جامبىلدا ءتورت تۇلىك سانى ارتىپ كەلەدى

كەڭەستىك كەزەڭدە قازاقستان ەت ەكسپورتىنان الدىڭعى قاتارعا شىعىپ, مال باسىنان رەكوردتىق كورسەتكىش كورسەتكەنى بەلگىلى. الايدا وداق ىدىراعاننان كەيىن كولحوزدار مەن تەحنيكا ۇستاعاننىڭ اۋزىندا, تىستەگەننىڭ قولىندا كەتكەنى جاسىرىن ەمەس. دەسە دە ەل ەگەمەندىگىن العاننان كەيىن مەملەكەت مال شارۋاشىلىعىن دامىتۋدى مىقتاپ قولعا الدى. بۇل باعىتتا «؛سىباعا»؛, «؛قۇلان»؛, «؛التىن اسىق»؛ سىندى مەملەكەتتىك باعدارلامالار جاندانىپ, تۇرالاعان تىرلىكتىڭ بويىنا قايتا قان جۇگىردى. بۇل باعىتتا جامبىل وبلىسى دا كوپكە ۇلگى شارۋا اتقارۋدا ؛دەپ جازادى qamshy.kz اقپارات اگەنتتىگى. ؛ سارىسۋ اۋدانىندا 2019 جىلدىڭ 1 تامىزىنا ءمۇيىزدى ءىرى قارا 21 130 باسقا, قوي-ەشكى 281 659 باسقا, جىلقى 6 697 باسقا, تۇيە 2 158 باسقا, قۇس 23 802 باسقا جەتكىزىلىپ, 3 841,1 توننا ەت, 3 149,5 توننا ءسۇت, 2 302,3 مىڭ دانا جۇمىرتقا دايىندالدى. بۇل كورسەتكىش وتكەن جىلدىڭ وسى ۋاقىتىمەن سالىستىرعاندا ءمۇيىزدى ءىرى قارا 1 008 باسقا, قوي-ەشكى 10 327 باسقا, جىلقى 347 باسقا, تۇيە 6 باسقا ارتىپ, 112,9 توننا ەت, 65,3 توننا ءسۇت, 63,3 مىڭ دانا جۇمىرتقا ارتىق ءوندىرىلدى.

اۋدان بويىنشا ءمۇيىزدى ءىرى قارا مالىن سەلەكسيالىق اسىلداندىرۋمەن اينالىساتىن شارۋاشىلىقتاردان بورداقىلاۋ الاڭدارىنا 356 باس بۇقاشىق وتكىزىلسە, قوي شارۋاشىلىعىمەن اينالىساتىن شارۋاشىلىقتاردان 1 634 باس قوزى نەمەسە 35,2 توننا قوي ەتى «؛مەركە ەت كومبيناتى»؛ جانە «؛وڭتۇستىك حالال»؛ جشس-تەرىنە ەكسپورتتالدى.

2019 جىلدىڭ قاڭتار-ماۋسىم ايلارىندا «؛ەپيزووتياعا قارسى»؛ ۆەتەريناريالىق ءىس-شارالار جوسپارى تولىق ورىندالدى. اتاپ ايتقاندا, قۇتىرۋ, اۋسىل, لەپتوسپيروز, ءسىبىر جاراسى, قاراسان, تۋبەركۋلەز, ماڭقا (ساپ), قاراسۇيەل, برادزوت, وبا, ەحينوكوككوز, تەيلەريوز, ساقاۋ اۋرۋلارىنا قارسى ۆاكسينالار جوسپارعا سايكەس تولىققاندى ەگىلگەن.

2019 جىلى 24 550 باس ءمىق, 253 800 باس ۋاق مال, 45 باس جىلقى, 2 072 باس تۇيە, 486 يت جانە 18 شوشقاعا برۋسەللەز اۋرۋىنا قارسى تەكسەرۋ جوسپارلانىپ وتىر.

ەسەپتى كەزەڭدە اۋدان بويىنشا 12 826 باس ءمىق (110,8 %), 132 903 باس ۋاق مال (102,4 %), 45 باس جىلقى (100,0 %), 1 723 باس تۇيە (100,0 %), 486 يت (100,0 %) پەن 18 شوشقا (100,0 %) برۋسەللەز اۋرۋىنا قارسى تەكسەرىلىپ, جوسپار تولىق ورىندالدى.

ارينە ءاربىر تۇياقتىڭ ساۋلىعى مال باسىنىڭ ارتۋىنا سەپ بولاتىنى انىق. سوندىقتان ءتورت تۇلىكتىڭ كۇتىمىن جاساۋ ءجون تىرلىك. مۇنداي باستاما مەن شارالار ارقىلى سارىسۋلىقتار كۇنى ەرتەڭ ەن دالانى ماڭىراعان مالعا تولتىراتىنى داۋسىز.