جامبىلدا تاۋەلسىزدىكتىڭ 30 جىلدىق مەرەيتويىنا وراي «جومارت تۇلەك» جيىنى ءوتتى

جامبىل وبلىسىندا ەلباسى نۇرسۇلتان نازارباەۆتىڭ «؛تۋعان جەرگە تاعزىم»؛ باستاماسى اياسىندا جانە تاۋەلسىزدىكتىڭ 30 جىلدىق مەرەيتويىنا وراي «؛جومارت تۇلەك»؛ جيىنى ءوتتى. اۋليەاتا توپىراعىنداعى بۇل القالى باسقوسۋ رەسپۋبليكادا تۇڭعىش رەت ۇيىمداستىرىلدى. حالقىمىزدا «؛تۋعان جەرگە تۋىڭدى تىك!»؛ دەگەن قاناتتى ءسوز بار. دەمەك, ءار ادام كىندىك قانى تامعان جەرىن ۇمىتپاۋى ءتيىس. قولىنان كەلسە, كومەگىن اياماۋى كەرەك.
بۇل جيىننىڭ, راسىندا ءمانى تەرەڭ, ماڭىزى بولەك. ويتكەنى, ەلدىڭ وركەندەۋى مەن دامۋى جولىنا ەرەكشە اتسالىسىپ, الەمدىك ارەنالاردا كوك تۋىمىزدى جەلبىرەتىپ جۇرگەن تۇلەكتەرىمىزدىڭ جەتىستىكتەرى &ndash؛ تۋعان جەردىڭ توپىراعىمەن تامىرلاس. سوندىقتان دا اتالعان باسقوسۋعا ەڭبەك ەرلەرى, مەملەكەت قايراتكەرلەرى, مادەنيەت سالاسىنىڭ مايتالماندارى, سپورتشىلار, ۇستازدار مەن بيزنەسمەندەر ەلىمىزدىڭ تۇكپىر-تۇكپىرىنەن قاتىستى. مالايزيا, اقش, رەسەي سىندى مەملەكەتتەردەن ونلاين بايلانىسقا شىقتى.

القالى كەزدەسۋ ماڭىزدى قوعامدىق باستامالاردى كوتەرىپ, ءتۇرلى سالادا ەڭبەك ەتىپ جۇرگەن تۇلەكتەردىڭ تابىستى ءومىر جولىن جاس ۇرپاققا ناسيحاتتاۋدى ماقسات ەتەدى. ەل ەگەمەندىگىن العالى ءوڭىر مەكتەپتەرىنەن 400 مىڭنان استام تۇلەك قانات قاعىپتى. سول سەبەپتەن ءبىز ايماق باسشىسى بەردىبەك ساپارباەۆتىڭ باستاماسىمەن jambyl-tylek.kz سايتىن ىسكە قوستىق. بۇگىندە وندا 80 مىڭعا جۋىق تۇلەك تىركەلگەن. ولاردىڭ اراسىندا وزدەرى ءبىلىم العان ورداسى مەن اۋىلىنىڭ دامۋىنا تەك سوڭعى 5 جىلدا 2 ملرد تەڭگە كولەمىندە دەمەۋشىلىك كومەك كورسەتكەن ازاماتتار بار. بيىل وسى مەسەنات زامانداستارىمىزدىڭ باستاماسىمەن «؛وقۋشىلار سارايى»؛, «؛اناعا تاعزىم»؛, ۇستەل تەننيس ورتالىعى, ۇلكەن تەننيستىك الاڭ, «؛ونەر ءۇيى»؛ سياقتى قۇنى 5,4 ملرد تەڭگە بولاتىن اۋقىمدى جوبالار قولعا الىندى.

جيىنعا قاتىسقان وبلىس اكىمى تۋعان توپىراقتان قۋات الىپ وسكەن ءاربىر اۋليەاتالىق تۇلەك ەگەمەن ەلىمىزدىڭ يگىلىگىن ەسەلەي تۇسەتىندىگىنە سەنىم ءبىلدىردى. سونىمەن قاتار جالپى قۇنى 5,5 ملرد تەڭگەنى شامالايتىن 30-دان استام الەۋمەتتىك جوبانى ۇسىندى. كوپشىلىكتى وسى جوبالار ارقىلى تۋعان ولكەمىزدىڭ كوركەيە تۇسۋىنە قولداۋ بىلدىرۋگە شاقىردى.
بيىلعى تاۋەلسىزدىكتىڭ 30 جىلدىق مەرەيتويىنا وراي وبلىستا حالىقتىڭ ءال-اۋقاتى مەن تۇرمىس ساپاسىن ارتتىرۋعا باعىتتالعان «؛30 يگى ءىس»؛ جوباسى ىسكە اسىرىلادى. ناتيجەسىندە 136 الەۋمەتتىك, 150 ينفراقۇرىلىمدىق نىسان پايدالانۋعا بەرىلمەك. سونداي-اق «؛مەيىرىم»؛, «؛زەيىن»؛, «؛قامقور»؛, «؛30 يگى ءىس»؛ سياقتى 9 الەۋمەتتىك جوبا مەن 6 قايىرىمىدىلىق اكسياسى ۇيىمداستىرىلادى.

"رۋحاني جاڭعىرۋ" باعدارلاماسىنداعى "تۋعان جەر" ارنايى جوباسىن ىسكە اسىرىپ, قازاق ەلىندە تۇڭعىش رەت "جومارت تۇلەك-2021" تۇلەكتەر كەزدەسۋىن ۇيىمداستىرعانى ءۇشىن جامبىل وبلىسىنىڭ اكىمى ب. ساپارباەۆقا ەلباسى ن.نازارباەۆ العىس ءبىلدىردى. ونى بۇگىنگى كەزدەسۋگە ونلاين قاتىسقان قازاقستاننىڭ تۇڭعىش پرەزيدەنتى كەڭسەسىنىڭ باسشىسى م.قاسىمبەكوۆ جەتكىزدى.
جيىن سوڭىندا وبلىستىڭ دامۋىنا ۇلەس قوسقان ازاماتتارعا "جومارت تۇلەك" سىيلىعى تابىس ەتىلدى.