فوتو: اشىق دەرەككوز
اقش پرەزيدەنتى دجو بايدەن رەسەي "زياندى ارەكەتتەرمەن" اينالىساتىن بولسا, "كورنەكتى جانە اۋىر" زارداپتارعا تاپ بولاتىنىن ەسكەرتتى. بايدەن بۇل ەسكەرتۋدى ءوزىنىڭ العاشقى شەتەلدىك ساپارى ؛ۇلىبريتانياعا بارعانىندا ايتتى.
بايدەن ترامپ اكىمشىلىگى كەزىندەگى اقش وداقتاستارىمەن بولعان شيەلەنىسكەن قاتىناستاردى قايتادان نىعايتۋعا نيەتتى ەكەنىن مالىمدەدى.
ول ۇلىبريتانيا پرەمەر-مينيسترى بوريس دجونسونمەن "اتلانتيكالىق حارتياعا" كەلىسۋ ءۇشىن كەزدەسەدى.
وسىنداي كەلىسىم 1941 جىلى ۋينستون چەرچيلل مەن فرانكلين رۋزۆەلت اراسىندا بولعان. بۇل "كليماتتىڭ وزگەرۋى مەن قاۋىپسىزدىك سياقتى پروبلەمالارعا باعىتتالعان كەلىسىمنىڭ قازىرگى زامانعى نۇسقاسى بولادى" دەپ سيپاتتالۋدا.
bbc-دىڭ ساياسي رەداكتورى لاۋرا كۋەنسبەرگتىڭ ايتۋىنشا, بايدەن مەن دجونسون ترامپ اكىمشىلىگى كەزىندەگى قايشىلىقتان جانە پاندەميانىڭ قىسىمىنان كەيىن ماڭىزدى قارىم-قاتىناستى جاڭارتۋدى كوزدەيدى.
بايدەن سەگىز كۇندىك ەۋروپالىق ساپار بارىسىندا ۆيندزور سارايىندا ۇلىبريتانيا پاتشايىمىمەن كەزدەسەدى, g7 كوشباسشىلارىنىڭ كەزدەسۋىنە قاتىسىپ, پرەزيدەنت رەتىندەگى العاشقى ناتو سامميتىنە قاتىسادى.
ساپارىنىڭ سوڭىندا بايدەن رەسەي پرەزيدەنتى ۆلاديمير پۋتينمەن جەنەۆادا كەزدەسەدى دەپ جوسپارلانعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر