27 ناۋرىز, 2021 news
فوتو: qamshy.kz
الماتىداعى شوقان ءۋاليحانوۆ اتىنداعى الاڭدا وتكەن دەموكراتيالىق پارتيا باستاماشىل توبى جاقتاستارىنىڭ ؛قازاقستاندا قىتاي زاۋىتتارىنىڭ سالىنۋىنا قارسى وتكىزگەن رۇحسات ەتىلگەن ميتينگى اياقتالدى.
ميتينگكە 400-گە جۋىق ادام قاتىستى. اكسيا بارىسىندا تىركەلمەگەن دەمپارتيا جاقتاستارىنان بولەك وپپوزيسيالىق جۋرناليستەر ؛ەرمۇرات باپي مەن رىسبەك سارسەنباي, بەلسەندى گۇلجان ەرعاليەۆا ءسوز سويلەدى,
نارازىلىق اكسياسى كەزىندە قامشى تىلشىلەرى 4 ادامدى اۆتوزاگقا سالىپ الىپ كەتكەنىن كورگەن. ؛دەموكراتيالىق پارتيا باستاماشىل توبىنىڭ جەتەكشىسى جانبولات ماماي بۇدان بولەك تاعى 6 ادامدى ۇستاعانىن ايتتى. دەمپارتيا بەلسەندىسى داۋرەن دوستياروۆ الاڭعا كەلە جاتقان بەلسەندىلەردىڭ جولدا ۇستالعانى تۋرالى ەستىپ جاتقاندارىن حابارلادى.
ميتينگكە شىققانداردىڭ قولدارىنداعى پلاكاتتاردا "قىتاي ەلشىسى ەلشى مە, جاۋشى ما؟", "ۇكىمەت قازاقستاندى ساۋداعا سالماق", "قىتاي ەكسپانسياسىنا جول جوق", "قىتاي, جەرىمىزگە كوز سالما", "جەرىڭدى قورعاماساڭ, "جەر" بولاسىڭ", "قىتاي ەكسپانسياسى تاۋەلسىزدىكتەن ايىرۋ", "جەر ساتىلمايدى, جالعا بەرىلمەيدى", "ساڭىراۋ پرەزيدەنت كەرەك ەمەس", "ۇلتاراقتاي بولسا دا, اتاقونىس جەر قىمبات" دەپ جازىلعان.
ميتينگ سوڭىندا ؛دەموكراتيالىق پارتيا باستاماشىل توبىنىڭ جەتەكشىسى جانبولات ماماي تومەندەگىدەي تالاپتارىن قويدى.
1. قازاقستاندا قىتايدىڭ 56 زاۋىتىنىڭ قۇرىلىسىن جۇرگىزۋگە قارسىمىز؛
2. قىتايدان مەملەكەتىمىز قانشا قارىز الدى, نە ءۇشىن الدى, سونى بيلىك اشىق جاريالاسىن؛
3. قىتايمەن قاندايدا ءبىر ەكونوميكالىق شارتتار قوعام تالقىلاۋىنسىز قابىلدانباۋعا ءتيىس؛
4. قىتايدان جۇمىسشىلار كەلتىرىلمەسىن. بارلىق جۇمىستى قازاقستاننىڭ ازاماتتارى اتقارۋى ءتيىس؛
5. جەر شەتەلدىكتەرگە جالعا بەرىلمەيدى, ساتىلمايدى دەگەن ءسوزدى كونستيتۋسياعا ەنگىزۋ كەرەك؛
6. جەر ماسەلەسىن بيلىك تاعايىنداعان كوميسسيا مۇشەلەرى ەمەس, شىنايى تاۋەلسىز كۇشتەر قاراۋعا ءتيىس؛
7. بيلىكتەن بارلىق ساياسي تۇتقىنداردى بوساتىپ, ولاردى قۋدالاۋدى دوعارۋدى تالاپ ەتەمىز؛
8. قازاقستاندا ساياسي پارتيالار تۋرالى, سايلاۋ تۋرالى زاڭ قابىلدانىپ, وپپوزيسيالىق ۇيىمدار تىركەۋدەن وتۋگە ءتيىس!
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر