فوتو: اشىق دەرەككوز
بىلىم جانە عىلىم ءمينيسترى اسحات ايماعامبەتوۆ ۇبت تاپسىرۋ, دوكتورانتۋرا مەن ماگيستراتۋراعا ءتۇسۋ ەرەجەلەرىنە ءبىرقاتار وزگەرىستەر ەنگىزىلگەنىن حابارلادى. ؛بۇل تۋرالى ول الەۋمەتتىك جەلىدەگى پاراقشاسىندا جازدى.
؛
&ndash؛ جاقىندا ۇبت-نى ەلەكتروندىق فورماتقا كوشىرۋ تۋرالى پوست جاريالادىم. بۇل وزگەرىستەردى قوعام جاقسى قابىلداپ, قولداۋ ءبىلدىردى. ءبىراق, ءبىز تەك وسى ەمتيحاندى عانا ەمەس, بارلىق ىرىكتەۋ ءىس-شارالارىنىڭ فورماتىن اشىقتىق پەن ادىلدىكتى قامتاماسىز ەتۋ ءۇشىن وزگەرتۋدەمىز, &ndash؛ دەدى ايماعامبەتوۆ.
؛
مينيستر وسى باستامالاردىڭ ءبىرقاتارىنا قىسقاشا توقتالدى:
؛
&ndash؛ بىرىنشىدەن, وقۋشىلاردىڭ پاندىك وليمپياداسى.
بىز بيىل اقپان ايىندا العاش رەت وقۋشىلار اراسىندا رەسپۋبليكالىق وليمپيادانى ەلەكتروندىق فورماتتا وتكىزدىك. ءار قاتىسۋشىعا جەكە كومپيۋتەر بەرىلدى, ءار وقۋشىنىڭ ىس-ارەكەتىن بەينەكامەرا باقىلاپ وتىردى. سونىمەن قاتار ارنايى ورتالىقتا كەزەكشىلەر بارلىق پروسەستى قاداعالاي الىپ, پروكتورينگ جۇيەسى دە قولدانىلدى. الەۋمەتتىك جەلىلەردە جانە ارنايى پورتالدا اشىق ترانسلياسيا جۇرگىزىلدى.
؛
بيىل وليمپيادا تاپسىرمالارىن تەكسەرۋ جۇيەسىن دە وزگەرتتىك. بۇرىن قازىلار القاسى مۇشەلەرىنە بالالاردىڭ جۇمىستارى پروپورسيونالدى تۇردە بەرىلسە, ەندى باعالاۋ كەزىندە سۋبەكتيۆيزمدى تومەندەتۋ ءۇشىن قازىلار القاسىنىڭ ءار مۇشەسى ءبىر عانا تاپسىرمانى كورىپ, باعالاي الدى. كەلەسى جىلدارى دا وليپيادانىڭ وبلىستىق جانە رەسپۋبليكالىق كەزەڭدەرى تەك قانا وسىنداي فورماتتا وتەتىن بولادى.
؛
ەكىنشىدەن, دوكتورانتۋراعا قابىلداۋ.
بيىل دوكتورانتۋراعا ءتۇسۋ ەمتيحاندارى دا ۇبت-عا قويىلعان تالاپتار نەگىزىندە جانە ۇلتتىق ءبىرىڭعاي تەستىلەۋ جۇرگىزىلگەن پۋنكتەردە وتەدى.
بۇل بىزگە "رەكتورلار ءتىزىمى" دەگەن الىپ-قاشپا ءسوزدى جانە وسىنداي تاۋەكەلدەردى ۇمىتىپ, دوكتورانتۋراعا ەڭ مىقتى جانە لايىقتى ۇمىتكەرلەردىڭ وقۋعا تۇسۋىنە ءتيىستى جاعداي جاساۋعا مۇمكىندىك بەرەدى دەپ ويلايمىن. ەسسەنى دە, باسقا دا تاپسىرمالاردى دا وسى كومپيۋتەرلەرمەن بەينەكامەرالاردىڭ الدىندا وتىرىپ جازاتىن بولادى.
؛
ۇشىنشىدەن, ماگيستراتۋراعا ءتۇسۋ.
وتكەن جىلى ءبىز ماگيستراتۋراعا تۇسۋشىلەردىڭ ەمتيحاندارىن پيلوتتىق رەجيمدە ەلەكتروندىق فورماتتا قابىلدادىق. وقۋعا تۇسكەن ازاماتتار ەمتيحاننىڭ راسىندا ءادىل تۇردە وتكەنىن ايتىپ جاتىر. بيىل بۇل جۇمىس جالعاسىن تابادى. بۇدان بىلاي ماگيستراتۋرانىڭ ەمتيحاندارى وسى فورماتتا وتەدى. ؛ وليمپيادالاردى, ۇبت-نى ۇيىمداستىرۋدان باستاپ ماگيستراتۋرا مەن دوكتورانتۋراعا تۇسكەنگە دەيىنگى بارلىق پروسەستى ەلەكتروندىق فورماتقا كوشىردىك. وسىنداي جاڭاشىلدىقتار ارقىلى ادىلدىك پەن اشىقتىققا باعىتتالعان باستامالارىمىزدى جۇزەگە اسىرىپ جاتىرمىز. اشىقتىقتى جانە ناقتى باسەكەلەستىكتى قامتاماسىز ەتە وتىرىپ, ءبىلىم بەرۋ جۇيەسىنە دەگەن سەنىمدى دە ارتتىرامىز. ادىلدىك, اشىقتىق, اكادەميالىق ادالدىق ؛&ndash؛ بۇل ءبىزدىڭ جۇمىسىمىزداعى نەگىزگى قاعيداتتار, &ndash؛ دەپ اتاپ ءوتتى مينيستر.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر