08 قاڭتار, 2020 news

جاس الاش گازەتىنىڭ باس رەداكتورى اۋىستى

فوتو: total.kz

كەلەر جىلى شىعا باستاعانىنا 100 جىل تولاتىن باسىلىمنىڭ باسشىلىعىنا جۋرناليست ينگا يمانباي كەلدى. بۇل تۋرالى facebook الەۋمەتتىك جەلىسىندە گازەتتىڭ بۇگىننەن باستاپ بۇرىنعى باس رەداكتورى رۋسلان ەربوتا حابارلادى. ؛

"كەيدە مەن اقىلعا سيمايتىن تاۋەكەلگە بارعىشپىن. ءۇش جىل بۇرىن قالاماقىسى وتە كەرەمەت, جۇرەگىمە جاقىن, ەۋروپانىڭ تورىنە بارىپ تۇرۋعا مول مۇمكىندىك بەرەتىن قولىمدا تۇرعان جۇمىسىمدى تاستاپ, الماتىنىڭ قۋىقتاي پاتەرىنە كۆارتيرانت بوپ كوشىپ كەلدىم.

گازەتتىڭ باس رەداكتورى بولۋ ماقساتىم ەمەس ەدى. ونىڭ ۇستىنە باس رەداكتور قىزمەتى نە قارجىلىق, نە ماتەريالدىق پايدا رەتىندە كورىنگەن ەمەس.

مەنىڭ السىزدىگىم اكسيونەردىڭ «؛رۋسلان, گازەتتى ساتۋ ويىما دا كىرگەن ەمەس, ساتسام باياعىدا ساتار ەدىم. ساتپايمىن دا. ەكىنشىدەن, التىنبەك اعاڭنىڭ ارمانداعان مەملەكەتى ەندى ورناماس. ءبىراق, «؛جاس الاش»؛ ونىڭ كوزىندەي, ليستوۆكاعا اينالدىرماي, ءبىر ادامعا قادالىپ قالماي, ويتكەنى, ەرتەڭ ول كەتكەندە گازەت بىرگە كەتەدى, جالپىعا ورتاق, ەشكىمگە بۇرە تارتپايتىن ناعىز گازەت جاساساق, كەيىن اعاڭا, انا جاققا بارعانىمدا ءجۇزىم اشىق بولار ەدى»؛ دەگەن سوزىنەن اتتاپ وتە المادىم.

سونىمەن وسى جىلدارى ءبىراز قيىندىقتى ەڭسەردىك, ءبىراز جەتىستىككە جەتتىك. مۇحتار ءماعاۋيننىڭ «؛جاس الاشقا»؛ تۇراقتى اۆتور بوپ كەلۋىنىڭ ءوزى گازەت ءىسىن تۇسىنەتىن جانعا قانشالىقتى مارتەبە ەكەنى ايتپاسا دا ايان.

گازەت تيراجىن قۇلاتپاي ۇستاپ تۇردىق, سايتتىڭ كۇندىك وقىلىمىن ون مىڭنان اسىردىق.

گازەتتىڭ الەۋمەتتىك پاراقشالارىنداعى وقىرمان قاتارىن روبوت جالداماي, ۆيرتۋالدى اينالىمعا سالماي, تىرىدەي كوبەيتتىك. وسىنىڭ ءبارىن ساناۋلى عانا رەداكسيا قىزمەتكەرلەرى گازەت بيۋدجەتىنە سالماق تۇسىرمەي اتقارىپ شىقتى. ۇجىمداعى ارىپتەستەرىمنىڭ وسىنداي ەرەن ەڭبەكتەرىنە العىسىم شەكسىز.

قيىن قىستاۋ كەزىندە ىسىمىزگە دەم بەرىپ, قولداپ قوشتاعان وقىرماندارىمىزعا مىڭ دا ءبىر راقمەت ايتقىم كەلەدى. ء«؛داۋىر»؛ باسپاحاناسىندا باسىلىپ جاتقان گازەتتى اقورداداعىلار تالاي مارتە توقتاتىپ تاستاعاندا, تاڭعا دەيىن داۋلاسىپ ايقاسقان شاعىمىزدا ءبىز ارتىمىزدا تۇرعان قىمباتتى ءارى ءقادىرلى وقىرمانىمىزعا عانا سەندىك. سول سەنىم ءبىزدى تالاي سىناقتان سۇرىندىرمەدى.

ومىرلىك مۇراتىم دەگەن جولدا اعايىن-تۋىس, دوس-جارانمەن دە قارىم-قاتىناسىمدى ءۇزىپ الدىم, قايتەمىن, بۇل دا ءبىر ءومىر سىناعى شىعار.

گازەتتىڭ ەندىگى باعىتى, تاعدىرى قالاي بولارىن, جاڭا رەداكتورى «؛جاس الاشتىڭ»؛ ءداستۇرىن ساقتار-ساقتاماسىن, ليستوۆكاعا اينالار-اينالماسىن نەمەسە ءبىر پارتيانىڭ قول شوقپارى بولار-بولماسىن جانە دە باسقالارىن ەندى اكسيونەر بىلەدى.

گازەتتىڭ ەندىگى باس رەداكتورى ينگا يمانباي" دەلىنگەن جازبادا.

 ؛

 ؛

ىلمەك سوزدەر: جاس الاش

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر