قۇن: الماتى وبلىسىندا كىسى ءولىمىنىڭ كوپتىگىنە كىم جاۋاپ بەرەدى؟

يا, قۇن سۇرايتىن جاعداي بۇل! سوڭعى اقپاراتتارعا سۇيەنسەك, الماتى وبلىسىندا ادامي كاپيتالدىڭ قۇنى قالماعان سىڭايلى. ولاي دەيتىنىمىز, جەر ءجانناتى اتانعان ايماق ەندى كىسى ءولىمى بويىنشا رەسپۋبليكادا الدىڭعى ورىندا تۇر. تەك وعان سەلت ەتكەن ەل «؛سەتەرى»؛, اكىمدىكتەگى قاپتاعان جيىننىڭ الدىڭعى قاتارىنا قويىپ, وپىنىپ وتىرعان ءبىر باسشى جوق ازىرگە.  ؛

ماسەلەن, كۇنى كەشە عانا الماتىدا وتكەن "دەنى ساۋ بالا &ndash؛ ۇلت بولاشاعى" اتتى حالىقارالىق عىلىمي-پراكتيكالىق كونفەرەنسيادا دا جەتىسۋداعى بالا ءولىمىنىڭ قازاقستان بويىنشا الدىڭعى ورىنداردى «؛مىسە تۇتىپ»؛ وتىرعانى ايتىلدى.

مامانداردى بەس جاسقا دەيىنگى بالالار اراسىنداعى اۋرۋ مەن ءولىم سانىنىڭ كوپتىگى قاتتى الاڭداتىپ وتىر. ازىرگە وبلىستىڭ باس دارىگەرى ىسقاق باۋىرجان ايماق اكىمى اماندىق باتالوۆقا بۇل جايىندا ءتىس جارماسا كەرەك-تى. سەبەبى, ءدال بۇگىنگى «؛ەگەمەن قازاقستان»؛ گازەتىنە شىققان سۇحباتىندا «؛حابارداعىداي»؛ كوسىلىپتى &ndash؛ اكىم مىرزا. بالكىم وعان ا. باتالوۆتىڭ ءوزى ەمەس, جەكەلەگەن جەتكىزبەس «؛جەلپ ەتپەسى»؛ كىنالى بولار.

كىسى ءولىمى تۋرالى اقپاراتقا كۇيىپ, اۋىز تولعاسىن جەتكىزگەن جالعىز «؛ايتپاسىمىز»؛ بۇل عانا بولسا نە ەتتى؟! تىڭداسا, الماتى وبلىسىندا 9 ايدىڭ وزىندە 400-گە جۋىق ادام تەمىر تۇلپاردان مەرت بولعان. اپاتتىق جاعدايدىڭ تولىق مالىمەتىنە سۇيەنسەك, جىلعا جەتپەيتىن قىسقا ۋاقىتتا 2000-عا جۋىق كولىك اپاتى تىركەلگەنى ايتىلادى. ماسەلە, وبلىستىڭ پوليسەيلەرىنە جىل سايىن ۇيىپ-توگىپ ماشينا بەرۋمەن شەكتەلسە قانەكەي؟ بۇل, البەتتە, «؛بايدىڭ اسىن بايقۇس قىزعانادىنىڭ»؛ الپەتى ەمەس-تىن. تيىسىنشە, اكىمنىڭ ادەبىنە قاراي ماداقتالۋشىنىڭ دا ەل ماقتايتىن ارەكەتى بولسا دەيسىڭ.

پوليسەي دەمەكشى, وسى ۇيىقتاعى جاسوسپىرىمدەر قىلمىسىنىڭ دا رەسپۋبليكادا الدىڭعى ورىنعا جايعاسا باستاعانىن ايتا كەتۋىمىز كەرەك بۇل رەتتە. ەگەر ەستىمەسە, ونى دا جەتكىزەلىك. جۋىردا ىشكى ىستەر ءمينيسترى ەرلان تۇرعىمباەۆ كامەلەتكە تولماعاندارعا قاتىستى زورلىق-زومبىلىق قىلمىستاردىڭ, سونداي-اق جاسوسپىرىمدەر بۇزاقىلىعىنىڭ الدىن الۋ بويىنشا كەڭەس وتكىزگەن بولاتىن. سوندا عوي, سوندا رەسپۋبليكاداعى قاتاڭ سىنعا ۇشىراعان ءتورت وبلىستىڭ ىشىندە تاعى بويى سورايىپ ء«؛ۇي يەلەرىنىڭ»؛ كىندىك جۇرتى تۇرعانى ايتىلىپ ەدى... ( تولىعىراق بىلگىڭىز كەلسە, بۇل تۋرالى ؛مىنا ؛جەردەن وقي الاسىز).

باقساڭىز, قۇن تۋرالى وزگە دايەككە قۇنىقپاي عانا جەتكىزگەن وسى ءۇش-اق كورسەتكىشتىڭ ءوزى وبلىس اتقامىنەرلەرىن ويلاندىرۋى ءتيىس دەپ ويلايمىز. بۇنى ءبىز بەتكە سالىق قىپ باسۋ ءۇشىن ەمەس, بۇلىڭعىر دۇنيەنىڭ بۇنداعى باسشىلارعا ماڭىزىن اشۋ ءۇشىن ايتتىق. حالىقشىل اكىم ونى دا ءتۇسىنىپ, ورنىندا باردى وڭالتسا دەيمىز تاعى. ويتپەسە, ءدال وسىلاي ادام كاپيتالىنىڭ قۇنى قالماۋعا اينالعان جەتىسۋدا «؛اۋىلشارۋاشىلىعىن دامىتىپ جاتىرمىز»؛, «؛رەسپۋبليكادا ءبىرىنشى ورىنعا شىقتىق»؛ دەگەن ۇر دا جىق ۇراننىڭ ءمانىسى قانداي بولماق, سىزشە؟

ايتا كەتەيىك, قازىردە اتالعان وبلىس تۇرعىندارىنا بارلىعى 806 مەديسينا مەكەمەسى قىزمەت كورسەتىپ وتىر. ولاردىڭ ىشىندە 643 مەملەكەتتىك دەنساۋلىق ساقتاۋ نىسانى مەن 163 جەكەمەنشىك ورتالىق پەن ەمحانا بار.

قوزىباي قۇرمان.

الماتى وبلىسى.