16 قازان, 2019 news
اقتوبەدە 20 جاستاعى كەلىنشەك ۋزي كابينەتىندە كوز جۇمدى
اقتوبە وبلىستىق پوليسيا دەپارتامەنتىنىڭ حابارلاۋىنشا, قايعىلى وقيعا 14 قازاندا بولعان.
اقتوبەدەگى مەديسينالىق ورتالىقتىڭ ۋلترادىبىستىق زەرتتەۋ (ۋزي) كابينەتىندە جيىرما جاستاعى ايەل قايتىس بولدى دەپ حابارلايدى ؛qamshy.kz اقپارات اگەنتتىگى "موي گورود" پورتالىنا سىلتەمە جاساپ.
مەديسينالىق ورتالىقتىڭ ۋلترادىبىستىق زەرتتەۋ كابينەتىندە 20 جاستاعى ايەلدىڭ كوز جۇمعانى تۋرالى قالالىق پوليسيا بولىمىنە قوڭىراۋ كەلىپ ءتۇستى. ءولىم دەرەگى بويىنشا سوت-مەديسينالىق ساراپتاما تاعايىندالدى.
ايەل انافيلاكسيالىق شوكتىڭ (قاتتى اللەرگيالىق رەاكسيا) سالدارىنان قازا بولۋى مۇمكىن دەپ بولجام بار.
پوليسيا قازاقستان قىلمىستىق كودەكسىنىڭ 317-بابى 3-بولىگى "مەديسينا نەمەسە فارماسەۆتيكا قىزمەتكەرىنىڭ كاسiپتىك مiندەتتەرiن تيiسiنشە ورىنداماۋى" بويىنشا سوتقا دەيىنگى تەرگەۋدى باستادى.
بۇل باپ ءۇش جىلعا دەيىنگى مەرزىمگە بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ايىرا وتىرىپ, بەس جىلعا دەيىنگى مەرزىمگە باس بوستاندىعىنان ايىرۋ جازاسىن قاراستىرادى.
 ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر