16 قازان, 2019 وقيعالار
تۇنشىعىپ, ارام ولگەن 46 جىلقىنى ۇرلاعانداردىڭ ءبىرى مينيسترلىك قىزمەتكەرى بولعان ەكەن
كۇدىككە ىلىنگەندەردىڭ ءبىرى 26 جاستاعى سەلينوگراد اۋدانىنىڭ تۇرعىنى دا, ەكىنشىسى – 41 جاستاعى مينيسترلىك قىزمەتكەرى
جىلقى ۇرلىعىنا قورعانىس مينيسترلىگى قىزمەتكەرىنىڭ قاتىسى بولۋى مۇمكىن دەپ جازادى qamshy.kz اقپارات اگەنتتىگى كتك تەلەارناسىنا سىلتەمە جاساپ.
اقمولالىق پوليسەيلەر نۇرسۇلتان قالاسى ماڭىنان ولەكسەسى تابىلعان 46 باس جىلقىنى ۇرلاعانداردى قولعا ءتۇسىردى.
جانات جىلقىباەۆ, اقمولا وبلىستىق پد كريمينالدىق پوليسيا باسقارماسى باستىعىنىڭ مىندەتىن اتقارۋشى: - كۇدىكتىلەر ۇرلانعان جىلقىنى ارشالىدان ەلوردانىڭ كوكتال شاعىن اۋدانىنا اپارۋعا مان جۇك كولىگىنە ارتقان. جانجاعى بىتەۋ كولىكتە مۇنشاما مال شىداماسا كەرەك, تۇنشىعىپ ولگەن. ساسقانىنان ولەكسەلەردى لاقتىرىپ كەتكەن. ؛
كۇدىكتىنىڭ ءبىرى 26 جاستاعى سەلينوگراد اۋدانىنىڭ تۇرعىنى دا, ەكىنشىسى 41 جاستاعى مينيسترلىك قىزمەتكەرى ەكەن. ول قورعانىس مينيسترلىگىندە دارداي ءبولىم باستىعى بولعان. جىلقى ۇرلادى دەگەن كۇدىككە ىلىككەن قىزمەتكەر وسىدان ءبىر اپتا بۇرىن عانا مينيسترلىكتەن قۋىلىپتى.
ەلوردا ماڭىنان 28 باس جىلقىنىڭ ولەكسەسى تابىلعان ەدى. مالىنان ايرىلعان ەرەيمەنتاۋلىق كاسىپكەردىڭ ارىزى بويىنشا پوليسيا تەكسەرىسى كەزىندە تاعى 18 ولەكسە قوياندى اۋىلىنىڭ ماڭىنان تابىلدى.
قازىر ەكى كۇدىكتىنى ەرەيمەنتاۋ اۋداندىق سوتى ەكى ايعا اباقتىعا جاپتى. ولاردىڭ 150 شاقىرىم جەردى ەش كەدەرگىسىز وتۋىنە مينيسترلىك قىزمەتكەرى بەدەلىن سالسا كەرەك. ول دجيپ كولىگىمەن الدا ءجۇرىپ وتىرعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر