• usd 425.02

  • eur 450.1

  • rub 7.17

  • cny 63.75

22 مامىر, 16:13:53
الماتى
+12°

29 قاڭتار, 2020 اتىراۋ وبلىسى

باۋىرجان بايبەك اتىراۋ وبلىسىنداعى شالعاي ەلدىمەكەندەرگە باردى

«nur otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك جۇمىس ساپارىمەن اتىراۋ وبلىسىنا كەلدى. ايماققا جاسالعان بۇل ساپاردىڭ نەگىزگى ماقساتى – ءوڭىردىڭ جاي-كۇيىمەن تانىسۋ, قاراپايىم تۇرعىندارمەن كەزدەسۋ ارقىلى جەرگىلىكتى تۇرعىنداردى تولعاندىرىپ جۇرگەن ناقتى ماسەلەلەردى انىقتاپ, سولاردى شەشۋگە اتسالىسۋ جانە جۇرتشىلىقتى پارتيانىڭ الداعى جوسپارلارىمەن كەڭىنەن تانىستىرۋ بولدى.

باۋىرجان بايبەك اتىراۋ وبلىسىندا

پارتيا ءتوراعاسىنىڭ ءبىرىنشى ورىنباسارى وڭىرگە ساپارىن اتىراۋ وبلىسىنىڭ اكىمى ماحامبەت دوسمۇحامبەتوۆپەن بىرگە ماقات اۋدانىنا قاراستى دوسسور كەنتىنەن باستاپ, وسىنداعى «؛بىرلىك»؛ ىقشام اۋدانىنىڭ تۇرعىندارىمەن كەزدەستى. قاراپايىم ادامدارمەن ەمەن-جارقىن سۇحباتتاسىپ, بيىلعى ءبىرىنشى جارتىجىلدىقتا پارتيا وكىلدەرىنىڭ ەلىمىزدىڭ بارلىق وڭىرلەرىنە بارىپ, ەلباسى, پارتيا ءتوراعاسى ءن.ا. نازارباەۆتىڭ باعدارلامالىق مەملەكەتتىك جانە پارتيالىق قۇجاتتاردا بەرىلگەن تاپسىرمالارىنىڭ ورىندالۋىن قاداعالايتىنىنا, جەرگىلىكتى جەرلەردەگى وزەكتى پروبلەمالاردى زەردەلەۋ ارقىلى حالىقتىڭ ناقتى سۇرانىستارىن ەسكەرە وتىرىپ, اۋماقتىق باعدارلامالار ازىرلەنەتىنىنە توقتالدى.

وتكەن جىلدىڭ سوڭىندا جەرگىلىكتى باق-تا وسى ەلدىمەكەندە وزەكتى بولىپ وتىرعان تەمىر جول ارقىلى وتەتىن جاياۋ جۇرگىنشىلەر كوپىرىن سالۋ جايىندا ماسەلە كوتەرىلگەن ەدى. وسى ءجايتتى تىلگە تيەك ەتكەن باۋىرجان بايبەك كەزدەسۋگە جينالعان قاۋىمعا پارتيانىڭ بۇل ماسەلەدەن حاباردار ەكەنىن جانە ونى ۋاقتىلى شەشۋ شارالارىن قاراستىرىپ جاتقانىن جەتكىزدى.

- ەستۋىم بويىنشا, كەنت حالقىنىڭ كوپشىلىگى ءبىر جاقتا تۇرادى, ال تەمىر جولدىڭ ارعى جاعىندا ەكى مەكتەپ, ءبىر بالاباقشا ورنالاسقان. سوندىقتان قاۋىپسىزدىك ءۇشىن تەمىر جول ارقىلى جاياۋ جۇرگىنشىلەر كوپىرى كەرەك دەگەن ۇسىنىس ورىندى. ءبىز وسىندا وبلىس اكىمىمەن, مەملەكەتتىك ورگانداردىڭ وبلىستىق باسشىلارىمەن بىرگە وسى پروبلەمانى شەشۋ جولىن تالقىلاۋ ءۇشىن كەلىپ وتىرمىز.

جەرگىلىكتى جەردەن سايلانعان دەپۋتاتتارىمىز بار, باسقا دا مۇمكىندىكتەر بار. ولار حالىقپەن بىرلەسە وتىرىپ, جەرگىلىكتى جەردە جۇمىس ىستەۋ كەرەك. سونى ەلباسىمىز دا, پرەزيدەنت تە ايتىپ وتىر. سول ءۇشىن قاداعالاپ, بۇگىن ءتيىستى كەزدەسۋلەردى وتكىزىپ, وسى ماسەلەلەردى قارايمىز, شەشەمىز, - دەدى باۋىرجان بايبەك.

قازىرگى ۋاقىتتا وبلىستىق جانە جەرگىلىكتى بيلىك وكىلدەرى الدىن الا ەسەپتەر جۇرگىزىپ, كوپىر قۇرىلىسى ءۇشىن جوبالاۋ سمەتالىق قۇجاتتاردى ازىرلەۋگە قاراجات ءبولۋ جوسپارلانعان. ونىڭ قۇرىلىسىن 2021 جىلدىڭ ەكىنشى جارتىجىلدىعىندا اياقتاۋ كوزدەلۋدە. باۋىرجان بايبەك جەرگىلىكتى مەملەكەتتىك ورگانداردىڭ وسى نىساننىڭ قۇرىلىسىن جىلدامداتۋىن جانە تۇرعىندار كوتەرگەن باسقا دا ماسەلەلەردى پارتيانىڭ وبلىستىق فيليالىنا باقىلاۋعا الۋدى تاپسىردى.

كەزدەسۋ بارىسىندا تۇرعىندار بۇدان بولەك كوشە جارىعى, جول ساپاسى سەكىلدى ءبىرقاتار ماسەلەلەردى كوتەردى. ءوز كەزەگىندە ب. بايبەك بۇلاردىڭ بارلىعى دا نازارعا الىنىپ, تيىسىنشە شەشىمىن تاباتىنىن ايتتى.

 ؛
 ؛
 ؛
پوسموترەت ەتۋ پۋبليكاسيۋ ۆ instagram
 ؛
 ؛

اتىراۋ وبلىسىنىڭ ماقات اۋدانىنا قاراستى دوسسور پوسەلكەسىنىڭ تۇرعىندارىمەن كەزدەستىم. ⠀ ءبىراز ۋاقىت بۇرىن جەرگىلىكتى باق-تا تەمىرجولدى كەسىپ وتەتىن جاياۋ جۇرگىنشىلەرگە ارنالعان كوپىر سالۋ قاجەتتىگى تۋرالى ماسەلە بىرنەشە رەت كوتەرىلگەن بولاتىن. وسىنداعى «؛بىرلىك»؛ ىقشام اۋدانى تۇرعىندارىنىڭ باسىم بولىگى تەمىرجولدىڭ ءبىر جاعىندا, ال ونىڭ ەكىنشى جاعىندا الەۋمەتتىك نىساندار, ونىڭ ىشىندە 2 مەكتەپ پەن بالاباقشا ورنالاسقان. سول جەردە وسى ماسەلەنى قاراستىردىق. ⠀ تۇرعىندار جول جوندەۋگە جانە ينجەنەرلىك ينفراقۇرىلىمدارعا قاتىستى باسقا دا وزەكتى ماسەلەلەردى كوتەردى. ايتىلعان ماسەلەلەردى شەشۋ پارتيالىق باقىلاۋعا الىندى. ال جاياۋ جۇرگىنشىلەر كوپىرىنە كەلەتىن بولساق, ايماق باسشىلىعى بەرگەن مالىمەت بويىنشا, كەلەسى جىلدىڭ ورتاسىنا دەيىن سالىنادى. مۇنىڭ ناقتى ناتيجەسى جۇرتشىلىققا حابارلانادى.

پۋبليكاسيا وت باۋىرجان بايبەك (@baibekbk)



بۇدان كەيىن پارتيا ءتوراعاسىنىڭ ءبىرىنشى ورىنباسارى ساياسي ۇيىمنىڭ «؛دوسسورمۇنايگاز»؛ باستاۋىش ۇيىمى مۇشەلەرىمەن كەزدەسىپ, ءوز ازاماتتارىمىزدىڭ مۇددەسىن قورعاۋ, ولاردىڭ الەۋمەتتىك جاعدايىنا كوڭىل ءبولۋ, شەتەلدىك جۇمىس كۇشىن تارتۋدى شەكتەۋ ماسەلەلەرىنە كەڭىنەن توقتالدى. بۇل رەتتە ەل پرەزيدەنتىنىڭ ۇلتتىق قوعامدىق سەنىم كەڭەسىنىڭ ەكىنشى وتىرىسىندا وسى ماسەلە بويىنشا بەرگەن تاپسىرماسىنىڭ ساپالى ورىندالۋىنا باسا ءمان بەردى. سونىمەن بىرگە ب. بايبەك پارتيانىڭ وڭىرلەردەگى باستاۋىش ۇيىمدارىنىڭ جۇمىسىن كۇشەيتۋ, ولاردىڭ اتقارۋى ءتيىس مىندەتتەرىن تاراتا ايتىپ بەردى.

- پارتيانىڭ باستاۋىش ۇيىمدارى ناقتى ماسەلەلەرگە قاتىسۋى كەرەك دەپ ويلايمىن. قالاداعى تۇرعىن ءۇي كوممۋنالدىق شارۋاشىلىعى ماسەلەسى سياقتى ناقتى ءبىر ماسەلە شەشىلسە قۇبا-قۇپ. پارتيا مۇشەلەرى اكىمدەردەن وسىلاردى تالاپ ەتە الادى. جاقىندا عانا وسى اۋداننىڭ اكىمى ەسەپ بەرىپتى, كەيبىر ادامدار ەستىمەي, بىلمەي قالعان. ءبارى اشىق تۇردە بولۋى كەرەك. ءبىز ءقازىر بەس جىلدىق باعدارلامانى تالقىلايمىز. سودان كەيىن ىشكى پارتيالىق ىرىكتەۋدى جاساعالى وتىرمىز.
ەلباسى, nur otan پارتياسىنىڭ ءتوراعاسى وڭىردەگى پارتيالاستاردى جيناعان كەزدە ء«؛اربىر ءماسليحاتتا 30 پايىز ايەل ادام بولۋى كەرەك. ءار ءماسليحاتتا كەمىندە 20 پايىز جاستار بولۋى كەرەك»؛ دەپ ايتتى. ول دەگەن ءبىزدىڭ انالارىمىز, قارىنداستارىمىز كوتەرىلۋ كەرەك دەگەن ءسوز. بىزدە سايلاۋشىلاردىڭ 52 پايىزى ايەل ادامدار ەكەن. ەڭ قيىن جۇمىستاردى دا ايەل ادامدار اتقارادى. بالاباقشا, باستاۋىش مەكتەپتىڭ بارىندە ايەلدەر جۇمىس ىستەيدى. ايەل ادامداردىڭ قوعامدىق ومىردە بەلسەندىلىگى بار بولسا, ولارعا مىندەتتى تۇردە جاعداي جاساۋ كەرەك.
nur otan پارتياسىنان باسقا بيلەۋشى كۇشتىڭ جوق ەكەنىن كوبىمىز بىلەمىز. nur otan -مەملەكەتتىك ەمەس ۇيىم. پارتيا ءۇشىن مينيستر, اكىم بارلىعى بىردەي.
بىزدىڭ نەگىزگى ماقساتىمىز - قازاقستاننىڭ وسىپ-وركەندەۋى. ساياسي يدەالىمىز - ەلباسى. ءبىزدىڭ ەڭ ۇلكەن جەتىستىگىمىز &ndash؛ ەل تاۋەلسىزدىگى, - دەدى پارتيا ءتوراعاسىنىڭ ءبىرىنشى ورىنباسارى.
سونىمەن قاتار ب. بايبەك وسى باستاۋىش ۇيىم جانىنداعى قوعامدىق قابىلداۋدا بىرنەشە ازاماتتى قابىلداپ, كەنت تۇرعىندارىنىڭ وتىنىشتەرىن, كوتەرگەن ماسەلەلەرى مەن ۇسىنىستارىن تىڭدادى. قابىلداۋعا كەلگەندەر تۇرعىن ءۇي شارۋاشىلىعىنىڭ, جاي-كۇيى, تۇرمىسى تومەن وتباسىلارعا قولداۋ كورسەتۋ, الەۋمەتتىك ينفراقۇرىلىمدى جەتىلدىرۋ سەكىلدى ماسەلەلەردى قوزعادى.

قوعامدىق قابىلداۋدا بولعان وسى اۋداننىڭ تۇرعىنى, زەينەتكەر ءسابيت حالەنوۆ اۋرۋحانانىڭ جىلۋ جۇيەسىنە جوندەۋ جۇرگىزۋدى جانە اۋدان تۇرعىندارىن قوسىمشا جەدەل مەديسينالىق كومەك كولىگىن ءبولۋ ماسەلەسىن كوتەردى.

پارتيانىڭ جەرگىلىكتى فيليالىنىڭ ءتوراعاسى مەن اۋدان اكىمى زەينەتكەردىڭ ءوتىنىشى ورىندالاتىنىنا, بيىل اۋرۋحانانىڭ جىلۋ جۇيەسىنە جوندەۋ جۇرگىزىلەتىنىن ايتتى. ال اۋدان تۇرعىندارىن قوسىمشا جەدەل مەديسينالىق كومەك بريگاسىمەن قامتاماسىز ەتۋ ماسەلەسى بويىنشا وبلىستىق دەنساۋلىق ساقتاۋ باسقارماسىمەن بىرگە ونى ورىنداۋدىڭ ناقتى مەرزىمى بەلگىلەندى. بۇل ماسەلەنى «؛nur otan»؛ پارتياسىنىڭ ءماسليحاتتاعى فراكسياسىنىڭ دەپۋتاتتارى تۇراقتى باقىلاۋعا الاتىن بولدى.

«؛nur otan»؛-نىڭ باسشىلىق قۇرامىنىڭ مۇنايلى وڭىرگە جاساعان بۇل ساپارى ارى قاراي جىلىوي اۋدانىنا ۇلاستى. پارتيا ءتوراعاسىنىڭ ءبىرىنشى ورىنباسارىمەن كەزدەسۋگە اۋدان باسشىلىعى, اۋداندىق ءماسليحات دەپۋتاتتارى قاتىستى. مۇندا اۋماقتاردى دامىتۋ باعدارلامالارى مەن پارتيانىڭ سايلاۋالدى باعدارلامالارىن ازىرلەۋ جايى ءسوز بولدى. كەزدەسۋدە ءسوز العان باۋىرجان بايبەك دەپۋتاتتىق فراكسيانىڭ جۇمىسىن كۇشەيتۋ, سايلاۋالدى باعدارلامانى ازىرلەۋدە جاڭا تاسىلدەرگە جۇگىنۋ جايىن قوزعادى. اسىرەسە, بۇل ماڭىزدى قۇجاتتى دايىنداۋعا جانە ونى جان-جاقتى تالقىلاۋعا پارتيالاستاردىق بارىنشا بەلسەندىلىك تانىتقاندارى ءجون ەكەنىن جەتكىزدى.

ىسساپاردىڭ ءبىرىنشى كۇنىنىڭ سوڭىن باۋىرجان بايبەك پارتيانىڭ جىلىوي اۋداندىق فيليالىنىڭ پارتيالىق كادرلىق رەزەرۆىنە قاتىسۋشىلارمەن كەزدەسۋ ارقىلى تۇيىندەدى.

باس قوسۋدا پارتيا ءتوراعاسىنىڭ ءبىرىنشى ورىنباسارى پارتيالىق جاۋاپكەرشىلىكتى كۇشەيتۋ قاجەتتىگىنە توقتالىپ, ەلباسى ۇسىنعان پارتيانى جانداندىرۋ باعدارلاماسىنىڭ ەكىنشى كەزەڭىنە اياق باسقانىمىزدى اتاپ ءوتتى. بۇل رەتتە ساياسي ۇيىمدى ودان ءارى ساپالىق تۇرعىدان نىعايتا ءتۇسۋ ءۇشىن «؛جىگەرلى ليدەرلەر &ndash؛ قۋاتتى پارتيا»؛ تۇجىرىمداماسىن بەرىك ۇستانۋدى ۇسىندى.

وسى ماقساتتا ءۇش ماسەلەگە نازار اۋدارۋدى ۇسىندى. بىرىنشىدەن, ەل ىشىندەگى ءبىلىمى مەن بىلىگى مول, ءسوزى ءوتىمدى, ىسكەر دە بەدەلدى جانداردى پارتيا ماڭىنا تارتىپ, ولارعا ءوز ويلارى مەن يدەيالارىن, قارىم-قابىلەتىن ىسكە اسىرۋعا مۇمكىندىك بەرۋ ماڭىزدى. ەكىنشىدەن, ءاربىر ءوڭىردىڭ ەرەكشەلىگى مەن ناقتى ماسەلەلەرىن ەسەپكە الا وتىرىپ, ارنايى باعدارلامالار جاساۋ, سودان كەيىن وسىنى حالىققا جاتىق تا جەڭىل تىلمەن ءتۇسىندىرۋ جۇمىستارىن جۇرگىزۋ قاجەتتىگىنە توقتالدى. وسىنداي وزىق ساياسي تەحنولوگيالاردىڭ ءبىرى رەتىندە پرايمەريزدى اتادى.

- ءبىز ءاربىر وڭىردە پرايمەريز وتكىزەمىز. ناۋرىزدا ساياسي كەڭەستىڭ وتىرىسى بولادى. سول كەزدە پرايمەريز وتكىزۋ ءتارتىبىن بەكىتەمىز. ءقازىر پيلوتتىق جوبا ءوتتى. ءساۋىر-مامىر ايلارىندا ناقتى پرايمەريز وتكىزىلەدى. قازاقستان بويىنشا 920 مىڭ ادامدى ۇيىمداستىرىپ, حالىققا ءبىز مۇمكىندىگىنشە ءوزىمىزدىڭ ساياساتىمىزدى ءتۇسىندىرۋىمىز كەرەك. حالىقتى بىرىكتىرۋىمىز قاجەت. پارتيا دەگەن قۇرال. ءبىزدىڭ ماقساتىمىز - بيلىككە كەز كەلگەن سالادا دارىندى, ادال, ءبىلىمدى ازاماتتاردى كەلتىرۋ. بۇعان ىشكى پارتيالىق ىرىكتەۋ مۇمكىندىك بەرمەك. پرايمەريز وتكىزۋ ءتارتىبى بەكىتىلگەن سوڭ ونى وزدەرىڭىزگە جىبەرەمىز, - دەدى ب. بايبەك.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر