ورتالىقسىزداندىرۋ. ۇكىمەتتەن مينيسترلىكتەرگە وكىلەتتىكتەر بەرىلەدى

قر پارلامەنتى ءماجىلىسىنىڭ دەپۋتاتتارىنا "قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك باسقارۋ دەڭگەيلەرى اراسىندا وكىلەتتىكتەردى قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قر زاڭىنىڭ جوباسى تانىستىرىلىپ جاتىر, دەپ حابارلايدى قازاقپارات.

&ndash؛ زاڭ جوباسى مەملەكەتتىك باسقارۋ جۇيەسىن ودان ارى جەتىلدىرۋ ماقساتىندا ازىرلەندى جانە مينيسترلىكتەردىڭ, جەرگىلىكتى اتقارۋشى ورگانداردىڭ دەربەستىگى مەن جاۋاپكەرشىلىگىن ارتتىرۋعا باعىتتالعان. زاڭ جوباسى جەكەلەگەن فۋنكسيالاردى ۇكىمەتتەن ورتالىق مەملەكەتتىك ورگاندارعا, سونداي-اق ورتالىق مەملەكەتتىك ورگانداردان جەرگىلىكتى اتقارۋشى ورگاندارعا بەرۋدى كوزدەيدى. زاڭ جوباسىمەن 55 زاڭنامالىق اكتىگە, ونىڭ ىشىندە 5 كودەكسكە, 50 زاڭعا وزگەرىستەر مەن تولىقتىرۋلار ەنگىزۋ قاراستىرىلىپ وتىر, ؛&ndash؛ دەدى زاڭ جوباسىن تانىستىرۋعا ارنالعان وتىرىستا ءماجىلىس دەپۋتاتى نۇرتاي سابيليانوۆ.

ال زاڭ جوباسىن تانىستىرعان قر ۇلتتىق ەكونوميكا ۆيسە-مينيسترى ايگۇل شايموۆانىڭ ايتۋىنشا, ۇكىمەتتەن مينيسترلىكتەرگە 88 وكىلەتتىك بەرىلىپ, مينيسترلىكتەر اراسىندا 2 فۋنكسيا قايتا بولىنەدى. ورتالىقسىزداندىرۋ جالعاسادى. ورتالىقتان وڭىرلەرگە 3 فۋنكسيا بەرىلەدى.

&ndash؛ وبلىستىق دەڭگەيدەن اۋدانعا جولاۋشىلار كولىگىن دامىتۋدىڭ كەشەندى سىزباسىن جانە جول قوزعالىسىن ۇيىمداستىرۋ جوبالارىن ازىرلەۋ جونىندەگى وكىلەتتىك بەرىلەدى. "وكىلەتتىكتەردى قايتا ءبولۋ نە بەرەدى؟" دەگەنگە توقتالساق, ەڭ الدىمەن ۇكىمەت سالالارداعى ساياساتتى قالىپتاستىرۋعا باسا نازار اۋداراتىن بولادى. مەملەكەتتىك ورگانداردىڭ قابىلدانعان شەشىمدەر ءۇشىن دەربەستىگى مەن جاۋاپكەرشىلىك دەڭگەيى ارتادى. سونداي-اق ولاردى قابىلداۋدىڭ جەدەلدىگى ارتتىرىلادى, ؛&ndash؛ دەدى ۆيسە-مينيستر.