ۇلتتىق كەڭەستىڭ كەزەكتى iv وتىرىسىندا "تالبەسىك" كوپبالالى انالار قوزعالىسىنىڭ جەتەكشىسى ءلاززات قوجاحمەتوۆا كوپبالالى وتباسىلارعا ارزان, قولجەتىمدى ءۇي بەرىلۋىن سۇرادى.

&ndash؛ كوپبالالى وتباسىلارعا بەرىلەتىن قايتارىمسىز گرانتتاردىڭ كوبەيگەنىن قالايمىز. بۇدان بولەك اۋىل تۇرعىندارىنا بەرىلەتىن 6 پايىزدىق نەسيە بار. 6 ملن تەڭگە كرەديتتى الۋ ءۇشىن باسىڭدا بىرنەشە باسپاناڭ, نە ۇلكەن جايىلىمدىق جەرىڭ بولۋى كەرەك. وسى رەتتە اۋىل تۇرعىندارىنا كرەديت بەرۋدىڭ شارتتارىن جەڭىلدەتىپ, باعالايتىن مۇلىك قۇنىن جوعارىلاتۋدى سۇرايمىز, &ndash؛ دەدى ول.

لاززات قوجاحمەتوۆا ءۇي كەزەگىنىڭ مالىمەتتەرى اشىق جاريالاناتىن رەسپۋبليكالىق سايتتىڭ بولۋى كەرەگىن ايتتى.

&ndash؛ تۇرعىن ءۇي ساياساتى سالاسىندا ءبىر مەزەتتە جەتى مەملەكەتتىك وپەراتور جۇمىس ىستەيدى ەكەن. وكىنىشكە قاراي, تۇرعىن ءۇي كەزەگىندە تۇرعان ادامداردىڭ ءتىزىمىن اشىق جاريالاپ كورسەتەتىن رەسپۋبليكالىق سايت جوق. "كىم كەزەكتەن ءۇي الدى؟ ءوز كەزەگىمەن الدى ما؟ جەمقورلىق فاكتىلەرى ورىن المادى ما؟" دەگەن سۇراقتاردىڭ جاۋابى سايتتا اشىق كورىنىپ تۇرۋى كەرەك. بىلتىر ءۇي العاندار ءالى كەزەكتە تۇر, كەزەك جاڭارماي جاتىر دەگەن سەكىلدى ماسەلەلەر بار.

30 مىڭعا جۋىق كوپبالالى وتباسى ءۇي كەزەگىندە تۇر ەكەن. ولارعا ارەندالىق باسپانا بەرەدى. ءبىراق ول مۇراعا قالمايتىندىقتان, حالىق يپوتەكا الادى. مەملەكەتتىك "7-20-25" جانە "5-10-20" دەگەن باعدارلامالار بار. ءبىراق بۇل باعدارلامالارمەن ءۇي الۋدىڭ ءوز قيىندىعى بار. ماسەلەن, تەك جاڭا ۇيلەرگە يپوتەكا بەرىلەدى. ال ول ۇيلەردىڭ باعاسى قىمبات: ءبىر ءۇيدىڭ باعاسى 15 ملن تەڭگە تۇرادى. 4-5 بالاسى بار وتباسىعا ءبىر بولمەلى پاتەردى 20 جىلعا يپوتەكاعا الۋ ءتيىمسىز. جاڭا ۇيلەردىڭ باعاسى قىمبات, ارزان ۇيلەر جىل سوڭىنا دەيىن تاپسىرىلىپ بىتپەيدى. بىزدەن ۇسىنىس: "5-10-20" باعدارلاماسى بويىنشا ارزان, جوندەۋ جۇمىسى جانە مۇلىگى بار ۇيلەردىڭ بەرىلۋىن سۇرايمىز, &ndash؛ دەدى قوجاحمەتوۆا.

>؛>؛وقي وتىرىڭىزدار: ؛

كرەديت كەشىرىلەتىنى راس پا؟ مامين جاۋاپ بەردى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر