12 قازان, 2019 ساياسات
قازاقستان-قىتاي سىبايلاس جەمقورلىققا قارسى قىزمەتى ىنتىماقتاستىق تۋرالى مەموراندۋمعا قول قويدى دەپ جازادى qamshy.kz اقپارات اگەنتتىگى anticorruption.gov.kz ؛سايتىنا سىلتەمە جاساپ.
2019 جىلدىڭ 11 قازاندا قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ الاڭىندا اگەنتتىك ءتوراعاسى اليك شپەكباەۆ قكپ وك ساياسي بيۋروسىنىڭ مۇشەسى, قحر مەملەكەتتىك قاداعالاۋ كوميسسياسىنىڭ ءتوراعاسى يان سياودامەن كەزدەستى.
كەزدەسۋ بارىسىندا اگەنتتىك ءتوراعاسى قىتايلىق ارىپتەسىن قازاقستاننىڭ سىبايلاس جەمقورلىققا قارسى ساياساتىنىڭ نەگىزگى ەرەجەلەرى, اگەنتتىكتىڭ قىزمەتى تۋرالى حاباردار ەتتى.
قىتاي دەلەگاسياسىنىڭ باسشىسى اگەنتتىكتىڭ قىزمەتىنە وڭ باعا بەردى جانە ءوز كەزەگىندە سىبايلاس جەمقورلىققا قارسى ءىس-قيمىلداعى مقك جۇمىسى مەن قول جەتكىزگەن ناتيجەلەرى تۋرالى ايتتى.
تيىمدى ارىپتەستىكتى ورناتۋ ماقساتىندا تاراپتار ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويدى, ول بىرلەسكەن جوبالاردى ىسكە اسىرۋدى جانداندىرۋعا, اقپارات الماسۋدى جۇزەگە اسىرۋعا مۇمكىندىك بەرەدى.
سونىمەن قاتار, كەزدەسۋ اياسىندا اگەنتتىك قىزمەتكەرلەرىن قحر تارتىپتىك باقىلاۋ جانە قاداعالاۋ اكادەمياسىندا وقىتۋ, سونداي-اق اتالعان اكادەميانىڭ قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىمەن ىنتىماقتاستىعى ماسەلەلەرى تالقىلاندى.
انىقتاما: مەملەكەتتىك قاداعالاۋ كوميسسياسى (مقك) تەرگەۋ جانە تەرگەۋ ارەكەتتەرىن جۇرگىزۋ وكىلەتتىگىنە يە. مقك-عا قحر سىبايلاس جەمقورلىققا قارسى كۇرەس جونىندەگى باقىلاۋ مينيسترلىگى مەن مەملەكەتتىك باسقارماسى كىردى. قحر كونستيتۋسياسىنا ەنگىزىلگەن جاڭا تۇزەتۋلەرگە سايكەس مقك ورگاندارى مەملەكەتتىك بيلىكتى بىلدىرەتىن بارلىق قىزمەتكەرلەردى قاداعالاۋدى جۇزەگە اسىرۋعا ۋاكىلەتتى بولادى. بۇل قاداعالاۋ ورگاندارىنىڭ حالىق وكىلدەرى جينالىسىنىڭ ء(حوج) مۇشەلەرىن دە باقىلايتىنىن, سونىمەن قاتار ءحوج دەپۋتاتتارى قاداعالاۋ ورگاندارىنىڭ ءوز مىندەتتەرىن ادال اتقاراتىندىعىن انىقتايدى, بۇل قوس قاداعالاۋ تەتىگىن قالىپتاستىرادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر