15 قىركۇيەك, 2020 ساياسات
كورنەكى سۋرەت
قوعام بەلسەندىسى, دەموكراتيالىق پارتيا قۇرۋ بويىنشا ىنتالى توپ جەتەكشىسى جانبولات ماماي مەن ونىڭ جاقتاستارى 4 تامىزدا ءبىر رەتتىك نەسيە امنيستياسىن جاريالاۋ باستاماسىن قولداعان 100 مىڭعا تارتا ادامنىڭ قولىن ؛پرەزيدەنت اكىمشىلىگىنىڭ كانسەليارياسىنا وتكىزگەن. بەلسەندىلەردىڭ باستاماسىنا بۇگىن, 15 قىركۇيەكتە قارجى نارىعىن رەتتەۋ جانە دامىتۋ اگەنتتىگىنەن جاۋاپ كەلدى.
جولدانعان حاتتا كرەديتتەۋ كولەمىنىڭ شامادان تىس ءوسىپ كەتپەۋى ءۇشىن اگەنتتىك تاراپىنان جاسالعان, جاسالىپ جاتقان شارالار ءتىزىمى ۇسىنىلىپ, سىرعىتپا جاۋاپ بەرىلگەن.
؛
حات ءماتىنىنىڭ سوڭىندا بانكتەردەن قارىز الۋشىلاردىڭ بەرەشەگىن قايتا قۇرىلىمداۋعا, بورىش جۇكتەمەسىن ازايتۋعا باعىتتالعان شارالاردى جۇرگىزۋ تالاپ ەتىلەدى دەلىنە كەلە, بورىشكەرلەردىڭ كرەديت بويىنشا مىندەتتەمەسىن ورىنداتقىزاتىن, ياعني كرەديتتى تولەتەتىن شارالار دا تالاپ ەتىلەدى دەپ كورسەتىلگەن.
؛
بەلسەندى ماماي facebook پاراقشاسىنا "ارىز تاپسىرعان 100 مىڭعا تارتا ادامنىڭ ماسەلەسى جەكە قارالادى دەلىنگەن (حاتتا - رەد). ءبىراق بۇكىل ەلدە تالاپ ورىندالۋ ءۇشىن مىڭداعان ادام قاتىسقان بەيبىت ميتينگ كەرەك ەكەنى ءسوزسىز" دەگەن جازبا قالدىردى.
ارتىنشا الەۋمەتتىك جەلىدە تىكەلەي ەفيرگە شىعىپ, "بيلىك 13 قىركۇيەكتەگى ميتينگكە از ادام جينالعاندىقتان وسىنداي سىرعىتپا جاۋاپ بەردى" دەگەندى ايتىپ, نەسيە امنيستياسىن جاريالاتۋ ءۇشىن تالاپتى كوپتەپ قويۋ قاجەتتىگىنە نازار اۋداردى. ءسوز سوڭىندا تالاپ ورىندالۋى ءۇشىن دەمپارتيامەن بىرگە جۇمىستى ارى قاراي جالعاستىرۋعا شاقىردى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر