06 قاڭتار, 2020 وقيعالار
tengrinews.kz
الماتىدا تروللەيبۋس جاياۋ جۇرگىنشىنى قاعىپ, سالدارىنا جاياۋ جۇرگىنشى وقيعا ورنىندا قازا بولدى. بۇل تۋرالى "الماتىەلەكتروترانس" اق-نىڭ ءباسپاسوز قىزمەتى مالىمدەدى. ؛
ولاردىڭ مالىمەتىنشە, ء№12-شى باعىتتاعى تروللەيبۋس جۇرگىزۋشىسى ق.ساتباەۆ كوشەسىنىڭ بويىمەن جولاۋشىسىز اۆتوپارككە قاراي بەت العان. جۇرگىزۋشى روزىباكيەۆ كوشەسىنە جەتپەيتىن تۇستا تۇرعان lexus gs 300 جانە honda accord ماركالى ەكى كولىكتى سوققان.
"5 قاڭتاردا, شامامەن ساعات 23:20-دە تروللەيبۋس جۇرگىزۋشىسى ساتباەۆ كوشەسىمەن شىعىسقا قاراي اۆتوپارككە كەلە جاتقان. روزىباكيەۆ كوشەسىنە جەتكەندە ونىڭ قان قىسىمى كوتەرىلىپ, ول ەسىنەن تانىپ, كوشەدە تۇرعان lexus gs300 جانە honda accord كولىكتەرىنە سوعىلىپ, تروتۋارعا شىعىپ كەتكەن جانە جاياۋ ادامدى قاعىپ كەتكەن. وقيعا ورنىنا پوليسيا قىزمەتكەرلەرى, تاسىمالداۋشى كومپانيا وكىلدەرى, جەدەل جاردەم كەلدى. كەلگەن دارىگەرلەر جاياۋ جۇرگىنشىگە مەديسينالىق كومەك كورسەتتى, ءبىراق ەر ادام اۋىر جاراقاتتان سول جەردە كوز جۇمدى. مارقۇمنىڭ وتباسىنا وتەماقى تولەنەدى" - دەپ حابارلادى "الماتىەلەكتروترانس" اق.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر