شىمكەنت قالاسىندا وزبەكستاننىڭ 70 ازاماتى مەن قىتايدىڭ 62 ازاماتىن جۇمىسقا زاڭسىز قابىلداعاندار انىقتالدى, دەپ حابارلادى polisia.kz سايتى.

اقپان ايىندا ىشكى ىستەر مينيسترلىگى "ميگرانت" جەدەل الدىن الۋ ءىس-شاراسىنىڭ ەكى كەزەڭىن وتكىزگەن.

&ndash؛ پاندەمياعا كەزىندە قازاقستان اۋماعىندا بولعان مىڭداعان شەتەلدىك ەلدەن شىعا الماي قالدى. ىشكى ىستەر مينيسترلىگى كوشى-قون قىزمەتىنىڭ, شەت مەملەكەتتەر وكىلدىكتەرىنىڭ جانە كوشى-قون جونىندەگى حالىقارالىق ۇيىمنىڭ كومەگىمەن بۇل ادامداردىڭ قۇجاتتارىن رەسىمدەۋگە كومەك كورسەتىلدى. جىل باسىنان بەرى پوليسيا قىزمەتكەرلەرى 133 مىڭ زاڭسىز ميگرانتقا ەلدەن ءوز ەركىمەن كەتۋگە كومەكتەستى. ءتولقۇجاتتارىنىڭ قولدانىلۋ مەرزىمى وتكەن 675 شەتەلدىك قايتىپ ورالۋعا ارنالعان كۋالىك الدى, &ndash؛ دەدى ىشكى ىستەر ءمينيسترى ەرلان تۇرعىمباەۆ.

سايت مالىمەتىنشە, كوشى-قون زاڭناماسىن قاساقانا بۇزۋ فاكتىلەرى دە انىقتالعان. جەدەل-پروفيلاكتيكالىق ءىس-شارا بارىسىندا 582 جۇمىس بەرۋشى شەتەلدىك جۇمىس كۇشىن ءتيىستى رۇقساتسىز پايدالانعانى ءۇشىن جاۋاپكەرشىلىككە تارتىلدى. زاڭسىز كوشى-قوندى ۇيىمداستىرۋ فاكتىلەرى بويىنشا 28 قىلمىستىق ءىس تىركەلدى.

شىمكەنت قالاسىندا وزبەكستاننىڭ 70 ازاماتى مەن قىتايدىڭ 62 ازاماتىن جۇمىسقا زاڭسىز قابىلداعان ءبىرقاتار زاڭدى تۇلعالار انىقتالدى. قازىرگى ۋاقىتتا زاڭسىز كوشى-قوندى ۇيىمداستىرۋ فاكتىسى بويىنشا سوتقا دەيىنگى تەرگەۋ باستالدى.

سونىمەن قاتار, جەدەل-پروفيلاكتيكالىق ءىس-شارا بارىسىندا ىزدەۋدە جۇرگەن 140 قىلمىسكەر ۇستالدى. ولاردىڭ ىشىندە 129 قازاقستاندىق, تمد ەلدەرىنىڭ 10 ازاماتى, سونداي-اق سەكسۋالدىق سيپاتتاعى زورلىق-زومبىلىق ارەكەتتەرى جانە بوپسالاۋ فاكتىسى ءۇشىن حالىقارالىق ىزدەۋدە جۇرگەن تۇركيا ازاماتى بار.

&ndash؛ قازاقستاندىقتار عانا ەمەس, شەتەلدىكتەر دە وزدەرىن ءقاۋىپسىز سەزىنۋى ءتيىس. بۇل &ndash؛ پوليسيانىڭ نەگىزگى مىندەتى. سونىمەن بىرگە ءبىزدىڭ ەلدە ۋاقىتشا جۇرگەن قوناقتار زاڭداردى قۇرمەتتەۋگە جانە ەلدە بولۋ ەرەجەلەرىن بۇزباۋعا مىندەتتى. سوندىقتان كوشى-قون قىزمەتىنىڭ بۇل باعىتتاعى جۇمىسى تۇراقتى تۇردە جۇرگىزىلۋى ءتيىس, &ndash؛ دەدى مينيستر تۇرعىمباەۆ.

كوشى-قون قىزمەتى كوميتەتىنىڭ مالىمەتىنشە, كوشى-قون زاڭناماسىن قاساقانا بۇزۋشىلارعا قاتىستى زاڭسىز يمميگرانتتاردى شىعارۋعا 969 سوت شەشىمى شىعارىلعان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر