بولات ءابىلوۆ: 7 جىلداي جەر استىندا بولدىم

تاۋەلسىز قازاقستانداعى العاشقى بيزنەسمەندەردىڭ ءبىرى, ساياساتكەر, ءبىراز جىل وپپوزيسيادا بولعان بولات ءابىلوۆ كاسىپكەر, ؛forbes-تىڭ قازاقستان مەن گرۋزياداعى شىعارۋشىسى ؛ ؛ارمانجان بايتاسوۆقا بەرگەن سۇحباتىندا ەڭبەك جولىنداعى العاشقى قادامدارى تۋرالى ايتتى.

بولات ءابىلوۆ قاراعاندىدا ۇلكەن جانۇيادا تۋعان. ۇيدە 10 ادام بولعانىن, وزدەرىمەن بىرگە اكەسىنىڭ باۋىرلارى تۇرىپ, جالپى جيىنتىعى 26 ادام ءار بولمەدە 5-7 ادامنان ۇيىقتاعاندارىن ايتادى.

&ndash؛ قاراعاندى پوليتەحنيكالىق ينستيتۋتىن ءتامامداعان سوڭ شاحتاعا جۇمىس ىستەۋگە باردىم. ءبىزدى ءوزىڭدى كورسەتۋ ءۇشىن كوپ جۇمىس ىستە دەپ تاربيەلەدى. مەن وندىرىستەن باستاۋعا بەل بۋدىم. 7 جىلداي 500 مەتر تەرەڭدىكتە جەر استىندا بولدىم. ءتۇرلى اۋىسىمدا جۇمىس ىستەدىك. تاڭەرتەڭ, كۇندىز, تۇندە, دەمالىستاردا, مەرەكەلەردە دە جۇمىس ىستەدىك. بۇل جىلدار وڭاي بولمادى. كەيدە شاحتادا جۇمىس ىستەپ جۇرگەنىم تۇسىمە كىرەدى. سول كەزدە "نە ءۇشىن؟", "نەگە؟" تەزىرەك جۇمىستان كەتۋ كەرەك..." دەگەن ويلار كەلەدى, ؛&ndash؛ دەيدى ول.

كاسىپكەر شاحتادا جالاقىسى جاقسى بولعانىن, ايىنا 500 سومنان ارتىق تاپقانىمەن, ول كەزدە جاپپاي تاپشىلىق جايلاپ جاتقاندىقتان جاراتاتىن جەر بولماعانىن ەسكە الادى. ول "كەڭەس ۇكىمەتى ءوز حالقىن جەك كورگەنى سونشالىق, ەڭ قاجەتتى زاتتارمەن قامتاماسىز ەتپەدى عوي. ول جۇيە ءومىر سۇرۋگە قابىلەتسىز ەدى" دەيدى وتكەن عاسىردىڭ 70-80 جىلدارداعى دەفيسيت تۋرالى.

سونداي-اق ول جۇمىستىڭ قيىندىعىنا قاراماستان, شاحتاداعى كەزدەر تۋرالى تەك جاقسى وي قالعانىن, 7 جىلدا مول تاجىريبە جيناپ, توزە ءبىلۋدى ۇيرەنگەنىن اتاپ وتكەن. ايتۋىنشا, كانديداتتىق ديسسەرتاسيا جازىپ, بولماسا پارتيا جولىمەن ءبىر كابينەتتە جۇمىس ىستەۋىنە, ءوزىن شاقىرعان مەملەكەتتىك قاۋىپسىزدىك كوميتەتىندە (كگب) قىزمەت ەتۋىنە مۇمكىندىگى بولا تۇرا اۋىر قىزمەتتى تاڭداعان. ءارى بۇل ءۇشىن "ەش وكىنبەيمىن" دەيدى.

وقي وتىرىڭىز:

&diams؛ ؛"كوك تيىنسىز قالدىم". "بۋتيا" الماتىداعى ءومىرى قالاي باستالعانىن ايتتى

&diams؛ ؛"پرەزيدەنتكە كەلۋىم كەرەك ەكەنىن ايتتى". "بۋتيا" باستىقتارمەن اراقاتىناسى جايلى باياندادى