تاۋەلسىزدىككە 30 جىل: 30 بالاباقشا اشىلعان

ماڭعىستاۋ وبلىسىنىڭ ماڭعىستاۋ اۋدانىندا تاۋەلسىزدىك العان 30 جىل ىشىندە 30 بالاباقشا اشىلعان. بۇگىندە 30 بالاباقشادا 2244 ءبۇلدىرشىن تاربيەلەنىپ جاتىر. اۋداندا بوبەكجايمەن قامتۋ ماسەلەسى الدىڭعى قاتاردا. سوعان سايكەس 3-6 جاس ارالىعىنداعى بالعىنداردىڭ بالاباقشاعا بارۋى 100% قامتىلعان. وقۋ كابينەتى, اسحانا, جاتىن بولمەسى مەن ويىن الاڭدارى زاماناۋي تالاپتارعا ساي تەحنيكالىق بازامەن تولىق جابدىقتالعان.

-«؛ارينە 30 جىلدا 30 بالاباقشانىڭ اشىلعاندىعى بۇل ۇلكەن قۋانىش. قازىرگى ۋاقىتتا اۋداندا 20 مەملەكەتتىك, 10 جەكەمەنشىك مەكتەپكە دەيىنگى ءبىلىم مەكەمەسى جۇمىس ىستەيدى. ياعني, بىزدە بالاباقشامەن قامتۋ ماسەلەسى جولعا قويىلعان. ءار بوبەككە ساپالى ءبىلىم مەن سانالى تاربيە بەرۋ جولىندا ەڭبەك ەتىپ جاتقان پەداگوگتارىمىز جىل سايىن ءبىلىمىن جەتىلدىرەتىن كۋرستاردان وتەدى. ەندى الەمدى ابىگەرگە سالعان كوروناۆيرۋس ىندەتىنە بايلانىستى ءبىراز ۋاقىت بالاباقشالار كارانتينگە جابىلعان بولاتىن. اقپان ايىنان باستاپ جۇمىستى قايتا باستاپ كەتتىك»؛,- دەيدى ماڭعىستاۋ اۋداندىق ءبىلىم ءبولىمىنىڭ باسشىسى سۆەتلانا قاليەۆا.
اۋدانداعى 30 بالاباقشادا تاجىريبەسىن شىڭداپ, ءبىلىمىن جەتىلدىرۋ كۋرستارىنان وتكەن 284 پەداگوگ قىزمەت ەتەدى. ونىڭ ىشىندە 28 جوعارى ساناتتى, 43 ءبىرىنشى ساناتتى ماماندار. بالاباقشادا ەرەكشە تەحنولوگيالار ەنگىزىلگەن. ماسەلەن, جىڭعىلدى اۋىلىنداعى بوبەكجايدا ء«؛تاي-تاي»؛ اتتى تەحنولوگيا ىسكە قوسىلعان. ەرەكشەلىگى بۇلدىرشىندەر جاڭا تەحنولوگيا ارقىلى كەز-كەلگەن دۇنيەنى تەرەڭ زەرتتەۋگە مۇمكىندىك الادى.