سيفرلاندىرۋ – ءبىلىم بەرۋدەگى جاڭا باعىت

بۇگىندە ەلىمىزدىڭ ەكونوميكاسىنىڭ بارلىق سالالارىن سيفرلاندىرۋ كۇن ءتارتىبىنىڭ باستى تاقىرىپتارىنىڭ ءبىرى. وسى باعىتتا باستالىپ جاتقان بەلسەندى جۇمىستىڭ العاشقى باعىتتاردىڭ ءبىرى ءبىلىم بەرۋ دەپ اتالادى.

راسىمەن دە, ادامزات قاۋىمى جىل ساناپ ەمەس, اي ساناپ, ءتىپتى اپتا مەن كۇن ساناپ سيفرلاندىرۋ زامانىنىڭ سيقىرلى الەمىنە ەنىپ بارادى. سيفرلاندىرۋ تەحنولوگيالارى دەگەنىمىز &ndash؛ بۇل بۇرىن-سوندى ادامزات باستان كەشپەگەن عاجايىپ الەمنىڭ جاڭا قۇرالدارى. قازىرگى كۇنى بۇل تەحنولوگيالار جاساقتالۋ ۇستىندە. ولار ءقازىردىڭ وزىندە ءبىز تامسانىپ ايتا بەرەتىن اقپاراتتىق تەحنولوگيالاردىڭ ءوزىن جولدا قالدىرا باستادى.

سيفرلاندىرۋ تىكەلەي بۇرىن قول جەتىمدى بولماعان جوعارى وقۋ ورىندارى مەن مەكتەپتەر ءۇشىن اشىلاتىن سيفرلىق تەحنولوگيانىڭ وقۋ قۇرالدارىمەن بايلانىستى. ولاردىڭ ىشىندە ونلاين وقۋ اسا ەرەكشەلەنەدى.

بىلىم بەرۋ ۇدەرىسىن سيفرلاندىرۋ ءىسى جامبىل وبلىسىنىڭ جۋالى اۋدانىندا دا قارقىندى قولعا الىنۋدا. اتاپ ايتار بولساق, اۋداننىڭ ءبىلىم بەرۋ جۇيەسىن سيفرلاندىرۋ ماقساتىندا 39 مەكتەپ ونلاين جۇيەدە جۇمىس اتقارادى. رەسپۋبليكالىق بيۋدجەتتەن 7 600,0 مىڭ تەڭگە ءبولىنىپ, وففلاينداعى 5 مەكتەپ, ونلاينداعى 35 مەكتەپكە قوسىلعان.

&ndash؛ «؛كۇندەلىك»؛ جۇيەسى مەكتەپتەرگە 100 پايىز ەنگىزىلدى. قالىپتى جۇمىس جاساۋ ءۇشىن ينتەرنەت جەلىسىنىڭ جۇمىس جاساۋى, مۇعالىمدەرگە ءتۇسىندىرۋ جۇمىستارى جۇرگىزىلۋدە. اقپاراتتىق جۇيەنىڭ جۇمىس ىستەۋى ءۇشىن ءار ءبىلىم مەكەمەلەرىندە ديرەكتوردىڭ ءىت جونىندەگى ورىنباسارى مەن جاۋاپتى مامان بەكىتىلدى. مۇعالىمدەردى كومپيۋتەرمەن قامتۋ 99,4 پايىزدى قۇرادى.

2018 جىلى 11720,0 تەڭگە كومپيۋتەرمەن جابدىقتاۋعا ءبولىنىپ, 35 كومپيۋتەر جانە 20 نوۋتبۋك الىنىپ, مەكتەپتەرگە تاراتىلدى. مەكتەپتەردىڭ ينفراقۇرىلىمىن ازىرلەۋگە 17360,0 تەڭگەگە 43 جيناق تاقتا, ۇلكەيتكىش, كومپيۋتەر الۋعا ءبولىنىپ, تاراتىلىپ بەرىلدى.

2019 جىلى كومپيۋتەرمەن جابدىقتاۋعا بولىنگەن قارجى 25035,0 مىڭ تەڭگە ءبولىنىپ, 200 دانا الىندى. روبوتوتەحنيكاعا 47295,0 مىڭ تەڭگە, (روبوتتار الۋعا) ءبولىنىپ, اۋدانداعى 13 مەكتەپكە بەرىلدى, &ndash؛ دەيدى اۋداندىق ءبىلىم ءبولىمىنىڭ باسشىسى ءماجيت ايجانوۆ.

سونداي-اق, اۋداندا پەداگوگتار قۇرامىنىڭ ساپاسىن ارتتىرۋعا باسا نازار اۋدارىلۋدا.بۇل ماقساتتا جاڭارتىلعان ءبىلىم مازمۇنى بويىنشا ساباق بەرەتىن ءپان مۇعالىمدەرىنە 214 ملن 984 مىڭ تەڭگە قارالىپ, قىركۇيەك ايىنان باستاپ ايلىقتارىنا 30 پايىز ۇستەماقى قوسىلعان. ال, الداعى وقۋ جىلىنا كۋرستارعا 4 ملن 625 مىڭ تەڭگە بولىنسە, كۋرسقا كەتكەن نەگىزگى قىزمەتكەرلەردىڭ ورنىن الماستىرۋعا 20 ملن 480 مىڭ تەڭگە, ءىس-ساپار شىعىندارىنا 18 ملن 144 مىڭ تەڭگە قارجى قارالىپ, يگەرىلگەن.