پارلامەنت كوپبالالى وتباسىلاردىڭ جاردەماقىسىنا قاتىستى زاڭدى قابىلدادى

سەنات كوپبالالى وتباسىلارعا تابىسىنا قاراماستان مەملەكەتتىك جاردەماقى تولەۋدى كوزدەيتىن زاڭدى قابىلدادى, دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنىڭ دەرەگىن نەگىزگە الىپ. ؛

بۇگىن سەناتتا كەيبىر زاڭنامالىق اكتىلەرگە مىندەتتى الەۋمەتتىك ساقتاندىرۋ, الەۋمەتتىك قامسىزداندىرۋ جانە دەنساۋلىق ساقتاۋ سالاسىنداعى مەملەكەتتىك-جەكەمەنشىك ارىپتەستىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى ەكى وقىلىمدا قارالىپ, قابىلداندى.

قۇجاتتا كوپبالالى وتباسىلارعا تولەنەتىن جاردەماقى مەن اتاۋلى الەۋمەتتىك كومەككە قاتىستى وزگەرىستەر كوزدەلگەن.

"بۇگىندە ەلىمىزدە اتاۋلى الەۋمەتتىك كومەك الىپ جۇرگەن 1 ميلليون 655 مىڭ ؛ ادام بار, سونىڭ 1 ميلليوننان استامى &ndash؛ بالالار. سونىڭ ىشىندە, 60%-تەن استامى &ndash؛ كوپبالالى وتباسىلاردىڭ بالالارى. سوندىقتان ءبىز كوپبالالى وتباسىلارعا, ياعني 4 جانە ودان دا كوپ كامەلەتكە تولماعان بالالارى بار وتباسىلارعا تابىسىنا قاراماستان بولەك جاردەماقى ەنگىزۋدى كوزدەپ وتىرمىز", - دەدى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ.

مەملەكەتتىك جاردەماقى بالا سانىنا قاراي سارالانادى:

• تورت بالاسى بار وتباسىلارعا &ndash؛ ؛ 42 496 تەڭگە؛
• بەس بالاعا &ndash؛ 53 127 تەڭگە؛
• التى بالاعا &ndash؛ 63 757 تەڭگە؛
• جەتى جانە ودان دا كوپ بالالارعا &ndash؛ 74 388 تەڭگە.

بۇدان بولەك, اتاۋلى الەۋمەتتىك كومەكتىڭ قولدانىستاعى جۇيەسى قايتا قارالدى. ەندى اتاۋلى الەۋمەتتىك كومەك قازىرگىدەي 6 نەمەسە 12 ايعا ەمەس, توقسان سايىن تاعايىندالادى.

"اتاۋلى الەۋمەتتىك كومەك بۇرىنعىداي كەدەيلىك شەگى مەن وتباسىنىڭ جان جاسىنا شاققانداعى ورتاشا تابىسىنىڭ ايىرماشىلىعى رەتىندە تولەنەدى. ماسەلەن, ەگەر دە كەدەيلىك شەگى 21 مىڭ تەڭگە, ال وتباسىنىڭ ورتاشا تابىسى 10 مىڭ تەڭگە بولسا, ءار وتباسىنا سول جەتىسپەيتىن 11 مىڭ تەڭگە تولەنەدى", - دەپ ءتۇسىندىردى مينيستر.

تاعى وزگەرىس &ndash؛ ەگەر وتباسىنىڭ ەڭبەككە جارامدى مۇشەسى مەملەكەت ۇسىنعان جۇمىستان باس تارتسا, اتاۋلى الەۋمەتتىك كومەك بۇكىل وتباسىعا توقتاتىلادى.

سونىمەن قاتار, اتاۋلى الەۋمەتتىك كومەك العىسى كەلەتىن وتباسىلاردىڭ مال-مۇلكىن ەسەپتەيتىن ۋچاسكەلىك كوميسسيالاردىڭ دا قىزمەتى كۇشەيتىلەدى.

بۇعان قوسا, اتاۋلى الەۋمەتتىك كومەك الىپ جۇرگەن وتباسىلاردىڭ بالالارىنا كەپىلدەندىرىلگەن الەۋمەتتىك پاكەت بەرىلەدى. ياعني, مەكتەپ جاسىنا دەيىنگى بالالار ازىق-تۇلىك جانە گيگيەنالىق قۇرالدارمەن قامتىلسا, مەكتەپ جاسىنداعىلارعا تەگىن ىستىق تاماق, مەكتەپ فورماسى مەن وقۋ-قۇرالدارى بەرىلەدى, كۇندەلىكتى مەكتەپكە بارىپ-كەلۋ جول شىعىندارى وتەلەدى. ؛

پارلامەنت قابىلداعان زاڭدا مۇگەدەكتەردى الەۋمەتتىك قامسىزداندىرۋ دەڭگەيىن كوتەرۋ ماسەلەسى دە شەشىمىن تاپقان.

"كەلەسى جىلدان باستاپ الەۋمەتتىك قىزمەتتەر پورتالىن ىسكە قوسۋ قاراستىرىلىپ وتىر. پورتال الەۋمەتتىك قىزمەتتى الۋشىلار مەن سول قىزمەتتى كورسەتەتىندەر اراسىنداعى ءبىرىڭعاي سيفرلىق الاڭ بولادى. مۇگەدەك جاندارىمىز وڭالتۋ قۇرالدارى مەن قىزمەتتەردى وزدەرى تاڭداي الادى. ءقازىر ءبىز ولارعا ساتىپ اپەرىپ جۇرگەن ەدىك. ەندى وسى پورتالدىڭ كومەگىمەن قالاعانىن تاڭداۋعا مۇمكىندىك بار", - دەدى ۆەدومستۆو باسشىسى.

قۇجاتتا جازىلعان تاعى ءبىر وزگەرىس &ndash؛ مىندەتتى زەينەتاقى جارناسىنا قاتىستى. جۇمىس بەرۋشىنىڭ مىندەتتى زەينەتاقى جارناسىن ەنگىزۋ مەرزىمى 2020 جىلدان 2023 جىلعا اۋىستىرىلىپ وتىر.