ماسانچيدە ورتەنگەن عيماراتتى تازارتۋ كەزىندە ءمايىت تابىلدى

تۇرعىندار اراسىندا جانجال بولعان جامبىل وبلىسى قورداي اۋدانى ماسانچي اۋىلىنداعى ورتەنگەن ساۋدا عيماراتىن تازارتۋ كەزىندە كۇيگەن ادامنىڭ دەنەسى تابىلدى. بۇل تۋرالى جامبىل وبلىسى اكىمنىڭ كەڭەسشىسى قانات قۇلشىمانوۆ ؛ ؛facebook ؛پاراقشاسىندا جازدى.

ونىڭ جازۋىنشا, كۇيگەن ادام دەنەسى 11 اقپاندا تابىلعان. ءقازىر ءمايىتتىڭ جەكە باسىن انىقتاۋ ءۇشىن سوت-مەديسينالىق ساراپتاما تاعايىندالدى. جەدەل ىزدەستىرۋ شاراسى جۇرگىزىلىپ جاتىر.

اقپاننىڭ جەتىسىنەن سەگىزىنە قاراعان ءتۇنى جامبىل وبلىسى قورداي اۋدانىنداعى بىرنەشە اۋىلدا ەتنيكالىق قازاقتار مەن دۇنگەندەر اراسىندا جانجال بولىپ, رەسمي دەرەك بويىنشا, 10 ادام قايتىس بولعان. 40-تان استام ادام جارالانعان. جانجال كەزىندە 19 پوليسەيدىڭ زارداپ شەككەن. ماسانچي, سورتوبە, اۋقاتتى, بۇلار باتىر اۋىلدارىندا, رەسمي مالىمەت بويىنشا, 15 عيمارات پەن 30-دان استام ءۇي ءبۇلىنىپ, 23 كولىك ورتەندى. ؛

جانجالدىڭ ناقتى نەدەن باستالعىن ءالى بەلگىسىز. ال جەرگىلىكتى تۇرعىندار 5 اقپاندا ەتنيكالىق دۇنگەدەر مەن ەتنيكالىق قازاقتار ؛جولعا تالاسىپ, دۇنگەندەر 78 جاستاعى قازاق قاريا مەن ونىڭ ەكى ۇلىن سوققىعا جىققاننان كەيىن جانە ەتنيكالىق دۇنگەندەر 7 اقپاندا پوليسيا قىزمەتكەرلەرىنە كۇش كورسەتكەن سوڭ قازاقتار مەن دۇنگەندەر اراسىندا جاپپاي توبەلەس باستالعانىن ايتادى. ؛

قازاقستان بيلىگى بۇل وقيعانى "تۇرمىستىق جانجال" دەپ سيپاتتاپ, ؛جانجالعا بايلانىستى 25 قىلمىستىق ءىس قوزعالعانىن مالىمدەدى. ءبىراق قانشا ادام ۇستالعانىن اشىپ ايتپاي وتىر. ؛