كورنەكى سۋرەت
ماجىلىستىڭ ؛الەۋمەتتىك-مادەني دامۋ كوميتەتى قازاقستان رەسپۋبليكاسىنىڭ ۇكىمەتى باستاماشىلىق ەتكەن "قازاقستان رەسپۋبليكاسىنىڭ كەيبىر زاڭنامالىق اكتىلەرىنە كورنەكى اقپارات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسى زاڭى جوباسىن قاراپ, تومەندەگىنى اتاپ وتەدى.
زاڭ جوباسى 2021 جىلعى 24 اقپاندا ءماجىلىستىڭ جالپى وتىرىسىندا ءبىرىنشى وقىلىمدا ماقۇلدانعان.
زاڭ جوباسى ورفوگرافيا نورمالارىن جانە ماتىندەردىڭ تەڭتۇپنۇسقالى اۋدارماسىن ساقتاۋ جونىندەگى تالاپتاردى بەلگىلەۋ ارقىلى دەرەكتەمەلەر مەن كورنەكى اقپاراتتى ورنالاستىرۋ ماسەلەلەرى بويىنشا قازاقستان رەسپۋبليكاسىنىڭ زاڭناماسىن ودان ءارى جەتىلدىرۋدى ماقسات ەتەدى.
زاڭ جوباسىمەن جۇمىس ىستەۋ بارىسىندا دەپۋتاتتار:
- اكىمشىلىك-اۋماقتىق بىرلىكتەردىڭ, ەلدى مەكەندەردىڭ قۇرامداس بولىكتەرىنىڭ, سونداي-اق باسقا دا فيزيكالىق-گەوگرافيالىق وبەكتىلەردىڭ ءداستۇرلى تاريحي قالىپتاسقان قازاق اتاۋلارىن مەملەكەتتىك تىلدە جازۋعا؛
- مەملەكەتتىك ەمەس ۇيىمداردىڭ بلانكىلەرى مەن ماڭدايشالارىن مەملەكەتتىك تىلدە, قاجەت بولعان كەزدە ورىس جانە (نەمەسە) باسقا دا تىلدەردە جازۋعا باعىتتالعان تۇزەتۋلەر ەنگىزدى. بۇل رەتتە, ەگەر مەملەكەتتىك ەمەس ۇيىمداردىڭ ماڭدايشالارىندا قازاقستان رەسپۋبليكاسىندا قورعالاتىن تاۋار بەلگىلەرى پايدالانىلعان جاعدايدا, ولار وزگەرمەيتىن تۇردە جازىلادى؛
- ەگەر قازاقستان رەسپۋبليكاسى راتيفيكاسيالاعان حالىقارالىق شارتتاردا وزگەشە كوزدەلمەسە, جول بەلگىلەرىندەگى جازبانى مەملەكەتتىك تىلدە جازۋعا؛
- ەگەر قازاقستان رەسپۋبليكاسىنىڭ زاڭنامالىق اكتىلەرىندە وزگەشە كوزدەلمەسە, حابارلاندىرۋلاردى, جارنامانى, پرەيسكۋرانتتاردى, باعا كورسەتكىشتەرىن, اس ءمازىرىن, نۇسقاعىشتار مەن باسقا دا كورنەكى اقپاراتتى مەملەكەتتىك تىلدە, قاجەت بولعان كەزدە ورىس جانە (نەمەسە) باسقا دا تىلدەردە ورنالاستىرۋعا؛
- كورنەكى اقپارات ماتىندەرىن ورنالاستىرۋ ماسەلەلەرى جونىندەگى زاڭنامالىق اكتىلەردىڭ نورمالارىن «؛قازاقستان رەسپۋبليكاسىنداعى ءتىل تۋرالى»؛ قازاقستان رەسپۋبليكاسى زاڭىنىڭ تالاپتارىنا سايكەس كەلتىرۋگە باعىتتالعان تۇزەتۋلەر ەنگىزدى.
بۇدان باسقا, ءدىن سالاسىنداعى زاڭنامانى جەتىلدىرۋدى كوزدەيتىن نورمالار ەنگىزىلدى. ايتالىق, عيبادات ۇيلەرىنەن تىس جەرلەردە ءدىني ءىس-شارالاردى وتكىزۋ تۋرالى حابارلاۋ ءراسىمى حابارلاما تارتىبىنە اۋىستىرىلادى, وڭىرلىك ءدىني بىرلەستىكتەردى تىركەۋ كەزىندەگى تالاپتار وزگەرتىلدى, دىنگە سەنۋشىلەردىڭ جانە دىنگە سەنبەيتىندەردىڭ ازاماتتىق قۇقىقتارى ناقتىلاندى, ءدىنتانۋ ساراپتاماسىن جۇرگىزۋگە تارتىلاتىن ادامدار توبى كەڭەيتىلدى.
دىني قىزمەتتى رەگلامەنتتەيتىن ۇسىنىستاردىڭ ەنگىزىلۋىنە بايلانىستى زاڭ جوباسىنىڭ تاقىرىبىن «؛قازاقستان رەسپۋبليكاسىنىڭ كەيبىر زاڭنامالىق اكتىلەرىنە كورنەكى اقپارات جانە ءدىني قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»؛ دەپ وزگەرتۋ بويىنشا تۇزەتۋ ەنگىزىلدى.
بۇدان باسقا, جەكەلەگەن نورمالار ناقتىلانىپ, زاڭ جوباسىنىڭ مازمۇنىن جاقسارتاتىن رەداكسيالىق تۇزەتۋلەر ەنگىزىلدى.
دەپۋتاتتاردىڭ ۇسىنىستارىن قاراۋ قورىتىندىسى بويىنشا زاڭ جوباسىندا قازاقستان رەسپۋبليكاسىنىڭ 1 كودەكسىنە جانە 16 زاڭىنا تۇزەتۋلەر ەنگىزۋ كوزدەلگەن.
پارلامەنت ءماجىلىسىنىڭ بارلىق كوميتەتى زاڭ جوباسىنا وڭ قورىتىندى بەردى.
جۇمىس توبىنىڭ 13 وتىرىسى جانە كوميتەتتىڭ كەڭەيتىلگەن ەكى وتىرىسى وتكىزىلدى. 70-كە جۋىق تۇزەتۋلەر كەلىپ ءتۇستى, ولاردى جۇمىس توبى قاراپ شىقتى. سالىستىرمالى كەستە قابىلدانعان 54 پوزيسيادان تۇرادى.
وسى ايتىلعانداردى ەسكەرە وتىرىپ, كوميتەت «؛قازاقستان رەسپۋبليكاسىنىڭ كەيبىر زاڭنامالىق اكتىلەرىنە كورنەكى اقپارات جانە ءدىني قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»؛ قازاقستان رەسپۋبليكاسى زاڭىنىڭ جوباسىن ەكىنشى وقىلىمدا ماقۇلداپ, ونى قازاقستان رەسپۋبليكاسى پارلامەنتى سەناتىنىڭ قاراۋىنا جىبەرۋگە بولادى دەپ ەسەپتەيدى
ماجىلىستىڭ ءباسپاسوز قىزمەتى
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر