسىلى, بالالارعا تەلەفون ۇستاتۋدىڭ زيانى, بالانى دارىندى بالا ەتىپ تاربيەلەۋ جولدارۋ تۋرالى ايتىپ بەردى.

قازىرگى تاڭدا "لوگوپەد, پسيحولوگ" ۇلكەن سۇرانىسقا يە

ۇلجان قىدىرباەۆا اباي اتىنداعى قازاق ۇلتتىق پەداگوگيكالىق ۋنيۆەرسيەتىن "پەداگوگيكا-پسيحولوگيا" ماماندىعى بويىنشا ءتامامداعان. م. حايدار دۋلاتي اتىنداعى تاراز مەملەكەتتىك ۋنيۆەرسيتەتىندە پسيحولوگ ماماندىعى ؛بويىنشا الەۋمەتتىك عىلىم ماگيسترى اتانعان. مامان پسيحولوگيا مەن لوگوپەديا سالالارى بىر-بىرىمەن اسا تىعىز بايلانىستى ەكەنىن ايتادى.

&ndash؛ پسيحولوگ بولماي, لوگوپەد بولىپ جۇمىس ىستەۋ قيىنداۋ. ءتىلىنىڭ كەمىستىگى بار بالالارعا ەڭ الدىمەن پسيحولوگيالىق دايىندىق كەرەك. سوندىقتان العان ءبىلىمىمدى ارتىق دەپ ەسەپتەمەيمىن. ءوزىمنىڭ تاجىريبەم بارىسىندا قانداي ءبىلىم بولسا دا بىر-بىرىمەن ۇشتاستىرىپ قولدانامىن. بۇل مەكتەپتە ىستەپ جۇرگەنىمە بيىل 3 جىل بولعانىمەن جەتكەن جەتىستىكتەرىم دە جوق ەمەس. ؛پەداگوگيكادا ءمۇعالىم الدىندا وتىرعان 30 بالانىڭ بارىنە بىردەي ءبىلىم بەرىپ شىعادى. ال لوگوپەد جۇمىسىنىڭ قيىندىعى الدىڭداعى بالا ءارتۇرلى دياگنوزبەن كەلەدى. بالالارعا وبلىستىق پسيحولوگيالىق-پەداگوگيكالىق كەڭەستەردىڭ شەشىمىمەن دياگنوز قويىلىپ, بالانىڭ سويلەۋ كەمىستىگىنە نەمەسە دەفەكتولوگيالىق, پسيحولوگيالىق اۋىتقۋىنا بايلانىستى ارنايى باعىتپەن جۇمىس ىستەۋ تۋرالى انىقتاما بەرىلەدى. قازىرگى تاڭدا مەكتەپتە 400 بالا وقيدى, ولاردىڭ ىشىندە 10 بالامەن جۇمىس ىستەيمىن. بۇل از بولىپ كورىنگەنمەن جۇمىس وتە كۇردەلى. 10 بالانىڭ ءارقايسىسىنا جەكە وقىتۋ جوسپارى جاسالادى. بۇل جەردە ؛لوگوپەد مامانىنىڭ باسقا مامانداردان ەرەكشەلىگى ؛&ndash؛ ءاربىر توقسان سايىن جەكە باعدارلاما جاسالادى. ويتكەنى ءاربىر توقسان سايىن بالالاردىڭ دامۋى جونىندە ەسەپ بەرىلەدى. بالا قانشالىقتى دەڭگەيگە كوتەرىلدى, نەمەسە دامۋى جوق دەگەن سياقتى ەسەپتەر جۇرگىزىلەتىن بولادى, &ndash؛ دەيدى مامان.

لوگوپەد بالالاردىڭ سويلەۋىنە تەلەفون كەرى اسەر ەتەتىنىن اتاپ ءوتتى.

&ndash؛ قازىرگى تاڭدا مەكتەپتە دايارلىق توپتارىندا, مەكتەپكە دەيىنگى ءبىلىم بەرۋ مەكەمەلەرىندە, باستاۋىش سىنىپتاردا "س", "ج","ز","ر" سەكىلدى ىزىڭ دىبىستاردى ايتا المايتىن بالالار وتە كوپ. وعان ەكى بالانىڭ ءبىرىنىڭ قولىنان تەلەفون تۇسپەيتىنى دە اسەر ەتەدى. جان تىنىشتىعى ءۇشىن بالاسىنىڭ قولىنا تەلەفون ۇستاتا سالاتىن اتا-انالار كوپ. نەمەسە ولار بالاسى تەلەفوننان پايدالى دۇنيە قاراپ وتىر دەپ ويلاۋى مۇمكىن. ال تەلەفونعا قادالعان بالانىڭ اۋىز قۋىسى مەن جاق بۇلشىق ەتتەرى قيمىلدامايدى. جاق سۇيەك پەن ءتىل بۇلشىق ەت قوزعالماعاندىقتان, بالانىڭ سويلەۋ قابىلەتى تومەندەيدى. ەرىن مەن ءتىل قيمىلداپ قاتايعان سايىن بالانىڭ سويلەۋ قابىلەتى وتە جوعارى بولادى. بىزدە ءقازىر باستى كەمشىلىك وسى بولىپ تۇر. بۇدان بولەك تەلەفون بالانىڭ كورۋ قابىلەتىن تومەندەتەدى, &ndash؛ دەيدى ول.

بالالاردى ءبىر شەڭبەردىڭ ىشىندە ۇستاپ وتىرۋعا بولمايدى ؛

مامان ؛ارنايى دياگنوزى بار بالالاردى ؛دامىتۋ ءۇشىن ؛ بايقاۋلارعا اپارىپ, جۇلدەلى ورىندار الىپ ءجۇر.

&ndash؛ ينكليۋزيۆتى ءبىلىم بەرۋدە تەك عانا 10 بالانى وتىرعىزىپ ءبىلىم بەردىم دەپ قاراپ وتىرۋعا بولمايدى. جالپى ينكليۋزيۆتى ءبىلىم بەرۋ بالالارعا تەڭ دارەجەدە ءبىلىم بەرۋ دەگەندى بىلدىرەدى. ياعني بالالاردى ەرەكشەلىگىنە بولا كەمسىتۋگە, قوعامنان بولشەكتەۋگە جول بەرىلمەۋى كەرەك. سوندىقتان جۇمىس بارىسىندا تىلىندە كەمىستىگى بار بالالاردى باسقا بالالارمەن قاتار ءتۇرلى بايقاۋعا اپارۋعا تىرىسامىن. جۋىردا الماتىعا شىعارماشىلىق بايقاۋعا اپارىپ, 1-ورىن الىپ قايتتىق. مۇنداي ءىس-شارالار ەرەكشە بالالار ءۇشىن اسا پايدالى. بالانىڭ قاي جاعىنان دا دامۋىنا اسەرى وتە جوعارى. جالپى بالالاردى ءبىر شەڭبەردىڭ توڭىرەگىندە ۇستاۋعا بولمايدى. ال مۇنداي ورتا قالىپتاستىرۋ, جان-جاقتى دامىتۋ شىعارماشىلىق پەن ءمۇعالىمىنىڭ تىكەلەي ىزدەنىسىن تالاپ ەتەدى, &ndash؛ دەيدى ۇلجان قىدىرباەۆا.

ونىڭ ايتۋىنشا, بالانىڭ دامۋىنا اتا-انامەن تىكەلەي جۇمىس تا اسەر ەتەدى.

&ndash؛ ارنايى مامانداردىڭ جۇمىسىندا قاتىپ قالعان زاڭدىلىق جوق. بالانى دامىتامىن دەگەن كەز كەلگەن ءتاسىل كادەگە جارايدى. ءوز سالامداعى پسيحولوگ, دەفەكتولوگ, لوگوپەد سەكىلدى ارىپتەستەرىمە جاڭا نارسەگە ۇمتىلۋدان قورىقپاۋ كەرەكتىگىن ايتقىم كەلەدى. بالانى ءتۇرلى وليمپياداعا, كونكۋرستارعا قاتىستىرۋ كەرەك. ءتىپتى بالا ورىن الماسا دا ولاردى قوعامعا شىعارىپ, ورتاعا, جاڭا نارسەگە بەيىمدەۋ كەرەك. دارىندى بالا قايدان شىعادى؟ دارىندى بالا ادامدى دامىتاتىن دۇنيەلەردەن شىعادى. سوندىقتان مۇمكىندىگىنشە بالالاردى ءبىر جەردە ۇستاپ قالۋعا بولمايدى. بالالارمەن جۇمىس ىستەۋ بارىسىندا ولاردىڭ اتا-انالارىمەن دە جۇمىس جاسايمىز. پەداگوگتەر اتا-انامەن جۇمىس ىستەۋ قيىن ەكەنىن تۇسىنەدى. باستىسى بالامەن قالاي جۇمىس جاسايسىڭ, سونداي قارىم-قاتىناستى بالاعا اتا-انا دا قالىپتاستىرۋى كەرەك. ؛بالانى تەك ارنايى ماماندار عانا دامىتادى دەگەن تۇسىنىكتەن ارىلعان ءجون. بالا كوپ ۋاقىتىن ۇيدە وتكىزەدى. ساباقتا وتكەندەردى ۇيدە قايتالاتىپ, بالانى جاتتىقتىرۋ كەرەك. وليمپيادا, كونكۋرستارعا جىبەرىپ تۇرۋ قاجەت. وسىلاي ۇستاز بەن اتا-انا بىرلەسىپ جۇمىس ىستەگەندە عانا ماقساتقا قول جەتكىزەمىز, &ndash؛ دەيدى لوگوپەد.

ۇلجان قىدىرباەۆا عىلىمدا جاڭالىق اشۋ ءۇشىن مۇمكىندىكتەر وتە كوپ ەكەندىگىن ايتادى. بولاشاقتا مەكتەپتە كىشىگىرىم لوگوپۋنكت اشقىسى كەلەدى, ءتۇرلى تاجىريبەلەردى سىناپ كورىپ, ەرەكشە بالالاردى دامىتۋ ءۇردىسىن جەتىلدىرە ءتۇسۋدى جوسپارلايدى.