05 تامىز, 2020 news
the guardian
زەرتتەۋشىلەردىڭ 140-تان استام توبى ءقاۋىپسىز جانە ءتيىمدى كوروناۆيرۋستىق ۆاكسينانى ازىرلەۋ ءۇشىن جارىسۋدا.
ددسۇ اقپاراتى بويىنشا, قازىرگە دەيىن 7 ينستيتۋت ۆاكسينانى سىناۋدىڭ سوڭعى كەزەڭىنە جەتتى.
سوڭعى كەزەڭگە جەتكەن ۆاكسينالاردى دايىنداعان ەلدەر قاتارىندا قىتاي (4 ينستيتۋت), اقش (1 ينستيتۋت), ۇلىبريتانيا (1 ينستيتۋت) جانە اۆستراليا (1 ينستيتۋت) بار.
ۆاكسينالار ادەتتە بىرنەشە جىلدار بويى سىناقتان وتكىزۋدى جانە اۋقىمدى مولشەردە شىعارۋعا قوسىمشا ۋاقىتتى قاجەت ەتەدى, ءبىراق عالىمدار كوروناۆيرۋستىق ۆاكسينانى 12-18 اي ىشىندە دايىن بولادى دەپ ۇمىتتەنەدى.
اقپاراتقا سايكەس, ادامدارعا سىناققا ءالى جەتپەگەن 139 ءتۇرلى ۆاكسينا, ءبىرىنشى كەزەڭدە 25 ۆاكسينا, ەكىنشى كەزەڭدە 17 ۆاكسينا, ءۇشىنشى كەزەڭدە 7 ۆاكسينا سىنالىپ جاتىر.
رەسەيدىڭ ۆاكسيناسى
دۇنيەجۇزىلىك دەنساۋلىق ساقتاۋ ۇيىمى (ددسۇ) رەسەيدىڭ كوروناۆيرۋستىق ۆاكسيناسىنانان ؛ساق بولۋعا شاقىردى. ؛ددسۇ مالىمەتىنشە, رەسەي ۆاكسيناسى باسقالاردان ەداۋىر ارتتا قالعان. ؛
رەسەي قازان ايىندا جاپپاي ۆاكسيناسيانى باستاۋدى جوسپارلاپ وتىر. رەسەي تەستتەن وتكىزىپ جاتقان covid-19 ۆاكسيناسى الەمدە ازىرلەنىپ جاتقان 140 ىقتيمال ۆاكسينانىڭ قاتارىنا جاتادى.
بىراق ددسۇ ودان ساق بولۋعا شاقىرىپ, وسى ۋاقىتقا دەيىن رەسەيدە ەكىنشى نەمەسە ءۇشىنشى كەزەڭ سىناقتارى تىركەلمەگەنىن ايتقان.
ددسۇ جاريالاعان قۇجاتتا ماسكەۋدەگى گامالەيا عىلىمي-زەرتتەۋ ينستيتۋتى ويلاپ تاپقان قوندىرعى باسقا پەرسپەكتيۆالى دارى-دارمەكتەردەن ەداۋىر ارتتا قالىپ, ءبىرىنشى كەزەڭ سىناقتارىندا تۇرعاندىعى كورسەتىلگەن.
the telegraph ۇلىبريتانيا رەسەي ۆاكسيناسىنان باس تارتۋى مۇمكىن ەكەنىن حابارلاعان.
بۇعان دەيىن قازاقتان ۇكىمەتىنىڭ باسشىسى اسقار مامين رەسەي ۆاكسيناسىن قازاقستان العاشقىلاردىڭ ءبىرى بولىپ العىسى كەلەتىنىن مالىمدەگەن.
ايتا كەتەيىك, ددسۇ كوروناۆيرۋس ۆاكيناسىن دايىنداۋدىڭ سوڭعى كەزەڭىندە تۇرعان ەلدەردى دە جاريالاعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر