diapazon.kz
باتىس قازاقستان وبلىسى تاسقالا اۋىلىندا پوليسيا ينسپەكتورى جاياۋ ادامدى كولىكپەن قاعىپ, وقيعا ورنىنان قاشىپ كەتكەن. بۇل تۋرالى tengrinews.kz سايتى حابارلادى. ؛
سايتتىڭ جازۋىنشا, باتىس قازاقستان وبلىستىق پوليسيا دەپارتامەنتى وقيعا 2 جەلتوقسان كۇنى تاڭعى ساعات 6.00-دە بولعانىن مالىمدەگەن. جاياۋ جۇرگىنشى رۇقسات ەتىلمەگەن جەردەن ءوتىپ بارا جاتقاندا پوليسيا قىزمەتكەرى "نيۆا شەۆرولە" ماركالى جەكە اۆتوكولىگىمەن ونى قاعىپ كەتكەن. ؛
"اۆتوكولىك جۇرگىزۋشىسى تاسقالا اۋداندىق پوليسيا ءبولىمىنىڭ جول-تەحنيكالىق ينسپەكسياسى توبىنىڭ اعا ينسپەكتورى ساكەن قوجانوۆ بولعان. ءقازىر وعان قاتىستى قىلمىستىق كودەكستىڭ "جول قوزعالىسى ەرەجەلەرىن بۇزۋ" جانە "جول اپاتى بولعان ورنىن قاشىپ كەتتۋ" باپتارى بويىنشا سوتقا دەيىنگى تەرگەۋ باستالدى. جەكە قاۋىپسىزدىك قىزمەتى قىزمەتتىك تەرگەۋ جۇرگىزىپ جاتىر", - دەگەن وبلىستىق ىشكى ىستەر دەپارتامەنتىنىڭ وكىلى الەكساندر پلەشاكوۆ.
سوت-مەديسينالىق ساراپتاماسى ينسپەكتوردىڭ قانىندا الكوگول بولماعانىن انىقتادى. ءقازىر ول ەشقايدا كەتپەۋ تۋرالى قولحاتپەن بوساتىلعان.
وبلىستىق دەنساۋلىق ساقتاۋ باسقارماسىنىڭ حابارلاۋىنشا, 56 جاستاعى زارداپ شەگۋشى قالالىق كوپ سالالى اۋرۋحاناعا جەتكىزىلگەن. ول ءقازىر جانساقتاۋ بولىمىندە جاتىر. ؛ جاعدايى اۋىر. ؛
بۇل - سوڭعى ايدا بقو پوليسيا قىزمەتكەرلەرىنىڭ قاتىسۋىمەن بولعان ءۇشىنشى جول اپاتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر