فوتو: اشىق دەرەككوز
پارلامەنت سەناتى ىشكى ىستەر قىزمەتىنىڭ ماسەلەلەرى تۋرالى زاڭدى قابىلدادى. بۇل تۋرالى ىشكى ىستەر ءمينيسترى ەرلان تۇرعىمباەۆ مالىمدەدى.
&ndash؛ پرەزيدەنت ؛ۋچاسكەلىك ينسپەكتورلاردىڭ مارتەبەسىن كوتەرۋدى تاپسىردى. ءبىرىنشى ۋچاسكەلىك ينسپەكتورلاردىڭ قۇزىرەتى كەڭەيەدى جانە ۋچاسكەلىك ينسپەكتوردىڭ كومەكشىسى لاۋازىمى ەنگىزىلەدى. ەكىنشى داكتيلوسكوپيالىق تىركەۋ ۋاقىتىن 2023 جىلدىڭ 1 قاڭتارىنا دەيىن سوزۋ قاراستىرىلعان. ءۇشىنشى, توتەنشە جاعداي مينيسترلىگىنىڭ قۇرىلۋىنا بايلانىستى ءبىرقاتار وكىلەتتىك باسقا مەملەكەتتىك ورگاندارعا بەرىلەدى. ازاماتتىق قورعاۋ بولىنىستەرىنە تەرگەۋ جۇرگىزۋ قۇزىرەتى بەرىلەدى. ال ءورت ءسوندىرۋ قىزمەتى ءوز الدىنا جاڭا ستاتۋسپەن قۇقىق قورعاۋ ورگاندارىنىڭ ىشىنە كىرەدى, &ndash؛ دەدى تۇرعىمباەۆ.
مينيستر اۋداندىق بولىمشەلەرگە 2 مىڭعا جۋىق ۋچاسكەلىك ينسپەكتور كومەكشىسىن ەنگىزۋ قاجەتتىگىن اتاپ ءوتتى.
&ndash؛ ولار نەگە قالادا ەمەس, اۋىلداردا بولادى دەسەك. نەگىزىنەن بىزدە پاترۋلدىك پوليسيا, كوبىنە قالالاردا. ياعني ءبىر قىلمىس ورىن السا, ءبىرىنشى بولىپ پاترۋلدىك پوليسيا جەتەدى, كەيىن ۋچاسكەلىك ينسپەكتور بارادى. ال اۋىلداردا كەرىسىنشە, العاش كومەككە ۋچاسكەلىك ينسپەكتور بارادى, سەبەبى ەلدى مەكەندەردە ودان باسقا ەشكىم جوق. ۋچاسكەلىك ينسپەكتوردىڭ كومەكشىلەرى كامەلەتكە تولماعانداردىڭ ىسىمەن دە اينالىسادى. سەبەبى جەرگىلىكتى جەرلەردە بالالاردىڭ ءىسىن قارايتىن تەك ءبىر عانا ينسپەكتور بار, ؛&ndash؛ دەپ اتاپ ءوتتى سەنات وتىرىسىندا مينيستر.
سونىمەن قاتار ۋچاسكەلىك ينسپەكتورلاردىڭ مارتەبەسىن كوتەرۋ ءۇشىن 3 جىل ىشىندە ولاردىڭ جالاقىسىن ءوسىرۋ جوسپارلانىپ وتىرعانىن جانە باسپانا ماسەلەسىمەن قامتۋ قاراستىرىلىپ جاتقانىن ايتتى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر