تارازداعى جامبىل جاباەۆتىڭ ەسكەرتكىشى داۋعا اينالدى

جامبىلدا داڭقتى جىراۋدىڭ ەسكەرتكىشى داۋعا اينالدى دەپ حابارلايدى qamshy.kz اقپارات اگەنتتىگى "استانا" تەلەارناسىنا سىلتەمە جاساپ.

تەلەارنانىڭ مالىمەتىنشە, ؛بىلتىر تارازدا تۇرعىزىلعان جامبىل جاباەۆتىڭ جاڭا ەسكەرتكىشى كەيبىر تۇرعىنداردىڭ كوڭىلىنەن شىقپاي تۇر. ؛جامبىلدىڭ جاڭا ەسكەرتكىشى وبلىس اكىمدىگىنىڭ الدىنا بىلتىر قازاندا قويىلعان بولاتىن. nur otan پارتياسىنىڭ وكىلدەرى ەسكەرتكىش ۇكىمەت قاۋلىسىنسىز اۋىسقانىن مالىمدەدى.

"63 جىلدان اسىپ كەتتى, بۇل تاراز قالاسىنىڭ پاسپورتى. بىلەسىڭ با, مىناۋ ەش ۋاقىتتا پاسپورت بولا المايدى. بۇرىنعى تۇرعان جامبىل مىناۋ شويىننان قۇيىلعان. مىنە, مىنا جەردە وبراز بار, ديناميكا بار, بىرىنشىدەن ماتەريالنوست بار, بەرىكتىك بار. - ال, قازىرگىسى؟ - ول مىنە, مىنانداي قاڭىلتىر", - دەيدى مۇسىنگى سەيىتكارىم مومىشەۆ. ال قالا بيلىگى ەسكەرتكىش بوي كوتەرگەن 54 جىلدا 17 رەت جەڭىل-جەلپى جوندەۋ جۇرگىزدىك دەيدى. جوندەلە-جوندەلە توزىعى جەتىپتى. سوندىقتان الماتىدان ارنايى ماماندار شاقىرىپ, ەكى رەت ساراپتاما جۇرگىزگەن. سونىڭ قورتىندىسىنا ساي دەمەۋشىلەردىڭ قارجىلاي قولداۋىمەن اۋىستىردىق دەپ وتىر.

"سول ساراپتاما جۇمىستارىنىڭ ناتيجەسىندە بۇل ەسكەرتكىشتە كۇردەلى جارىقتاردىڭ پايدا بولعاندىعى, جالعانعان جارىقتارى اراسىندا, ارقاسى مەن قولتىقتارىندا, تومەنگى ەتەكتەرىندە, سىرتقى قاباتى قابىرشىقتانعانى, ءقاۋىپتى تەمىر قاقتار پايدا بولعاندىعى, ساپاسىزدىعى تۋرالى انىقتاما جاسالعان بولاتىن. ەكى رەت وتكىزىپ, ورنىنان الۋ, جوندەۋ جۇمىستارىن جۇرگىزۋ تۋرالى بىزگە جەتكىزىپ وتىر", - دەيدى تاراز قالاسى اكىمىنىڭ ورىنباسارى كەنجەبەك ولجاباي.

nur otan پارتياسى جامبىل وبلىستىق فيليالى ءتوراعاسىنىڭ ءبىرىنشى ورىنباسارى ەرقانات مانجۋوۆ ەسكى مۇسىندە ەش ءمىن جوعىن ايتادى. "بارلىق جاعىنان ەسكەرتكىش دۇرىس ەمەس.

بىرىنشىدەن ءمۇسىن وڭتۇستىككە قاراۋ كەرەك. ال بۇل سولتۇستىككە باعىتتالعان. ەكىنشىدەن, ەسكەرتكىش ول جەردەن كورىنبەيدى. ۇشىنشىدەن, ول اقىن, ول اتقامىنەر, قوعام بەلسەندىسى ەمەس اكىمدىك الدىندا تۇراتىنداي. وسى 3 دەرەك بويىنشا وعان قوعام مۇشەلەرى قارسى. ال بۇل رەتتە ءبىز پارتيا بۇقارانىڭ جاعىندامىز. ال ەسكەرتكىش مەملەكەت قورعاۋىندا بولعاندىقتان, ونى وزگەرتۋگە اۋىستىرۋعا ۇكىمەت قاۋلىسى كەرەك. ول وبلىستا جوق. ياعني, زاڭبۇزۋشىلىق بولىپ وتىر", - دەيدى ؛ەرقانات مانجۋوۆ. قازىرگى ەسكەرتكىشتىڭ بيىكتىگى - 4 مەتر بولسا, سالماعى - 1,5 توننا. ال ەسكى ءمۇسىن "جاسىل تاراز" مەكەمەسىنىڭ قويماسىندا تۇر. ونى ەلىمىزدىڭ سۋرەتشىلەر وداعى كاسىبي جوندەۋدەن وتكىزۋ كەرەك دەپتى. باسشىلىقتاعىلار جوندەۋ جۇمىسىنا دەمەۋشىلەر تابىلسا, ەكىنشى ەسكەرتكىشكە تارازدان تاعى ءبىر ورىن تابىلادى دەيدى.