انشىلەر جارنامالاعان ۇتىس وينىنىڭ ۇيىمداستىرۋشىلارى 281 ادامدى الداپ كەتكەن

بەلگىلى قۇقىق قورعاۋشى ايگۇل ورىنبەك ءوزىنىڭ facebook-تاعى پاراقشاسىندا الدەكىمنىڭ ۇتىس وينىنا شاقىرعان بەينەجازباسىن جاريالاپ, ونىڭ "مۇسىلمانمىن" دەپ ادامداردى الداپ جۇرگەنىن مالىمدەدى. قامشى ءتىلشىسى ۇتىس وينىن ۇيىمداستىرۋشىلاردىڭ كىم ەكەنىن, ونىڭ زاڭعا, شاريعات تالاپتارىنا قانشالىقتى ساي ەكەنىن انىقتاۋ بارىسىندا ماسەلەنىڭ ءبىر ۇشى انشىلەر جارنامالاپ جۇرگەن ۇتىس ويىندارىنا كەلىپ تىرەلدى.

ۆيدەودا بەلگىسىز ازامات c5.konkurs_official ۇتىس وينى ينۆەستورلار ىزدەپ جاتقانىن, ينۆەستورلاردىڭ سالعان 500 مىڭ تەڭگە اقشاسى 10 كۇننەن كەيىن 750 مىڭ تەڭگە بولىپ قايتارىلاتىنىن ايتقان. سونداي-اق ول مۇنىڭ ءبارى زاڭدى ەكەنىن, تاراپتار كەلىسىم-شارتقا وتىراتىنىن دە جەتكىزگەن.

&ndash؛ بۇل اقشا &ndash؛ شاريعات تالاپتارى بويىنشا ادال ءارى تازا. سىزدەردىڭ اقشالارىڭىزعا ءبىز روبوتوتەحنيكا پانىنە قاجەتتى جابدىقتار الامىز. ءبىز تەك تاسىمالداۋشىمىز. الماتىدا بەلگىلى ءبىر كومپانيامەن كەلىسىمگە كەلىپ, اقش-تان سول روبوتتاردى اكەلەمىز. روبوتتاردى الۋعا اقشانى ءبىز سىزدەردەن الامىز. ياعني پايدانى ءبىز دە كورەمىز, سىزدەر دە كورەسىزدەر. سول سەبەپتى ينۆەستيسيا جاساۋعا شاقىرامىز. وتە وڭاي. ۇيدە وتىرىپ اقشا تاباسىزدار. ەڭ باستىسى &ndash؛ بۇل حارام اقشا ەمەس. ءبىز الاياقتىقپەن اينالىساتىن بولساق, بۇلاي ەكرانعا شىقپاس ەدىك. بۇل قايىرىمدىلىق قورىنىڭ ءبىر ۇلەسى, ؛&ndash؛ دەيدى ۇتىسقا شاقىرعان ازامات.

ايگۇل ورىنبەك حارام جولمەن اقشا تابۋ جولىن ۇسىنعان وسىنداي ادامدارعا سەنگەن ازاماتتار ينۆەستيسيا رەتىندە سالىنعان قارجىسىن قايتارا الماي جۇرگەنىن جازدى.

"حالال اقشا, اسىڭدى ادالىنان ءىش دەيدى, ءسويتىپ وتىرىپ اقشا سالعان ينۆەستورلارىنا ءوز اقشالارىن قايتارا الماي, "شاريعات بويىنشا" دەپ اڭگىمەنى جىبەرىپ وتىر. جاپ-جاس بولىپ حالىقتىڭ سەنىمىنە كىرىپ, حالىقتى الداعانشا جەر تىرمالاپ اقشا تاپپايسىڭ با؟ مۇسىلمان ادام, ادامزات بالاسىنا قيانات جاسامايدى! مىنە, بىزدە ءوسىپ كەلە جاتقان ۇرپاق نەمەن اينالىسىپ ءجۇر! كىمنىڭ اڭگىمەلەرىن تىڭداپ ءوستى ەكەن؟ مۇحامەدجان تازابەك اعا ءسىزدىڭ ەمەس پە؟ مىنا جىگىتتىڭ ۇستىنەن ءبىراز ادام شاعىم ايتۋدا. انشىلەر ارقىلى لوتەرەيا ويناتامىن دەپ, حالىقتان ينۆەستيسيا جيناپ العان!" دەلىنگەن ايگۇل ورىنبەكتىڭ جازباسىندا.

قامشى ءتىلشىسى ۆيدەودا كورسەتىلگەن نومەرگە حابارلاسقانىندا ابونەنت ءسوندىرۋلى بولدى. whatsapp ارقىلى جازىلعان حابارلامالار جەتپەدى.

 ؛

قامشى ءتىلشىسى اتالعان انشىلەرگە حابارلاسپاق بولعانىندا, كتك ارناسىنداعى استارلى اقيقات باعدارلاماسىنىڭ كەزەكتى سانىندا وسى ماسەلە قوزعالىپ, روزا ءالقوجا مەن اقبوتا كەرىمبەكوۆانىڭ پىكىرلەرى ۇسىنىلدى.

 ؛

اتالعان انشىلەر باعدارلاماعا شاقىرىلعانىمەن, ەكەۋى دە كەلۋدەن باس تارتقان. الايدا روزا ءالقوجا بەينەجازبا ارقىلى ماسەلە تۋرالى تۇسىنىك بىلدىرگەن.

ونىڭ سوزىنشە, c5.konkurs_official پاراقشاسىنداعى ۇتىس وينىنىڭ ۇيىمداستىرۋشىلارى انشىگە جارناماعا تۇسكەنى ءۇشىن 1 جارىم ملن تەڭگە تولەگەن. ول جارنامالاعان ۇتىس ءادىل ءارى ەرەجە شەڭبەرىندە وتكەن. ۋادە ەتىلگەن جۇلدەلەردىڭ ءبارى ۇتىس يەلەرىنە تابىستالعان. ءتىپتى ونى ءانشىنىڭ ءوزى جەكە قاداعالاعانىن ايتتى. ءبىراق 9900 تەڭگەلىك بيلەت مولشەردەن تىم كوپ ساتىلعان. ءانشىنىڭ سوزىنشە, 20 مىڭ 500 شاماسىندا بيلەت ساتىلعان. سوندا ۇتىستان جالپى جيىنتىعى 200 ملن تەڭگەدەن استام تابىس تۇسكەن بولىپ تۇر. ۇيىمداستىرۋشىلاردىڭ بيلەت سانىن مولشەردەن تىم كوپ ساتۋى مەن ينۆەستور تارتۋى ۇناماعان سوڭ ءانشى وزىنە دەيىن ينۆەستيسيا سالعانداردىڭ ءتيىستى قاراجاتىنىڭ قايتارىلۋىنا ىقپال ەتىپ, ۋاقىتتىڭ تىعىزدىعىن ايتىپ ۇيىمداستىرۋشىلارمەن بايلانىسىن ۇزگەن.

روزا ءالقوجا باستاعان ۇتىستىڭ ەكىنشى كەزەڭىن جالعاستىرعان اقبوتا كەرىمبەكوۆا ارنا جۋرناليسىنە باعدارلاماعا بارمايتىنىن, بۇل ماسەلە بويىنشا باسىن اۋىرتقىسى كەلمەيتىنىن ايتقان. ول تەلەفون ارقىلى "تۇيمەدەيدى تۇيەدەي قىلاسىزدار, مەنىڭ ينۆەستيسياعا قاتىسىم جوق. بولار ءىس بولدى" دەپ جاۋاپ بەرگەن.

 ؛

جاقسىلىق مىرزاحان "ينۆەستيسياعا قارجى سالىپ, الدانىپ قالدىق" دەگەن ازاماتتاردان ارىز تۇسكەنى تۋرالى دەرەكتى دە راستادى. بۇگىندە ولاردىڭ ارىزى قارالۋ ۇستىندە.

 ؛

ەرنار ايدار ؛talklike يۋتۋب-جوباسىنا بەرگەن سۇحباتىندا ءوزىن الداپ كەتكەندەردەردىڭ ءبىرى رەتىندە ينۆەستيسيا سالۋعا شاقىرعان ۆيدەوداعى ازاماتتى اتاعان. ؛

 ؛

مۇنى استارلى اقيقات باعدارلاماسىنىڭ جۋرناليستەرى دە انىقتاعان.

قامشى تىلشىسىمەن سويلەسكەن ءدىنتانۋشى قايرات جولدىباي سوڭعى ۋاقىتتا لوتەرەيانى كەيبىر ىستەرمەن بۇركەمەلەۋ بەلەڭ العانىن ايتتى.

&ndash؛ ءقازىر انشىلەرىمىز instagram-داعى پاراقشالارى ارقىلى ءتۇرلى كونكۋرستار ۇيىمداستىرىپ جاتىر. ولار لوتەرەيانىڭ حارام ەكەنىن, كوپ ادامنىڭ ۇتىلىپ, تاقىرعا وتىراتىنىن بىلگەندىكتەن ونى كونكۋرس دەپ اتاپ ءجۇر. ونىڭ ءتۇر-تۇرى شىعىپ كەتتى. ول جەردە ساتىلىپ وتىرعان نارسە نارىقتا اناۋ ايتقانداي سۇرانىسقا يە ەمەس. ماسەلەن, كىتاپ ساتىلسا, ارى كەتسە 6 ايدا 5 مىڭ دانا ساتىلۋى مۇمكىن. نەمەسە كەيبىرى ديسك تۇرىندەگى ءانجيناقتى ويناتىپ ءجۇر. بۇرىن ونداي ديسكتەردىڭ ماعىناسى, قۇنى بولدى, ال ءقازىر ينتەرنەتتى اشساڭ, ءبارى تولىپ تۇر. دەمەك ديسكتىڭ قۇنى جوق. ول وتپەيتىن قاجەتسىز دۇنيە. سول جاي عانا دۇنيەنى كونكۋرسقا تىگىپ, سونى جەلەۋ ەتىپ, كوزبوياۋشىلىق جاسايدى. ادامعا ساتىپ العان زاتتىڭ ماڭىزى بولۋى كەرەك. ال ونىڭ ماڭىزى جوق بولسا, تاۋار الاياقتىق ءۇشىن قولدانىلىپ جاتقان قۇرال عانا. مۇنداي ماڭىزسىز قۇرالدى ساتۋ جانە ونى نارىقتاعى قۇنىنان قىمباتقا ساتۋ &ndash؛ شاريعات بويىنشا حارام. ال انشىلەرىمىزدىڭ ۇيىمداستىرىپ جۇرگەنى &ndash؛ حالىقتى ادەمى الداۋ. بالكىم كەيبىر انشىلەر بىلمەي, قايىرىمدىلىق ءۇشىن, وقىرماندارىن ارتتىرۋ ءۇشىن وسىنداي ارەكەتكە بارىپ جاتقان بولار. ءبىراق قالاي بولعاندا دا شاريعاتتا مۇندايعا تىيىم سالىنعان. بۇنداي نارسەدەن اۋلاق بولعان ءجون. ال قايىرىمدىلىقتى "مەن دە ۇتىپ الىپ قالايىن" دەگەن نيەتپەن جاسامايدى. ءاۋ باستان نيەت قايىرىمدىلىق جاساۋ بولۋى كەرەك. قولىنان سىتىلىپ شىعىپ كەتكەن سوڭ باسقا بىرەۋ ۇتىپ السا, قايىرىمدىلىق بولا سالسىن دەۋ &ndash؛ قايىرىمدىلىق ەمەس. ءارى ونى شىنايى مۇقتاج ادام الاتىنىنا ەشقانداي كەپىلدىك جوق. سوندىقتان قاي جاعىنان العاندا دا كونكۋرستار قايىرىمدىلىققا جاتپايدى, ؛&ndash؛ دەيدى ءدىنتانۋشى.