• usd 389.52
  • eur 429.21
  • rub 6.07
  • cny 54.94
19 قازان، 20:22:01
نازارباەۆ: "؛نۇر وتان"؛ حالىقتى مازالايتىن ماسەلەلەرگە ارالاسپايدى

09 قازان، 2019 سۇحبات

دارحان ابدىك: مەنىڭ داۋلاسۋعا زاۋقىم دا، ۋاقىتىم دا جوق...

بيىل مەن ءال فارابي تۋرالى فيلم ازىرلەدىم. ءتۇسىرىلىم ءبىتتى. مونتاج دايىن. مۋزىكا جازىلدى. ءقازىر سوڭعى شتريحتار قالدى دەسە بولادى. ءتۇسىرىلىم بارىسىندا سيرياعا، ۇلى عالىمعا توپىراق بۇيىرعان داماسك قالاسىنا بارىپ كەلۋدىڭ ءساتى ءتۇستى.

&ndash؛ سالەمەتسىز بە، دارحان مىرزا. تەلەارنالاردا جاڭا ماۋسىم باستالدى. ۇلتتىق ارنادا باسشىلىق اۋىستى، جۇرگىزۋشىلەر اۋىستى. كەيبىر حابارلار جابىلىپ، جاڭالارى اشىلدى. ءسىزدىڭ حابارىڭىزدىڭ جاعدايى قالاي بولىپ جاتىر؟

&ndash؛ جاعداي جامان ەمەس. "پاراسات مايدانى" ەفيرگە باياعىسىنشا، تۇنگى ون ەكىنىڭ ار جاق، بەر جاعىندا شىعادى.

&ndash؛ دەگەنمەن، كۇزدەن بەرى شىققان ساندارى ينتەرنەتتە جوق قوي.

&ndash؛ ءيا، youtube ارناسىنا جۇكتەلىپ جاتقان جوق. كورپوراسيا سايتىنىڭ جۇمىسىنا جاۋاپتى ادامنىڭ ايتۋىنشا بۇل ادەيى، ەلدى وزدەرىنىڭ سايتىنا تارتۋ ءۇشىن جاسالىپ جاتقان جۇمىس. مەنىڭ پىكىرىمشە، اقىماقتىق ارينە. سەبەبى مۇنداي ساياسات حاباردى كورەتىن ادامداردىڭ سانىن كۇرت ازايتقاننان باسقا ەش ناتيجە بەرمەيدى. الايدا مەنىڭ ونىمەن داۋلاسۋعا زاۋقىم دا، ۋاقىتىم دا جوق. دەگەنمەن باسشىلىقتىڭ حابارعا كوزقاراسى جاقسى سەكىلدى. ويتكەنى مەنى قابىلداعان كەزدە ءتورايىم ورىنباسارى يلحام يبراگيم "پاراسات مايدانىنا" جىلى لەبىز ءبىلدىرىپ، ارناعا حاباردىڭ كەرەك ەكەنىن ايتتى. مەن ءماز بولىپ قالدىم.

&ndash؛ ءوزىڭىزدىڭ اتقارعىڭىز كەلەتىن باسقا جۇمىستار دا بار ما؟ وعان قولداۋ تاۋىپ جاتىرسىز با؟ ماسەلەن، بىلتىر ءسىز شوقان ءۋاليحانوۆ تۋرالى دەرەكتى فيلم ءتۇسىردىڭىز، "بالاپان" ارناسى ءۇشىن "پليۋس شەكسىزدىك" عىلىمي-تانىمدىلىق جوباسىن ازىرلەدىڭىز.

&ndash؛ بيىل مەن ءال فارابي تۋرالى فيلم ازىرلەدىم. ءتۇسىرىلىم ءبىتتى. مونتاج دايىن. مۋزىكا جازىلدى. ءقازىر سوڭعى شتريحتار قالدى دەسە بولادى. ءتۇسىرىلىم بارىسىندا سيرياعا، ۇلى عالىمعا توپىراق بۇيىرعان داماسك قالاسىنا بارىپ كەلۋدىڭ ءساتى ءتۇستى. سيرياعا بارۋ قيىن. وزدەرىڭىز بىلەسىزدەر، سوعىس بولىپ جاتقان مەملەكەت. ءبىزدىڭ ديپميسسيا وندا جوق. سول سەبەپتى ءىسساپاردى جۇزەگە اسىرۋعا كومەكتەسكەن سىرتقا ىستەر مينيسترلىگىنە جانە قازاقستان رەسپۋبليكاسىنىڭ ليۆانداعى ەلشىسى مەن كونسۋلىمىزعا كوپ راحمەت. تاعى دا ايتامىن، ۇلكەن راحمەت ەمەس، كوپ راحمەت. بىزدە جۇرت ورىسشا "بولشوە سپاسيبودان" اۋدارىپ ۇلكەن راحمەت دەيتىن بولدى. قازاقتار اعىلشىندار سەكىلدى "thank you so mach" ؛&ndash؛ "كوپ راحمەت" دەيدى. بۇل دا لاتىن الىپپەسىنە وتەرگە ءبىر ارگۋمەنت (كۇلەدى).

&ndash؛ دۇرىس، دەگەنمەن ءال فارابي تاقىرىبىن نەگە تاڭدادىڭىز؟ بالكىم وندا اراب ءالىپبيىن تاڭداعان دۇرىس شىعار /كۇلەدى/.

&ndash؛ جوق! مىنە بۇل دا، بۇرىننان قالىپتاسقان جاڭساق پىكىر. سەبەبى بۇگىنگى ادامزاتقا ورتاق وركەنيەت تە، ءبىز ايتىپ جۇرگەن ەۋروپا ەلدەرىندەگى ازاماتتىق، ادامي قۇندىلىقتار دا &ndash؛ ءال ءفارابيدىڭ مۇراسى. اقش-تاعى دامىعان عىلىم، جاپونيادا دامىعان تەحنولوگيالار، يزرايلدە دامىعان مەديسينا مەن ەۆروپادا دامىعان ونەر، ونىڭ ىشىندە مۋزىكا، ءبارى-بارى ءال ءفارابيدىڭ مۇراسى. ءبىز ادەتتە ءال فارابي مەن اۆيسەنناعا، بيرۋني مەن ۇلىقبەككە يسلام الەمىنىڭ عالىمدارى دەگەن اتاۋ تاعىپ قويامىز. بۇل دۇرىس ەمەس. وكىنىشكە قاراي، ءدىن مەن عىلىمنىڭ قاتار دامۋى مۇمكىن ەمەس. ءدىن ءاردايىم عىلىمعا سالىناتىن اۋىزدىق. سول سەبەپتى مەن ءال فارابي تۇسىنداعى ورىن العان رەنەسسانستى، ءدىن قىسپاعىنا قاراماستان، ورىسشا ايتقاندا «؛ۆوپرەكي»؛ بولعان قۇبىلىس دەر ەدىم. بۇل ۇلكەن ەرلىك. مىڭداعان عالىم وسى جولدا قۇربان بولدى. ءال فارابي دە قۋعىن كوردى. ءدىني تەولوگتار ونى كاپىر دەپ تە اتادى. ءفارابيدىڭ ءومىرى ىزدەنىسكە عانا ەمەس، كۇرەسكە دە، ەرلىككە دە تولى عۇمىر. سول سەبەپتى فارابيتانۋدىڭ نەگىزىن سالعان نەمىس عالىمى فريدريح گەنريح ديتەريسسي ونى "قاراڭعىلىققا، ناداندىققا، ادام بويىنداعى رۋح ازاتتىعى مەن ىزگىلىك قاعيدالارىن جانىشتاۋعا تىرىساتىن قانىپەزەر بيلىكقۇمارلىققا قارسى ايانباي كۇرەسكەن پاراسات قاھارمانىنا" تەڭەدى.

&ndash؛ بالكىم، ءسىز ونى تىپتەن دەموكرات دەرسىز؟

&ndash؛ يا، دەموكرات. ءال ءفارابيدىڭ "ىزگى قالانىڭ تۇرعىندارى تۋرالى" ەڭبەگى بار. ىزگى قالا ؛&ndash؛ ىزگىلىكتى قوعامنىڭ ۇلگىسى. مىنە وسى ەڭبەگىندە ول، قالا باسشىسىنا قاجەتتى بىرنەشە قاسيەتتى ءتىزىپ ايتادى. سوسىن بۇل قاسيەتتىڭ ءبارى ءبىر ادامنىڭ بويىنان تابىلماۋى مۇمكىن، ونداي جاعدايدا قالاعا ءبىرىن ءبىرى تولىقتىراتىن بىرنەشە ادام باسشىلىق ەتۋى ءتيىس دەيدى. پارلامەنتتىك باسقارۋ ەمەي نە؟ ال ەندى ويلاپ كورىڭىز، بۇل x عاسىر، جەردەگى پاتشا، كوكتەگى اللانىڭ كولەڭكەسى، بيلىكتى قۇداي ءوزى قالاعانىنا بەرەدى دەپ جۇرگەن كەزەڭ. ءال فارابي ارعى دۇنيەنىڭ باقىتىن دارىپتەمەيدى، ادام باقىتتى قوعامعا كوزىنىڭ تىرىسىندە ۇمتىلۋى ءتيىس، ادام عىلىم مەن بىلىمگە ۇمتىلۋى قاجەت، ال ءبىلىم مەن عىلىمنىڭ ءقادىرى جوق ەلدى تاستاپ كەتۋى كەرەك دەيدى.

&ndash؛ ال، ءال فارابي قازاق پا، وزبەك پە، پارسى ما؟ بۇل ماسەلەدە دە ورتاق پىكىر جوق سەكىلدى عوي.

&ndash؛ ءال فارابي ؛&ndash؛ تۇركى بالاسى. بۇل ونىڭ تولىق اتىندا دا تۇر، كوك تاسىندا دا جازىلعان. الايدا ۇلى تۇلعالار ءبىر ۇلتتىڭ اياسىنا سىيمايدى عوي. ءال فارابي ادامزاتتىق تۇلعا. ابايدىڭ "اتاڭنىڭ بالاسى بولما، ادامنىڭ بالاسى بول" دەگەنى ەسىڭىزدە مە؟ ءبىز ءال ءفارابيدىڭ رۋحاني مۇراگەرى بولعاندا عانا ىزگى قوعام قۇرا الامىز. بۇل ءۇشىن ءفارابيدى ۇلتتىق قۇندىلىعىمىزعا اينالدىرۋ كەرەك. اۋدارۋ كەرەك. وقۋ كەرەك. ءبىز ءال فارابيمەن ماقتانىپ قانا كەلەمىز. ونى ءتۇسىنىپ بولدىق دەپ ايتا المايمىز. ءبىزدىڭ قوعامعا بۇگىنگى تاڭدا وزگەرىستەر قاجەت. ال سول وزگەرىستىڭ رۋحاني نەگىزى فارابي دۇنيەتانىمى بولا الادى دەپ ويلايمىن.

&ndash؛ راحمەت. ءفيلمىڭىزدى اسىعا كۇتەمىز.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر