شوتلانديادا ءبىلىم العان ۇلبوسىن نايزاقۇل: شەتەلدە وقۋ وتە قيىن

ۇلبوسىن نايزاقۇل "بولاشاق" باعدارلاماسىنىڭ ستيپەندياتى. شوتلاندياداعى "ستراتكلايد" ۋنيۆەرسيتەتىنىڭ ۇزدىك ماگيسترانتى. ءقازىر ول قازاقستانعا ورالعانىمەن, شەتەلگە كەتكىسى كەلەتىنىن جاسىرمايدى. وعان نە سەبەپ, وزگە ەلدە ءبىلىم الۋدىڭ ارتىقشىلىعى مەن ايىرماشىلىعى قانداي؟ بۇل جايىندا قامشى پورتالىنا بەرگەن سۇحباتىندا ايتتى.

&ndash؛ مەن ۇلبوسىن نايزاقۇل 1997 تاراز قالاسىندا تۋدىم. 2014 جىلى مەكتەپتى ۇزدىك اياقتاپ, 2018 جىلى الماتى قالاسىنداعى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىن "جۋرناليستيكا" جانە "اسكەري اۋدارماشى" ماماندىعىن قىزىل ديپلوممەن ءتامامدادىم. بالا كەزىمنەن شەتەلدە ءبىلىم العىم كەلەتىن. سول ارمانىم جۇزەگە استى. وقۋدى بىتىرگەن جىلى ماعان ء"سىز بولاشاق حالىقارالىق باعدارلاماسىنىڭ ستيپەندياتى اتاندىڭىز" دەگەن حات كەلدى. قۋانىشىمدا شەك بولمادى. ءبىراق مەن وسى جولدا تالاي تەر توكتىم. اعىلشىن تىلىنەن تاپسىراتىن ەمتيحاندارعا, جىل بويى دايىندالدىم. ۋنيۆەرسيتەتتە ۇزدىك بولۋعا بارىمدى سالدىم, &ndash؛ دەدى ول.

ۇلبوسىن ؛&ndash؛ گارري پوتتەردىڭ جانكۇيەرى. شوتلانديانى تاڭداۋىنىڭ ءبىر سەبەبى وسى. جۇمباق الەمگە جەتەلەيتىن "گارري پوتتەر" ءفيلمى وسى گلازگو قالاسىنىڭ, گلازگو ۋنيۆەرسيتەتىندە تۇسىرىلگەن.

&ndash؛ ۇلىبريتانيانىڭ ريم يمپەرياسىنان باستاپ 2000 جىلدىق جازباشا تاريحى بار. سونىڭ ىشىندە, شوتلانديا ءوزىنىڭ سان جىلدىق تاريحى مەن ەرەكشە تابيعاتى ارقىلى مەنى ءارقاشان تامساندىراتىن. ءبىلىمىمدى اكادەميالىق تۇرعىدان شىڭداۋ ءۇشىن, ءارى كوركەم تابيعات پەن تاريحتى تەرەڭ ءتۇسىنۋ ءۇشىن ءدال وسى ەلدى تاڭدادىم. جانە بۇعان ەش وكىنبەدىم. ويتكەنى مەن ساپالى ءبىلىم الدىم. ءبىراق ءبىزدىڭ ەلمەن سالىستىرعاندا شەتەلدە وقۋ الدەكايدا كيىن. مىسالى قازاقستان, امەريكا سەكىلدى كوپتەگەن مەملەكەتتە ماگيستراتۋرا 2 جىل. ال ۇلىبريتانيادا تەك 1 جىل وقيسىڭ. سوندىقتان بۇكىل وقۋ جۇيەسى قارقىندى تۇردە جۇرگىزىلەدى. ءار ساباقتىڭ مۇعالىمدەرى بەرگەن تاپسىرمالارىنا ءارتۇرلى دەدلاين (بەلگىلى مەرزىم) قويادى. ۋاقىتىلى وتكىزبەسەڭ, 3 كۇنىڭدى كەمىتەدى. ال 3 كۇننەن كەيىن العان باعاڭدى سانامايدى. سونىمەن قوسا, ۇلىبريتانيادا پلاگياتقا وتە قاتتى نازار اۋدارادى. ماتەريالداعى سىلتەمە 10-15% پايىزدان اسپاۋى كەرەك. جۇمىسى پلاگيات دەپ سانالعان ستۋدەنت, اۆتوماتتى تۇردە وقۋدان شىعارىلادى. سول ءۇشىن "بولاشاق" ستيپەندياتتاردى الدىن-الا دايىندىق كۋرسىنا شەتەلگە ءبىر نەمەسە ەكى ايعا جىبەرەدى. مەن 2019 جىلدىڭ 24 ماۋسىم مەن 16 تامىز ارالىعاندا ۇلىبريتانيا, انگلياداعى گلوستەرشير ۋنيۆەرسيتەتىندە ەكى ايلىق پرەماستەرس كۋرسىنان ءوتتىم. كۋرس اكادەميالىق تۇرعىدان ماعان كوپ كومەكتەستى, ؛&ndash؛ دەپ اتاپ ءوتتى ؛ۇلبوسىن. ؛

جاس ماماننىڭ سوزىنشە, باستاپقى ەكى ايدا وقۋداعى ۇستازداردى ءتۇسىنۋى قيىن بولعان. ويتكەنى شوتلاندىقتار شوتلانديا-بريتانيالىق اعىلشىننان بولەك, شوتلانديا-يرلانديالىق گاەليك تىلىندە وتە تەز سويلەيدى. "دەسە دە سول ەكى ايدىڭ ىشىندە شوتلانديالىق اكسەنتكە دە, شەتەلدىك ومىرگە دە بىرتە-بىرتە بەيىمدەلدىم. ۇلىبريتانيادا ءتىلدى ءبىلۋ مىندەتتى. اعىلشىن ءتىلىن جەتىك بىلەتىنمىن. ساباقتار تولىقتاي اعىلشىن تىلىندە ءوتتى. اعىلشىن ءتىلىن كۇندەلىكتى پراكتيكا جۇزىندە قولدانۋ دا ءتىلىمنىڭ دامۋىنا دا كوپ پايداسىن تيگىزدى" دەيدى ول.

ۇلبوسىننىڭ ايتۋىنشا, قازاقستان مەن ۇلىبريتانيانىڭ مادەنيەت, ستەرەوتيپ تۇرعىسىنان وزىندىك ايىرماشىلىعى مەن ۇقساستىعى بار. ۇقساستىعى ەكى ەلدە شايدى وتە جاكسى كورەدى. ال ايىرماشىلىعى &ndash؛ اعىلشىندار جىلكى ەتىن مۇلدەم جەمەيدى. ءتىپتى وعان شوشىنا قارايدى. اعىلشىندار بالىقتى ءسۇيىپ جەيدى. ولار ءار جۇما سايىن ۇيلەرىندە بالىق دايىندايدى.

كەيىپكەرىمىز ۇلىبريتانياداعى ءومىر ءسۇرۋ دەڭگەيى مەن ازاماتتار الاتىن جالاقى قازاقستانمەن سالىستىرعاندا الدەقايدا جوعارى ەكەنىن بايقاعان. ءبىراق كۇنكورىس دەڭگەيى سوعان ساي.

بىر جىلدان كەيىن, تۋعان جەرىنە ورالعان ۇلبوسىن بولاشاقتا شەت ەلدە ءومىر سۇرگىسى كەلەدى. ايتۋىنشا, اعىلشىندار وتە قاراپايىم, جىلى شىرايلى حالىق.  ؛

&ndash؛ ولار "وتىنەمىن, راحمەت جانە كەشىرىڭىز" دەگەن سوزدەردى ءجيى قولدانادى. ءتىپتى بەيتانىس جانعا كومەكتەسۋگە دايىن تۇرادى. مۇعالىمدەرى ءوز ستۋدەنتتەرىنە دوس رەتىندە قارايدى. سونىڭ ارقاسىندا مەن اعىلشىن, شوتلانديالىق جانە وزگە ەلدەن كوپتەگەن دوس تاپتىم. ؛ماعان اعىلشىنداردىڭ مەنتاليتەتى, ومىرگە دەگەن كوزقاراسى قاتتى ۇنادى. ولار ءبىز سياقتى ۇلان-عاسىر توي جاساپ, "ەل ءۇشىن" ءومىر سۇرمەيدى. ومىرلىك ۇستانىمدارى مۇلدە وزگەشە. ولار وزدەرىنىڭ جان راحاتى ءۇشىن ءومىر سۇرەدى. ؛سوندىقتان بولاشاقتا رەتى كەلسە, مەن شوتلانديادا تۇرعىم كەلەدى, &ndash؛ دەيدى ۇلبوسىن.