ەلباسى قورىنان 650 مىڭنان استام وتباسى كومەك الدى

ەلباسىنىڭ تاپسىرماسىمەن «؛birgemiz»؛ قورىنان مۇقتاج وتباسىلارعا 50 مىڭ تەڭگە كولەمىندە اتاۋلى كومەك بەرۋدىڭ ء5-ىنشى كەزەڭى اياقتالدى. ونىڭ ناتيجەسى تۋرالى «؛nur otan»؛ پارتياسى ءتوراعاسىنىڭ ءبىرىنشى ورىنباسارى باۋىرجان بايبەك facebook جەلىسىندە ارنايى جازبا جاريالادى.

«؛قۇرمەتتى دوستار! ەلباسى, «؛nur otan»؛ پارتياسىنىڭ ليدەرى نۇرسۇلتان نازارباەۆتىڭ تاپسىرماسىمەن «؛birgemiz»؛ قوعامدىق قورى تولەم جاساۋدىڭ ء5-شى تولقىنىن اياقتادى. ەلىمىزدىڭ بارلىق ءوڭىرى بويىنشا تاعى ەڭ مۇقتاج 100 مىڭنان استام وتباسى 50 مىڭ تەڭگەدەن الدى.

سونىمەن, بارلىعى 650 مىڭنان استام وتباسى نەمەسە 2,2 ملن. قازاقستاندىق تىكەلەي قارجىلىق قولداۋمەن قامتىلدى.

سونداي-اق, قور قاراجاتى ەسەبىنەن 2 مىڭنان استام مەديسينا قىزمەتكەرىنە قولداۋ كورسەتىلدى, سۋ باسۋدان زارداپ شەككەن ماقتاارال تۇرعىندارىنا 20 جاڭا ءۇي سالىندى.

جالپى, #bizbirgemiz اكسياسىنىڭ اياسىندا 320 مىڭداي وتباسى ازىق-تۇلىك سەبەتتەرىمەن جانە ءبىرىنشى كەزەكتە قاجەتتى تاۋارلارمەن قامتاماسىز ەتىلدى. حالىق اراسىنداعى قورعانىسى ءالسىز 100 مىڭ وتباسىعا 5 ميلليون ماسكا تەگىن تاراتىلدى.

ەلباسى باستاماسىمەن قورعا 34 ملرد. تەڭگەدەي قاراجات جيناعان بارشا دەمەۋشىلەر مەن مەسەناتتارعا تاعى دا العىس ايتقىم كەلەدى. كوروناۆيرۋسپەن كۇرەس كەزەڭىندە مۇقتاجدارعا قولداۋ كورسەتۋ بويىنشا وسىناۋ يگى ىسكە اتسالىسا وتىرىپ, ەلىمىز بەن حالقىمىز قاجىرلىلىق پەن اۋىزبىرشىلىكتىڭ ۇلگىسىن كورسەتتى!»؛, - دەپ جازدى باۋىرجان بايبەك.