قارين توقاەۆتىڭ الماتى اتاۋىن وزگەرتۋگە قالاي قارايتىنىن جەتكىزدى

پرەزيدەنت كەڭەسشىسى ەرلان قارين پرەزيدەنت قاسىم-جومارت توقاەۆتىڭ الماتى اتاۋىن وزگەرتۋگە قالاي قارايتىن ايتتى. بۇل تۋرالى قارين ؛telegram كانالىندا جازدى. ؛

قاريننىڭ جازۋىنشا, توقاەۆ مۇنداي ماسەلەلەر كابينەتتە عانا ەمەس, قالا تۇرعىندارىنىڭ باسىم كوپشىلىگىنىڭ ۇستانىمى نەگىزىندە, ازاماتتاردىڭ ويىن ءبىلىپ بارىپ شەشىلۋى كەرەك دەپ ەسەپتەيدى ەكەن.

- ولجاس سۇلەيمەنوۆ وڭتۇستىك استانانىڭ اتىن وزگەرتۋ كەرەكتىگىن باياعىدان ايتىپ كەلەدى. الايدا ونىڭ پرەزيدەنتپەن كەزدەسۋ بارىسىندا بۇل ماسەلەنى قايتا كوتەرۋى &ndash؛ مەملەكەت باسشىسىنىڭ بۇل باستامانى قولدايتىنىن بىلدىرمەيدى. پرەزيدەنت الماتىنى دامىتۋدىڭ ماڭىزدى ماسەلەلەرىنە نازار اۋدارۋ كەرەك دەپ ەسەپتەيدى. ول تۋرالى پرەزيدەنت وسى جىلدىڭ 29 قازانىندا قالا اكتيۆىمەن كەزدەسۋ كەزىندە ايتقان ەدى. مەملەكەت باسشىسى مۇنداي ماسەلەلەر كابينەتتە عانا ەمەس, قالا تۇرعىندارىنىڭ باسىم كوپشىلىگىنىڭ ۇستانىمى نەگىزىندە, ازاماتتاردىڭ ويىن ءبىلىپ بارىپ شەشىلۋى كەرەك دەپ ەسەپتەيدى, - دەپ جازدى قارين.

بۇعان دەيىن ءبىرقاتار باق-تا اقىن ولجاس سۇلەيمەنوۆتىڭ پرەزيدەنتپەن كەزدەسكەنى, كەزدەسۋدە "الماتى اتاۋىن "الما-اتا" دەپ وزگەرتۋ باستاماسىن پرەزيدەنت قولدادى" دەگەن سىڭايدا اقپارات تاراعان بولاتىن.

قازاقستاندى ۇزدىكسىز 30 جىلعا جۋىق بيلەگەن نۇرسۇلتان نازارباەۆ بيىلعى جىلدىڭ 19 ناۋرىزىندا مەرزىمەن بۇرىن پرەزيدەنتتىك وكىلەتتىگىن توقتاتقان. زاڭ بويىنشا, پرەزيدەنت قىزمەتىن ۋاقىتشا اتقارۋعا كىرىسكەن سول كەزدەگى سەنات ءتوراعاسى قاسىم-جومارت توقاەۆ 23 ناۋرىزدا ؛استانا قالاسىنىڭ اتىن "نۇر-سۇلتان" دەپ وزگەرتۋ تۋرالى جارلىققا قول قويعان. توقاەۆ ول كەزدە قالا تۇرعىندارىنىڭ باسىم كوپشىلىگىنىڭ ۇستانىمىنا, ازاماتتاردىڭ ويىن-پىكىرىنە قاراماستان ەل استاناسىنىنڭ اتىن وزگەرتۋ تۋرالى جارلىق شىعارعان. ؛

قازاقستان زاڭ بويىنشا, كونستيتۋسياعا وزگەرىس ەنگىزۋ تۋرالى پرەزيدەنت, ۇكىمەت نەمەسە پارلامەنت ۇسىنىس جاساي الادى. ال ۇسىنىسقا وراي بۇكىلحالىقتىق رەفەرەندۋم ءوتۋى ءتيىس. ءبىراق سول كەزدە قازاقستان پارلامەنتى قالا اتاۋىن وزگەرتۋ ءۇشىن رەفەرەندۋم وتكىزۋ قاجەت ەمەس دەپ شەشكەن. بۇل شەشىمدى كونستيتۋسيالىق كەڭەس وڭ باعالاعان.

 ؛