شىمكەنتتە اۋىز سۋ ماسەلەسى قالاي شەشىلەدى؟

مەملەكەت باسشىسى قاسىم-جومارت توقاەۆ بيىلعى جولداۋىندا حالىقتىڭ 100 پايىزىن تازا اۋىز سۋمەن قامتاماسىز ەتۋدى تاپسىردى.

بۇل مىندەتتەمەنى جۇزەگە اسىرۋ ماقساتىندا شىمكەنت قالاسىندا جۇيەلى جۇمىستار جۇرگىزىلىپ كەلەدى. حالىقتى ساپالى اۋىز سۋمەن قامتۋ ەڭ ماڭىزدى الەۋمەتتىك پروبلەمانىڭ ءبىرى ەكەنىن ايتىپ كەلەتىن قالا اكىمى مۇرات ايتەنوۆ بۇل ماسەلەنى شەشۋدى كۇن تارتىبەن تۇسىرگەن ەمەس.

قالا اۋىز سۋدى 5 سۋ كوزىنەن الادى. سۋ قورى قاجەتتىلىكتەن 3,5 ەسە كوپ. بيىل «؛كومەشبۇلاق»؛ ماگيسترالى ىسكە قوسىلادى. ناتيجەسىندە سۋ جۇيەلەرى بولماعان ەلدى مەكەندەردەگى 60 مىڭ تۇرعىنعا اۋىز سۋ جەتكىزىلەدى. جالپى, 250 مىڭ حالىق تۇتىناتىن اۋىز سۋ جۇيەلەرىنىڭ ساپاسى ءارتادى.قازىر قالاداعى 81 ەلدى مەكەننىڭ 69-ى سۋ قۇبىرلارىمەن قامتىلعان. 5 ەلدى مەكەنگە اۋىز سۋ كەستەمەن بەرىلەدى, 7 ەلدى مەكەننىڭ تۇرعىندارى اۋىز سۋدى تاسىمالداپ ىشەدى.

جىل سوڭىنا دەيىن 3 ماگيسترالدى, 11 ىشكى ورامدىق سۋ جۇيەلەرىنىڭ قۇرىلىستارى اياقتالادى. ناتيجەسىندە سۋ تاسىمالىنا تاۋەلدى جانە اۋىز سۋى كەستەمەن بەرىلەتىن 9 ەلدى مەكەنگە اۋىز سۋ بەرىلەدى. 2022-23 جىلدار ارالىعىندا تاعى 3 ماگيسترال مەن 3 ءىرى ەلدى مەكەنگە سۋ جۇيەلەرى جۇرگىزىلەدى. شىمكەنت قالاسى بويىنشا اۋىز سۋ ماسەلەسى 2023 جىلى تولىقتاي شەشىلەدى.