27 قاراشا, 2024 news
پۋتين: قىزىلوردا, تاراز جانە تۇركىستاندا جاڭا ورىس مەكتەپتەرى سالىنادى
«كازپراۆدا» گازەتىنە رەسەي پرەزيدەنتى ۆلاديمير ءپۋتيننىڭ ماقالاسى جاريالاندى.
اشىق دەرەككوزدەن
رەسەي پرەزيدەنتى ۆلاديمير پۋتين "كازاحستانسكايا پراۆدا" گازەتىندە جاريالانعان ماقالاسىندا قازاقستاندا جاڭا ورىس مەكتەپتەرىن سالۋعا قولداۋ بىلدىرەتىنىن جازعان. ياعني, ول قازاقستاننىڭ وڭتۇستىگىندە, قازاقتار تىعىز قونىستانعان ءۇش قالا قىزىلوردا, تاراز جانە تۇركىستاندا جاڭا ورىس مەكتەپتەرىنىڭ اشىلاتىنىنا ءۇمىتى بار ەكەنىن بىلدىرگەن. سونداي-اق ول كورشىلەس ەلدەردىڭ گۋمانيتارلىق سالاداعى قارىم-قاتىناسىنا توقتالا وتىرىپ, قازاقستاندا 3 ورىس مەكتەبى اشىلاتىنىن جازعان.
- رەسەي قازاقستاندا جاڭا ورىس مەكتەپتەرىن اشۋدى, ورىس تىلىندەگى مەكتەپ ءبىلىمىنىڭ ساپاسىن ارتتىرۋدى قولدايدى. تاعى 3 مەكتەپ جاقىندا قىزىلوردا, تاراز جانە تۇركىستان قالالارىندا اشىلادى دەپ وتىرمىز. ءبىز قازاقستان باسشىلىعىنا, قاسىم-جومارت كەمەلۇلىنىڭ جەكە وزىنە ورىس ءتىلىن قورعاپ, ورىس ءتىلى جونىندە حالىقارالىق ۇيىم قۇرعانىنا العىس ايتامىز, - دەيدى ۆلاديمير پۋتين.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر